استفسار : مساعده يازوار ايطاليا (ميلان)

[سونيتا]

صباح / مساء الورد

محتاجه مساعدتكم في ترتيب جدول سياحي لميلان لمده 8 ايام

من هذي الايام راح ازور فينيسيا يوم وارجع لميلان ....زياره لوقانو بسويسرا ليوم واحد وراجعه لميلان .....زياره بحيره كومو والاوت لت سيرفالي ....يوم ملاهي الجاردا...

انتظر مساعدتكم ياخبراء ميلان

[ام عبدالعزيز]

ربي يوفقج بس دخلي في الجدول فينا

لان 8 ايايام ايطاليا وايد حدها 3 ايام،وحاولي ان طلعتي من ميلان خلاص لاتردين يعني الوصول لميلان والعوده من اي ميدنة ثانيه ولج تحياتي..


اخو البشر منزل موضوع حلو عن ايطاليا وكذا منطقه وايد حلووو..جوفيه

[غير البشر]

ياهلا ومرحبا اختي
ميلان زرتها مره وحده
مدينه حلووووه لكن مافيها اماكن سياحيه كثيره

لي رجعه للموضوع بأذن الله

[Charisma]

صباح / مساء الورد

محتاجه مساعدتكم في ترتيب جدول سياحي لميلان لمده 8 ايام

من هذي الايام راح ازور فينيسيا يوم وارجع لميلان ....زياره لوقانو بسويسرا ليوم واحد وراجعه لميلان .....زياره بحيره كومو والاوت لت سيرفالي ....يوم ملاهي الجاردا...

انتظر مساعدتكم ياخبراء ميلان

ميلان .. من احب الوجهات عندي ..

*فينيسا زين عطيتيها يوم
*بحيره كومو هاديه ورايقه وجو خيالي

في ميلان تقريبا كل شي متمركز حولين ساحة الدومو من اسواق ومطاعم
" يعني لو الفندق يكون اهناك احسن"
ومحطه قطار كوردانو مسافه خمس دقايق مشي من الدومو توديج لاي مكان ...

*قلعه سفورزا قريبه من محطه الكوردانو . وهي قلعه جميله وفيها حديقه كبيره وحلوه


هالموقع بيفيدج :
http://sokalarab.com/mb/printthread.php?tid=1445

[khaleeji]

لا تفوتون روما احلى وايد من ميلان

خلو سفركم دوحه ميلان -روما دوحه وانتوا طالعين من ميلانو مروا فلورنس و بيزا شوفو البرج

واخذوا 3 ايام في روما

[سونيتا]

ام عبدالعزيز ,غير البشر ,khaleeji ,Pilot .....لكم جزيل الشكر

انا ان شالله بسكن بفندق بارك حياه بوسط الدومو وبالنسبه للمواصلات خارج ميلان بأجر سياره مع سايق ...وبالنسبه للمده انا اربع ايام راح تكون خارج ميلان واربع ايام داخل ميلان....الاربع ايام خارج ميلان راح تكون رحلات يوميه لبعض المناطق والعوده بنفس اليوم ...
حبيت اعرف رحله فينيسيا ايش اهم الاماكن اللي لازم ازورها في هذا اليوم ....

[khaleeji]

انصحك تتنقلين بالقطار اليوروستار (سريع) لان المسافات بعيده
فينيسيا فيها مراكب كبيره مثل النقل العام اخذوا بطاقه يوم كامل واركبو بتلفونها كامله ومافيها الا الساحه الي عند الكنيسة والباقي دواعيس

[التيما]

ميلانو مافيها اماكن وايد ماغير الساحة واكبر مجمع للماركات .. والله يعينج لو بتستخدمون القطارات .. في ايطاليا ! اكبر غلطة سويتها اني كنت اسافر بالقطارات كارثة حقيقية حتى اليورو ستار وتتكنسل الرحلات بالراحة وتبهذلوا عشان تغيرون القطار ااف لا تذكروني .. فينيسيا رووعه وعندكم فلورنسا رووعه بعد وبيزا وكل وحده يوم يكفي وجنوا تهبببل .. ودامج رايحه سويسرا بتمرون منطقة visp هالمنطقة منها روحي زيرمات منطقه خيالية حق يومين لو تبون ..

الله يعينكم عالقطارات في ايطاليا .. مابي اتذكر هالفترة اتنرفز .. *

[سونيتا]

اختي التيما

ماراح استخدم القطارات باجر سياره مع سايق وهذا اتبعه بكل سفراتي ماحب القطارات لان معي عيالي واخاف عليهم فالسياره اريح لنا حتى لوكانت المسافات بعيده .....

الأخ خليجي
تسلم وماقصرت بالنسبه لقتراحك حلو لكن عيالي حابين يركبون الجندول ويجربونه وانا خايفه منه بشوف شنو يصير وان شالله تكون رحله حلوووه ...

[cartier]

لاتروحين فينيسيا واذا كلش كلش روحي وارجعي لا تباتين

السكن في ميلان في الدومو او سنترالي

لاتفوتين اسي ميلان كومو اتجنن روحي لها من صبح

السياره ماتنفع في ايطاليا عليج بالقطار واعيالج محد بياكلهم

عيال ملوك يركبون قطارات وباصات

غير هذا اذا بتروحين عالقطريه قولي حق المضيفات انج بتنزلين ميلان

لانه الطياره اتنزل ركاب في ميلان عقب اتروح نيس

فا بلغيهم عشان تنزلين قبل السياحيه عشان تتفادين سيد الجوزات

واذا انتي خايفه من المركب والقطار خلج في الدوحه ولا روحي دبي ابرك