الله يسلمك رحت في رمضانالمشاركة الأصلية كتبت بواسطة الدبلوماسي
نعم اخوي توجد مطاعم عربية ومطاعم مسلمة .. لكن الي يروح اول مرة وين راح يحصلها من اول مرة .. في البداية تكون مسألة الأكل مسألة صعبه جداً جداً جداً هناك .. أو بالأصح معاناااااه
ثاني شئ التعامل مع مكتب أفضل من عدة أمووور .. اتمنى عدم تضييع الوقت في التحرك لوحدك .. لأن هذا الشئ مو من صالحك ..
المجمعات كبيره هناك والمحلات كثيرة .. فأنت رايح لهدف معين .. الواحد ما يحب يضيعه في أشياء تافهه
تسلم على الإضافه الحلوه ..
من سنتين تقريا
لحضور معرض جوانزو كانتون فاير
عندي كروت المطاعم بدور لكم
توهقت في السكن
سكنت في فندق ثلاث نجوم
تقدر تسميه 3 نجوم بس بو نجمه و نص
لأني حاجز متأخر
و لمدة 15 يوم و ما حصلت حجز
المهم ميزة هذا الفندق قريب من
المطاعم العربية و عنده مطعم صيني
يشتغلون فيه مسلمين عيله محترمه
تعرفت عليهم
-
-
و الشعب الصيني دفش شوي
بس ترى حبوبين
و خاصة إلي يبي يتعرف
-
-
و كل ما ادخل مطعم و لا محل
ابي ارجع له اخذ منه كرت
و أعطي التاكسي الكرت
و يوديني للمكان المطلوب
-
-
طبعا احنا اجسامنا كبيره
بالنسبه لهم و لا تستغرب لين
يشوفونك او يأشرون عليك
خاصة اذا عندك لحية
لأنهم ميح المطوع فيهم في
ويهه 3 شعرات طويله
يعني بالفيت مطبق السنه
-
-
و طبعا جوانزو ادخله الإسلام
منذ اكثر من 1400 سنة
-
-
رحت متحفهم و أستغربت يوم
جفت احجار مكتوب عليها القرآن
طبعا حضارة الصين قديمة جدا
و كل حضارة في مدينة جوانزو
خذت لها قرن او قرنين
و عندهم شارع معروف اسمه
بيجين شارع فيه كل شيء من الملابس
يعني اذا تبي هدايا مر على هذا الشارع
-
-
و زرت اقدم مسجد يعني عمره
بعد فوق 1400 سنة
و هي محميه من الحكومة الصينية
-
-
و المسجد على النظام الصيني
و زرت الإمام و تكلمت معاه
يتكلم عربي و شوية انجليزي
-
-
و طلب مني قرآن بتفسير صيني
و قلت له الزيارة القادمة راح ابعثه معاي
و اذا حد بيروح يودي معاه نسخه او نسختين
من هذا التفسير
-
-
و رحت الله يسلمكم لحديقة الحيوان
رووووووووووووووعة
ما تشتغل هذه الحديقة إلا بالليل
فيها عروض روعة و مسرح كبير
و كل ماتروح مكان في عرض
و بعدين تركب قطار و يدخلك الحديقة
و تجوف الحيوانات بالليل و مسوينها بطريقة
جميلة جدا و خاصة جوهم روعه صوب الحديقة
ودك ترقد هناك
-
-
البلاد حلوه اذا رحت مع
ونيس و مغامر اما تروح
ويا واحد مزاجي او ثقيل
راح تتعب معاه في اقناعه
-
-
|
رد مع اقتباس
