شوف يا بوعلي ،،المشاركة الأصلية كتبت بواسطة بوعلي2
ام السعف شرايج بالبلاك بيري الجديد هههخخ
امزح طبعا البلاك بيري مموضوع والايفون والجالكسي موضوع اخر
طبعا يا اختي ام السعف الناس اذواق ولولا اختلاف الاذواق لبارت السلع
اهم شي هم يجتهدون وبالنهايه يخدمون المستهلك الي هم انا وانتي والباقي
من منا لايبحث عن التكنلوجيا النافعه والجيده وسهلة الاستعمال
طبعا بينزل قريب الايفون الجديد وبنشوف وشموضوعه
وانا والله ماعيب على الجالكسي لكن من بعد الايفون حسيت بالفرق وهذا رايي الشخصي مايمنع اقوله
وايضا لا انكر ان سمسونج دخلت الاسزاق العالميه بالاجهزه الحديثه بشده وحازت على نجاحات عاليه
لكن مثل ما انتي شايفه الناس تبحث عن الافضل والواقع يفرض نفسه من خلال الناس تقريبا اكثرهم بلاكبيري و ايفون والقله الي يستخدمون الجالكسي
وان شاء الله الايام القادمه بعون الله بيبين كل شي ونترك الامر للمستهلكين والغالبيه هي الي بتحط الفاصل هل عدد مستخدمين البلاك بيري والايفون اكثر ام اصاحب الجالكسي
واكرر انا هنا فقط للدردشه عن التكنلوجيا وليس بمتعصب من نوع الجهاز او الشركه او اي شي
والله يرحم والديكم ماقصرتوا على الموضوع المفيد ومنكم نستفيد
اخوكم بوعلي
كلامك ما زعلني كشخص عادي ،، لأنك اليوم كنت محور كلامنا لما كنت
نتكلم عن التقنية وثقافة المستهلك ،،
اليوم لما ايي اقارن البورش بالفيكس آر كسيارة من حيث قوة المكينة
والتقنيات المقدمة فيه ما اقدر اقول لا الفيكس آر احسن لان سعره فيه ،،،
هذا اللي حاصل عندنا ،، الناس يمشون خلف شنهو الأكثر انتشارا
فهو الأفضل،، مع اني بديت الاحظ ان ثقافة الشباب المتعلمين جامعيا
وخاصة اللي يدرسون برع قطر ،، بدوا ينظرون للسيارة من خلال
مواصفاتها مب من خلال الأكثر انتشارا ،،
فمن جذيه نرجع للأيفون ،، كجوال ما كان له منافس على ايامه الأولى لين
دخل السامسونج وبدت شركات ثانية تنافس على اساس انها توصل للمكانة
اللي وصلت له منتجات أبل ،،
اليوم أبل ضامنة عملاءها ،، لأن الكثيرين منهم يتعاملون مع الجهاز على اساس
سعره وخاصة في الدول اللي ما يهمهم سعر المنتج ،، المهم منتج اشتهر خلاص
تعال ناخذه ولد فلان مب احسن مني ،، وهذا اللي حاصل في دولنا الخليجية للأسف
الشديد ،،
فهل أقدر لأني معترضة على السياسة الاستهلاكية هذي اني اقلل من مكانة الايفون
لا طبعا يا بو علي مستحيل ،، الايفون جهاز له مواصفات جبارة قياسا
مع اجهزة ثانية ،، لكن في المقابل في اللي تفوق عليه من حيث المواصفات
ما يصير اقلل من مكانته لأن البيئة مب مقدرين ان المنتج هذا افضل ،،
بس لما تتكلم مع ناس يحبون يقتنون تقنيات متطورة ،، اهنيه اتشوفهم
يقولون لك ،، انت للحين مع البلاك بيري ( ياعيب الشوم هذا جوال تشله في يدك )
بينما في المجتمع العام العالم يفتخرون انهم عنجهم بلاك بيري
موضوع الافضل تقينا مافيه اذواق فيه حقائق واقعة
الأذواق ترجع لما ما يعجبني لون المنتج ما يعجبني نظام التشغيل وما حبيته
او ما يعجبني حجم المنتج ،، حزتها اقول لك صح اهنيه السالفة فيها اذواق
عني بصراحة ابي مشتاقة اشوف ابل اشبينزلون
مب لأني بروح اشتريه ،، بس ابي اعرف وين بنوصل في السباق هذا
ما بين الشركات
|
رد مع اقتباس
