[ تجربتي بالصور : لشراء عطر عن طريق الإنترنت ]

[الواعد]

السلام عليكم

الف شكر أخوي والله يعطيك العافية

بسألك عند استلامك للعطر في الدوحة اكيد وصلك ورقة

في البريد ان لك مادة مسجلة واستلمتها من البريد العام

هل طالبوك بدفع جمارك ؟؟ لأنني قبل حوالي اسبوع

اشتريت عطر من موقع ebay من شخص بالكويت

بعد ماوصلني كانوا بيدفعوني جمرك بس الموظف من نفسه

قالي فقط عطر ؟؟ خلاص توكل على الله

هذا معناته انه ممكن الجمارك في البريد ياخذون فلوس لو حبوا

[تمون]

بعد انا عندي استفسار والله يعينكم علي اليوم

اول شي اخوي كم يوم خذ من طلبت لين وصل ؟

ثاني شي اخوي انت شريت العطر بسعر هل التوصيل ايضا للبريد بسعر ؟ يعني يختلف السعر ؟ وهل يوم وصل على بريدك دفعت مبلغ عشان تستلم
انا عندي بريد وش المطلوب مني عشان توصل البضاعه على بريدي و هل هي نفس الطريقه بعد على البريد الممتاز او ارامكس

[بروكن برايس]

السلام عليكم

الف شكر أخوي والله يعطيك العافية

بسألك عند استلامك للعطر في الدوحة اكيد وصلك ورقة

في البريد ان لك مادة مسجلة واستلمتها من البريد العام

هل طالبوك بدفع جمارك ؟؟ لأنني قبل حوالي اسبوع

اشتريت عطر من موقع ebay من شخص بالكويت

بعد ماوصلني كانوا بيدفعوني جمرك بس الموظف من نفسه

قالي فقط عطر ؟؟ خلاص توكل على الله

هذا معناته انه ممكن الجمارك في البريد ياخذون فلوس لو حبوا

وعليكم السلام ورحمة الله وبركاته ، الله يعافيك اخوي الواعد ، بالنسبة لي لقيت اشعار في الصندوق بوجود طرد وانه لازم استلمه من موظف البريد ( وليس عليه اشعار جمارك ) رحت لموظف البريد واستلمت الطرد ولا دفعت شي .

بالنسبة للكميات الكبيرة أعتقد ممكن يكون عليها جمارك لانهم يعتبرونها كمية تجارية ، بس عموما الاخوان في الجمارك متفهمين في الاخير تقوله ذي هدايا للأهل والربع وأنه شاريهم لان سعرهم أقل ..إلخ وطبعا ما ينصح انه تشتري كميات كبيرة ، عشان لا تنحط في مواقف محرجة مع الاخوان في الجمارك لأن ممكن يمشونك مره بس ما تضمن المره الجاية يمشونك

[بروكن برايس]

بعد انا عندي استفسار والله يعينكم علي اليوم

اول شي اخوي كم يوم خذ من طلبت لين وصل ؟

ثاني شي اخوي انت شريت العطر بسعر هل التوصيل ايضا للبريد بسعر ؟ يعني يختلف السعر ؟ وهل يوم وصل على بريدك دفعت مبلغ عشان تستلم
انا عندي بريد وش المطلوب مني عشان توصل البضاعه على بريدي و هل هي نفس الطريقه بعد على البريد الممتاز او ارامكس

ولا يهمك أخوي اي سؤال انا حاضر للاجابة عليه إن شاء الله

1- انا دفعت المبلغ أظن في 31-7-2011 اذا ما خاب ظني ، في 1-8 جاني اشعار انه تم شحن العطر بواسطة شركة USPS وحاطين لي تراك نمبر (رقم تتبع الشحنة) ضغط عليها ولقيت انه الشحنه اطلعت من ولاية الى ولاية ثانية داخل امريكا
يوم 3-8 شيكت بنفس رقم تتبع الشحنه وظهر لي مسج انه الشحنة اطلعت من امريكا وفي طريقها الى قطر
يوم 9-8 شيكت صندوق بريدي ولقيت اشعار بوصول العطر واستلمته بنفس الوقت من موظف البريد بدون دفع اي رسوم اضافية وبدون جمارك

يعني العملية بالضبط كلها خذت = 10 أيام بالضبط من تاريخ دفع المبلغ وشراء العطر . الشحن خذ 8 أيام وهذا معدل طبيعي للشحن عن طريق البريد الجوي المستعجل ، البريد الجوي العادي ممكن ياخذ من ( 10 ايام - 26 يوم )

ونصيحة في حالة الشراء يفضل يكون يوم دوام رسمي مثلا يوم الاثنين ، لان يكونون معطلين في بعض الشركات يوم السبت والاحد (عطلة رسمية ) فرضا انت شريت العطر يوم السبت معناته بيبلشون في اجراءات معاملة الشحن من يوم الاثنين أول يوم دوام عندهم .

2- انا شريت العطر وماعليه اي جمارك سواء من امريكا او من الدوحة ، عليه رسوم شحن لكن انا استخدمت (الكوبون) وطلع علي الشحن مجانا ، وكل مره راح استخدم نفس الكوبون عشان الشحن يكون مجانا وبنفس الوقت احصل خصم على العطر ( حسب ماذكرت في ردي الاول وذكرت لكم الكوبونات وممكن انت تستخدمهم لين توصل لمرحلة الدفع ) في موقعهم .

لذلك انا كل اللي دفعته = 68.50 دولار فقط لا غير قيمة العطر . الشحن من امريكا مجاني ، وفي قطر لين استلمت العطر مجانا مادفعوني شي .

3- بالنسبة لك اذا عندك صندوق بريد ، هذي طريقة تعبئة المعلومات الخاصة بالشحن لما تسجل لك اشتراك في الموقع




4- الشحنة توصلك على صندوق بريدك العادي ، مب على الممتاز ولا على ارامكس ولا غيره ، لانك انت في بيانات الشحن كتبت صندوق بريدك العادي وبتوصلك عليه بالضبط

أتمنى قدرت اجاوب على اسئلتك وأي مساعدة انا حاضر ، ويمكن تدخل الرابط اللي في نهاية الموضوع اللي فيه شرح لطريقة التسجيل والدفع والشحن واستخدام الكوبونات

وفي انتظار تجربتك ان شاء الله وتذكرها لنا في هالموضوع في حال انك قررت تشتري

[خذاني الشوق]

يعطيك لف عافيه صراحه شرح عجيب
انزين اشتر لي عطر خخخ

[Alshoog84]

اخوي اذا بغيت تطلبلي كمن شغله في امكانيه ؟
ماقصرت

[بروكن برايس]

شرح طريقة الشراء والتسجيل في موقع
http://www.fragrancex.com/

لبيع العطور ، طبعا الشرح منقول من الأخ FAHOD22 الله يجزاه عنا خير الجزاء على مجهوده الكبير في الشرح .

الشرح بالصور :

في البدايه الموقع يتميز بأنه يقوم بنقل العطور دولياً للمشتري
بالإضافة الى انه يقبل الدفع عن طريق PayPal
ويوجد في الموقع جميع انواع العطورات الجديدة و القديمة

بالإضافة الى ان الموقع موثوق بالنسبة لتقييم الزوار التابع لموقع WOT



في البداية نفتح الموقع


وبعدها إتبع الصور



اذا عملت حساب ترجع تضغط مره ثانيه على My Account





من الافضل إضافة عنوانك البريدي بشكل واضح وكامل في دولتك سواء كنت من السعوديه او من إحدى الدول العربية
لان ارامكس و WorldShip و DHL
لا تقوم بشحن العطورات و المواد السائلة

ملاحظة * اذا اخترت النقل السريع في الخطوات القادمة فيكتفي بكتابة رقم الجوال و المدينة بشكل صحيح



وبعدها تضغط على Add This Address



لإضافة بطاقة الائتمان
نرجع لـــ My Account



للمعلوميه ليس اجبارياً ان تضيف البطاقة الائتمانية الى حسابك
لان الموقع يقبل PayPal


لمن يرغب أن يدفع عن طريق البطاقة الائتمانية مباشرة



الان انتهينا من مسألة التسجيل و تعبئة البيانات . . . !

الان سنقوم بعمليه شرائيه وهمية لكي نشرح طريقة الشراء

على سبيل المثال سيتم اختيار عطر Armani Code


- نسبة التقييم

2- عدد المقيمين

3-ملاحظات المقيمين

4- اكتب تقييم

5- يوضح لك اذا كان العطر موجود في المخزن ام لا !


اذا قمت باختيار حجم العطر المراد شرائه اضغط على 6- Add Card

ستظهر هذي الصفحة



1- فيه نوعين من النقل الدولي
الاول نقل العادي
ويوجد كوبون يجعل النقل العادي مجاناً

ملاحظة * غالباً لايوجد رقم تتبع للنقل العادي
الثاني نقل سريع
من خلال DHL او UPS

ملاحظة هامة *
النقل العادي يوصل خلال 10 - 17 يوم
النقل السريع يوصل خلال 3 - 6 ايام

2 - خانة الكوبونات
يوجد انواع عديدة من الكوبونات و سوف اضع لكم افضلها

ملاحظة * فقط انسخ الكوبون اللي باللون اللأخضر وضعة في خانة الكوبونات و اضغط على apply


FREEلجعل النقل العادي مجانا لكل الطلبات

SUMMER2011اذا كان طلبك من 60$ و فوق , نقل مجاني للنقل العادي + خصم 10% من قيمة الطلب

535FRGX
خصم 10$ اذا كان طلبك فوق 100$

3- لتحديد كمية الطلب

اذا نتهيت من ادخال الكمية و الاكواد اضغط على 4- لإكمال عملية الشراء


وهذي صورة تبين سعر النقل بعد اختيار الكوبون free



وبعدها سوف تصل لعملية الدفع



يوجد طريقتين للدفع شائعة وهما :

1- بطاقة الائتمان

2 - PayPal
( انا افضل الخيار الثاني لتضمن حقوقك )


وطرق النقل نوعين

3- النقل العادي مجانا
(بسبب الكوبون)

4- النقل السريع
( على حسب وزن الطلب )

6 - سعر الطلب + تفاصيل النقل

وفي نفس الصفحة



- عنوان الدفع

2- عنوان النقل

3- الرغبة في التغليف كهدية + يمكنك كتابه كرت إهداء

4 - اذا انتهيت من اختيار طريقة الدفع و نوع النقل اضغط لـ تكملة الطلب !


واخيرا تمت عملية الشراء

الان طلبك تحت المعالجة

وبعدعمليه الشراء سوف تصلك فاتورة شراء على ايميلك و وسوف يتم خصم المبلغ مباشرة

ملاحظة الشرح منقول من الأخ FAHOD22 من منتديات بوابة الانترنت الرقمية ، فجزاه الله خيرا

[بروكن برايس]

يعطيك لف عافيه صراحه شرح عجيب
انزين اشتر لي عطر خخخ

الله يعافيك اخوي ، حاضرين لك

[بروكن برايس]

اخوي اذا بغيت تطلبلي كمن شغله في امكانيه ؟
ماقصرت

هلا اخوي ، حاليا السموحه منك مافي إمكانية ، لكن خلها عقب العيد وإن شاء الله نتفاهم وأعرف شنهي الطلبات وبرد لك خبر اذا أقدر اوفرها لك أو لا . والسموحة منك مره ثانية

[تمون]

جعلك ذخر يالشيخ
كفيت ووفيت بارك الله فيك
الصراحه استفدت منك كثير في هالموضوع <<<< صار لي ساعه ابي اعطيك تقييم بس للاسف في هالمنتدى مب شغاله خاصية التقييم
وانتمنى من الاداره تثبيت الموضوع
لاهنت يالشيخ