فرصه للخليجيين في سوق الكويت

[Millionaire Mind]

مشكورين ماقصرتم
بوخليفه والكويتي وخالد .... انا دشيت السايت مال الكويت ولقيت كد' ا سوق هل هد'ي تعني قطاعات او اسواق مستغله؟ يعني العموله تختلف من مكان لماكن ولا نفس الشي؟
بعدين سوق الاجل ؟ ممكن تشرحون عنه شوي؟ يعني كم يصبرون علي مثلا ؟ كم ارباحهم؟ حلال او حرام؟ ومنهو الوسيط اللي يسويها؟ يسمحون لقطري ؟ وشنو الضمان اللي يبونه؟ اسف كثرت عليكم الاسئله؟
على سبيل المثال انا اشتري في السوق الامريكي بضف راس مالي بس الحسبه على النقاط وكل دخول وطلوع ادفع 45 دولار بس العملات عشر اضعاف راس مالي وكل دخول وخروج 20 دولار والحسبه بالنقاط هل الاجل نفس الشي ولا يختلف عنه؟

[بوخليفة]

والله يا اخي العزيز
شرح سوق الاجل طويل شوي
واعتقد انه مسموح للكل
لكن انا ما انصح فيه لانه دمر ناس كثير
اذا لك نيه بالسوق الكويتي
فخلك عى السوق الفوري العادي
تشتري عادي وتبيع عادي

هذ افضل شي

[سهم عتيج]

الأخوة الكويتين الأفاضل..

أنا أتفق معكم في ان السوق الكويتي يعتبر الآن تقريبا من أفضل الأسواق للاستثمار فيه,, وذلك بسبب مكررات الأرباح المنخفضة تقريبا قياسا على أسواق الخليج الأخرى وخاصة السعودية والامارات,, ولأن الاقتصاد الكويتي ينمو بشكل طيب,, ومتوقع له مواصلة النمو الطيب للفترات القادمة باذن الله,, وكذلك لأن المستثمر الكويتي بشكل عام مثقف جدا ولا يندفع خلف الاشاعات كما يحصل في دول الخليج الأخرى وللأسف,, وكذلك وجود صناع السوق بشكل يضمن استقرار السوق وعدم تذبذبه بشكل كبير جدا كالذي يحدث مثلا في الامارات حاليا او الذي حدث مع السوق القطري قبل فترة..

لذلك فانني أتابع السوق الكويتي جيدا,, وأراقب بعض الأسهم تقريبا بشكل دئم كالمخازن وبيت التمويل الكويتي وبيت الاستثمار الخليجي وبيت التمويل الخليجي,,

وكذلك فانني أشكر الأخ السهم الأزرق والذي رد على استفساراتي في كثير من المسائل..

وبما ان هذا الموضوع تقريبا مطروح عن السوق الكويتي,, فانني أتمنى الاجابة على بعض الأسئلة,,
1- ماهي أسهم الخزينة التي يتم توضيحها في النبذة عن الشركات,, هل هي أسهم تخص مجلس الادارة ولا يسمح بتداولها في السوق مثلا..

2- مارأيكم ببيت التمويل الكويتي أو بيت الاستثمار الخليجي او بيت التمويل الخليجي,, وأيهم أفضل الآن من وجهة نظركم,, وأرجو من جميع الكويتيين الادلاء بآرائهم حتى يكون هناك أكثر من رأي وتعم الفائدة الجميع باذن الله.. وهل اسعار هذه الشركات مناسبة الآن للدخول به,,وماهي توقعاتكم لنتائج تلك الشركات على المدى القصير والطويل.. وأي الشركات الأخرى والتي نشاطها حلال 100% ولا توجد بها أي شبهة..

واسمحوا لي على الاطالة

[السهم الازرق]

وكذلك فانني أشكر الأخ السهم الأزرق والذي رد على استفساراتي في كثير من المسائل..

لا شكر على واجب اخوي سهم عتيج

هذا اقل ما يمكن تقديمه

و سامحني عالقصور

و بالنسبه لأسئلتك اللي طرحتها الحين

اعتقد الاخوان خالد و بوخليفه فيهم البركه

و إذا حظر الماء بطل التيمم