وين اقدر اركب سلة خلفية للكروزر المستخدمة للسفر؟

[(عبدالله)]

السلام عليكم

أنا عندي سلة خلفية اللي تتركب في سيارات الفورويل من الخلف مع الرمانة
مريت محلات اللحام والسيارات في دوار مدماك وطريق سلوي محد عرف يركب

ممكن حد يدليني مكان متأكد انه يعرف يركب السلة في جي اكس 2000؟

وجزاكم الله خير

[القلم الصريح]

شايفه ينباع في الرونق الطابق الثاني

محلات النسر الذهبي

محل شنغهاي

بس نصيحه خذه من الحسا ارخص لك

[الدوحة 2010]

هلا اخوي مر على محلات الزينة اللي في شارع المجنون جرب هناك شوف يمكن تحصل احد يركبها لك والله يوفقك

[بوجاسم566]

اخوي فيه نوعين

نوع يـركب تحت الصدام

ونوع مكان الرمانة

تركبهم عند اي بنجري او مكيانيكي سيارات

تحياتي لج

[AL-MASS]

الشيخ الحسا ارخص

ولازم يكربون لك هوك نفس الجمس اللي يجي فتحه مربعه

وتحصله في السعودية على 400 على ما أظن او اقل

والله يوفقك إن شاء الله

[NMN]

اخوي رح الغرافه المحلات اللي مقابله اسواق الغرافه

اول محد عند المسجد في ايراني هناك هو بيركبها لك


انا مركب عنده

[المخفـي]

شوووف محل الشيبانـي اللي فـ شارع المجنون احتمال يركبها

[(عبدالله)]

:: القلم الصريح ::

:: الدوحة 2010 ::

:: بوجاسم566 ::

:: Al-mass ::

الله يعطيكم العافية .... بس مثل ماذكرت أنا عندي السلة موجودة
ومريت على كراجات وكهربجية مدماك وسلوى محد عرف يركب... لذلك بغيت أعرف إذا في مكان أكيد يعرف يركب..

جزاكم الله خير على ردودكم

[(عبدالله)]

:: Nmn ::
جزاك الله خير ... هاذي الاجابة اللي كنت أدور عليها
بروح له اليوم إن شاء الله... ما قصرت أخوي


:: المخفـي ::
والله ياخوي هالأيام مابي أنزل الدوحة مع زحمة الشوارع عشان مشوار يعتمد على (احتمال)
لكن... إذا ما حصلت حد باضطر أروح محلات الزينة عند المجنون
تسلم ما قصرت

[فتى الجود]

السلام علييكم

مر على محل الزينة

اللى في الخريطيات بجانب كنتاكي

عنده نفس النوع فالمفروض انه يعرف يركب

والله يوفقك ويعينك