النتائج 1 إلى 10 من 13

الموضوع: عيوب و مميزات Blackberry BOLD 9900

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1
    عضو مميز الصورة الرمزية abdo222
    رقم العضوية
    33831
    تاريخ التسجيل
    Aug 2010
    الدولة
    QTR
    المشاركات
    1,713

    عيوب و مميزات Blackberry BOLD 9900

    السلام عليكم ،،

    طبعا البلاكبيري بولد الجديد نزل له فتره ،، والكل سمع فيه او شافه في المحلات او في اليوتيوب ،، والمشكله انه محد يحصله بسهوله في السوق هذا ادى الى جشع بعض المحلات ورفع سعره لين وصل 6000 من اصل سعر 2600 في محلات شركات الاتصال المحليه ،،



    في هال الموضوع بنذكر بعض العيوب التي واجهتني فيه ،، وبعض المميزات التي قد تعطي للمستخدم الجديد بعض المعلومات قبل شرائه وحتى الي عندهم يستفيدون ويحاولون يحلون المشاكل حقته ويعطونا خبر شلون حلوها ،،
    الصور جايبها من النت ،، الاستنتاجات رأيي الشخصي فلو في مشكله انا عندي في جهازي انت مب عندك قول يمكن يكون الخطأ عندي انا بس ،،

    بسم الله نبدأ


    الازرار الجانبيه للجهاز ،، في الجهه اليمنى فيه 3 ازره فوق وزر واحد تحت ،، الي فوق ما تقدر تغير صفاته الا يكونون حق (يعلي ويوطي الصوت، والي بينهم يسوي توقف لما تكون مشغل فلم)
    الزر الي تحت تقدر تخليه حق اي شيء (احسن شيء يكون حق الكيمرا)



    العيب انه مافي ازار في جهه اليسار للاختصارات،، يعني تختار اختصار واحد بس،، انا بغيت اسوي اختصار للكيمرا وبعد اختصار لتصوير الشاشه مثلا واختصار للسايلنت،،




    الكيبورد ممتاز،، استعماله سهل وحتى الي ايده كبيره بيستخدمه بسهوله،، مقارنه بالبولد القديم نشوف كبر الكيبورد والاحرف واضحه،، العيب انه مافي كيبورد تتش نفس الي في بلاكبيري التورش،،



    من وجهه نظري ما اتوقع في عيب في الكيبورد،، بيرفكت

    ----------------------------------------------------------------------

    شكل الخارجي للجهاز
    سمك الجهاز من الجنب وايد ضعيف وحركه الكروم حركه حلوه،، شوف الصوره مقارنه ب 9780 ، 9000 ،، والجهاز خفيفه (يباله كفر يحميه دايما لانه الكروم يتاثر من اول طيحه)



    -----------------------------------------------------------------------


    مساحه التلفون الميموري 8 جيجا ممتازه وتقدر تنزل فيه اي شيء ،، الجاهز سريع في تنزيل الفيديو واللنكات من البلاكبيري مسنجر،

    ينزل برامج بسرعه من البلاكبيري ستور ولين البرنامج ما يعجبني امسحه بسهوله،،

    ---------------------------------------------------------------------

    تسكيره وفتح الجهاز (ريستارت) اسرع من البولد 9780 (اخذ معاي 67 ثانيه من اول ما سكر لين فتح)

    ---------------------------------------------------------------------



    البطاريه متعبه شوي،، خل معاك شاحن في اللابتوب،، وشاحن في البيت،، شاحن في الموتر شاحن في الدوام،،

    (في طرق مختلفه لتطويل عمر البطاريه نفس استعمال 2G وتسكر الوايرلس والبلوتوث واي برنامج مفتوح في الخلفيه و و و )

    بس بشكل عام لين التلفون يشحن فل،، يعطيك حوالي من الصبح لين صلاه العشاء استعمال متوسط،،

    ----------------------------------------------------------------




    الشاشه للمس سهله الاستعمال وبسيطه "تقريبا نفس كفائه الايفون في التشش"
    كذا مره تواجهني مشكله انه ما اقدر اضغط باللمس الاشياء الي تكون اخر شيء تحت،
    بس 95٪ من المرات اختيار التتش يطلع صح،،

    ------------------------------------------------------------------

    عرض الصور والفيديوز،، مواقع انترنت وحتى يفتح فلاش في المواقع الي فيها مينيو فلاش،،

    الفيس بوك والتويتر ممتازين في الاستعمال في التلفون.

    المسنجر مافيه R & D لين ترسل برودكاست "هذا له خص باصدار المسنجر مب الجهاز"

    الارسال حق الجهاز زين، والتحويل من صامت لمب صامت سريع (حتى بدون استخدام زر شورت كت)

    ---------------------------------------------------------------------------

    العيوب في الجهاز (الي طبيعي اي جهاز اصدار جديد يواجهها) هي الاتي

    في شاشه العرض الرئيسيه لين بغيت تكتب رقم تلفون

    "اولا الرقم يكون صغير" ،،

    ثانيا لين يكون الرقم ينتهي ب (صفر)،، عند الضغط على زر الاتصال تطلع "شاشه خطأ"،، (صوره الشاشه في المرفقات) ،،
    تضغط على زر الرجوع وكل شيء يكون مثل ما كان عادي،،

    هذا العيب تقدر تتفاداه ب ان تغير اللغه للانجليزي وتكتب الرقم
    او
    تكتب الرقم بعد انه تروح للسته الارقام

    ------

    عيب واجهني في الجروبات ،، الكلام الي انا اكتبه يطلع مقطوع بدايته ،، نفس الصور المرفقه،، للحين ما عرفت احل هال المشكله ،،بس الزين انه كلامي انا الي ينقطع مب كلام الناس،،

    (صوره مرفقه)
    ------

    التلفون بشكل عام اعطيه التقييم الاتي

    الشكل الخارجي: 8 من 10 (ماحطوا ازرار اختصار)

    السعر: 6 من 10 (غالي)

    شاشه اللمس: 7،5 من 10 (اللمس مب 100٪ سلس بس استعماله مريح، بس ما تقدر تسوي باك باللمس لازم زر الرجوع)

    السوفت وير: 9 من 10 (اخطاء صغيره الي مذكوره فوق بس سريع ومريح ومتجاوب)

    الكيمرا: 9.5 من 10 (تصوير حلو حتى في الليل وماتهتز الصوره)

    صوت النغمات او الفيديو: 7 من 10 (الصوت واطي جزئيا، نزلت Tom & Jerry لين تكون في محيط مزعج ما تقدر تسمع صوت الفيديو)

    بلاكبيري مسنجر وتصفح النت: 9.5 من 10 (سهل وبسيط وما يعلق)

    البطاريه : 6 من 10 (يقولون كفائه البطاريه يظهر بعد اول اسبوعين استخدام لانها تكون يديده) ،،

    بشكل عام التلفون ياخذ حسب رأيي

    62.5 من 80 يعني تقريبا

    75٪ بشكل عام، بس اعطيه 90٪ صراحا
    المصغرات المرفقة المصغرات المرفقة اضغط على الصورة لعرض أكبر. 

الإسم:	munch_2011_08_29_160136.jpg‏ 
مشاهدات:	1936 
الحجم:	38.9 كيلوبايت 
الهوية:	75794   اضغط على الصورة لعرض أكبر. 

الإسم:	munch_2011_08_29_153631.png‏ 
مشاهدات:	3106 
الحجم:	81.4 كيلوبايت 
الهوية:	75795  
    ::
    يارب إن أصبحتُ ب حزن ..فأمسيني بفرح

    وإن نمت على ضيق ..فأيقظني على فرج

    وإن كُنت بحآجه .. فلآ تكلني لأحد سوآك ..
    ::

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •