نقل مباشر لرصد الزيادات في اسعار السلع بعد قرار رفع سقف الرواتب للقطريين

[MAZEN37]

بآذن الله عصير بونص وربيان وخلهم بنرويهم من الشعب والله اني يشهد الله اني ماخليت مكان مانشرت موضوع المقاطعة والباقي عليكم وانتوا قدها وقدود

ما اعتقد في فايده
وبيت الشعر الموجود بتوقيعك هو الاساس

[المقاول]

يالربع لا تغترون في شي اسمة حماية المستهلك.
وين حماية المستهلك من شركة بروة المدعومة من الدولة لتخفيف عناء الاجارات على التجار والمقيمين ... اجارات بروة اغلا من المستثمرين العاميين ..
شلون التاجر الحين يرخص السلعة وبروة مزودة علية الاجار؟
اول ما يحققون مع التاجر . على طول بيقول قاعد ادفع كذا وعشان اكسب كذا لازم احط هذا السعر.
فاحماية المستهلك نفس حقوق الانسان تواجد بس .

[rayyane9]

المصدر /وكالة الأنباء القطرية
‏على جميع المواطنين والمواطنات

الأبلاغ عن أي محل تجاري أو شركة تقوم بزيادة الأسعار

وذلك عن طريق الاتصال بحماية المستهلك بوزارة الأعمال والتجارة يرجئ التواصل على الرقم :
1_الخط المجاني : 8005000
2_الخط الساخن : 44945500
3_الخط الساخن : 44945550
4_ هاتف الوزارة : 44945555
5_ الرسائل القصيرة : 92665
أرسل نص الشكوى أو الاقتراح+كلمة(مستهللك)
6_ فاكس : 44932004
7_ البريد الالكتروني :cpd@mdt.gov.qa
الموقع الالكتروني : www.mbt.gov.qa
الرجاء حفظ الأرقام في هواتفكم للضرورة

[بوحارب]

حد اتصل على هالرقم وردوا عليه

8005000


كل ماتصل محد يرد !!!!

[ابداع قلم]

بخصوص قطع غيار الوكالات الحل بسيط مقاطعتها والشراء من الوكالات الخليجية المجاورة
انا من اليوم عزمت حتى البلاكات والفلتر وزيت السيارة باخذلي بالكرتون من الحساء

[عيون الدوحة]

يعطيكم العافية ياشباب انتو قدها

[بو الجوري]

و الله المفروض يسوون شركه تمسك المقاصف فالمستقلات :..
و اكلها صحي و نظيف و سعر معتمد :..

مب كل صاحب ترخيص اجر المقصف للي يدفع اكثر :..


انا اشتغلت فتره في مدرسه مستقله :..

مره جابو الشيف هامور :.. فرق السما عن الارض
يعني السندويشات اللي يبيعها فالمقصف يبيلك ٤ غراش ماي عشان تبلع

و تصدقون مره من كثر من الشباب يطلبون من المعصره :..
المدير تعاقد مع المعصره هههههه و اجرلهم المقصف :..
راعي المعصره عاش فووووووق النخل
يدخل فاليوم :.. مدخول شهر برع ههههههه


فالاحسن تكون في شركه مثل ماقلت تمسك الموضوع مع الرقابه :..

[بن مفتاح]

بياض ويه يا اهل قطر

كفو عليكم .. وانتم قدها بإذن الله

[غايه الطواش]

البيت الحديث رافع اسعار الساعات بس ماعرف اذا كان قبل الزياده او عقبها

[عيون الدوحة]

آلسـلام عليـكم ..
أليوم رحت صالون " المشـاطه " وشفتهم رافعين أسعارهم بـ نسبة 20 بالميه ويوم سألتها قالت نعم رفعنا الأسعار وقـالت : مأخص الأسعار بالزياده وقالت بعد أنه هم اللي يحطون الأسعار ومش البلديه .. ويوم قالت هالكلام خليتها تولي وطلعت من الصالون صج اقهرتني عبالهم القطري قاعد على بير بترول ..
أتمنى تنشرون هاذي آلرساله لأكبر عدد من آلناس حتى يعرفون أنه الشعب القطري مب مقصه
خلـونا كلنا بيد وحـده حتى نحارب هذا الشي ..
وضموهم بـ القائمه السوداء (n)

منقووووووول

يااريت اللي عنده فكره عن الاسعار يابنات
يتصل ويشوف هالكلام صحيح ولا لا
وياريت بْعد انعرف شنو سالفة إن هم اللي يحطون
الاسعار مو البلديه؟؟؟ او اي جهه ثانيه