بما ان الدوله مسئوله عن توفير العلاج المجاني للمواطنين.. ليش وزارة الصحه ماتوفر الادويه المطلوبه للمواطنين مجانا؟ليش هالادويه مب متوفره في صيدليات وزارة الصحه؟
شفت في المملكه السعوديه وهم جيرانا
كل الأدويه الي تباع في الصيدليات سعرها موحد
مكتوب عليها سعر مطبوع من الدوله
ومن تجربه حاولت أتأكد بنفسي فدخلت أكثر من 7 صيدليات في الرياض وشفت فعلا هذا مطبق على الجميع
,,,,,,
هل قطر اليوم يصعب عليها تكون أفضل من جيرانها؟؟؟؟؟؟
انا اشتري بخاخ الربو ب45 ريال حق ولدي والحين بعد ارتفع سعره اذكر مره كنت في المستشفى وشفت
اجنبية تدفع حق البخاخ بس 4 ريال
يعني لو وديت ولدي بيصرفون لنا العلاج بالمجان وهالشي قررت اسويه المره اليايه بعد الدولة مب مقصرة
الحل موجود الطب الشعبي او الطب البديل
فتح السوق والوكيل واحد
شلون مادري
حبيبتي ضوى
انتي اكثر شخص يقدر ينقل لنا صوره حقيقه عن هالوضع
والله تعبنا من غلاء الاسعار وانا الصيدليه اجباري امرها واشتري ادويه معينه وجدا غاليه
ايش الفرق بين السعوديه والدوحه ؟؟ ليش اهما عندهم الادويه ارخص
ليش مافي اكثر من وكيل في الدوحه ؟؟
ليش صعب محاسبتهم ؟؟
ليش الدوله ما تقدر تدخل في هالموضوع
مو هذا شأن عام
انا اليوم والله بس دافعه 800 ريال
وتعالي شوفي بعيونج ايش خذت .. وباقي الاشيا ما لقيتها
والله حرام
حتى في الادويه بزنس .. يعني الي ما عنده افلوس حق هالادويه يموت
شي يقهر
استغفر الله العظيم
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
عزيزتي تحداني
الفرق بين سعر الادوية هنا والسعودية سببه الكثافة السكانية ، بمعنى هل لما تستوردين دوا لمئة شخص نفس ماتسوردين دوا لعشر اشخاص ؟؟؟ فكري فيها واعقليها وبتعرفين المقصود
بالنسبة لارتفاع سعر الادوية ، ارجع واقول النية كانت طيبة بالغاء الوكالات وفتح باب الاستيراد وفق قوانين محددة سلفاً ، ولكن هناك بعض الوكلاء استغلوا هذا الاستغلال ابشع استغلال وجاري تقنين هذا الشي وان شاء الله هذا الارتفاع سيكون مؤقت وسيتم ضبطه قريبا جدا، ومعروف انه اي قانون يصدر يكون فيه شوية فوضى بالبداية وعدم فهم صحيح لروح القانون ، ولكن ان شاء الله راح يتوقف هذا الارتفاع الغير مبرر والغير منطقي قريبا جدا
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد