من ثمرات مقاطعة التجار الجشعين

[عاشق الشهادة]

شي طيب ويبيلها صمله يمكن تمتد لاسابيع او اشهر لاتراجع

[خالـــــد]

شي طيب ويبيلها صمله يمكن تمتد لاسابيع او اشهر لاتراجع

وين سمعت نفس العباره ؟؟؟

اها تذكرت........... لا تراجع الى الامام ثوره ثوره هههههههههه

[qatara]

شبيصير فيكم يعني اذا كل اكل ببيته وطنشتو المطاعم

صدقوني بعد شهر تلقا اغلى اكله بعشرين ريال

[Thamer_Qat]

عيال اختي شباب اصغار طلبوا شاورما من مرمرة العزيزية وما خذوا الطلب لما قال لهم انه ب7 مب ب5 وزعل وقال لهم انا الحين سويته ومايصير ارجعه حركوا عنه وقالوا له خل صاحب المطعم ياكله

كفو عليهم وعلى كل عيالنا

[مرتبش]

بتفهموني ان باسكن مارفع اسعاره؟
بغض النظر قبل المكرمة او بعده..؟

اعتقد انه رفعها بعد زيادة الراتب رغن انه رافعها قبل فترة ايضا..

الدليل اني شفت لوحة الاسعار في المحل وبعض الاسعار ملزق عليها ستيكر بخط اليد..

مادري هل في حد يعرف الاسعار من قبل وشافها الحين ويؤكد لنا

[امل الحب]

مممم باسكن روبنز من يومين ماخذة منه الاسعار نفسها .. ماعرف اذا غير شي ..

بس قبل الزيادة بفترة طويلة رفع اسعاره اعتقد ريال او ريالين..

بس انا مقاطعة برجر كنغ من 3 او 4 شهور ..

رفع اسعار الوجبات 3 او 4 ريالات .. لما كنت اطلب حق اخواني .. قلت له ليش قالي من الادارة .. قلت له ماعتقد سعر الدجاج ارتفع ولا الخبز .. وسكرت التلفون عيل وجبة ب 23 سندويتش وجبس وبيبسي ليش والسندويتشة خالية ب 14 مادري 15 شنو استهبال هو ..!!

[خزامئ]

مغاءمارت زادو اسعارهم
كنت اشتري منهم بيتزاء جاهزه
اخره مره اخر رمضان 36
اليوم 45 ريال
المشكله اني مجبوره اشتريها لني بنتي عندها حساسيه قمح
عندها حميه
مايجيبها الاهم

[المتأمل7]

المهم الصمود يا ناس لا تستسلم البدائل كثيره

[BonBons]

من كم يوم رحت كارفور وخذت اغراض للبيت
وخذت اغراض للخبز من صوب الكيك والحلويات وكميه كبيره من كل نوع
المهم عند الكاشير اشوف السعر عقب ماياخذ الباركود ب15ونص وانا متاكده قريت على الرف ب15 جان اساله واقوله صبر لاتكمل وروح اسال السوبرفايزر وجا ويقولي لا صح 15 ونص وراح جاب الستيكر اللي على الرف واقوله انا كنت اخذه ب15 قبل
تخيلو بس الغشاشين كارفور كاتبين 15 بخط كبير والنص بخط صغير فوق على اليمين مايبين
يعني العربي يبونا نقرى الرقم الكبير وماننتبه للرق مالصغير وناخذه وعند الكاشير ماننتبه
قلت له رجع كل اللس خذته من هالنوع انا اعرف مكان ارخص يبيعه ويهه انقلب
وطلعت رحت الفاميلي فود سنتر حصلته ب14.75
بس ترا في اشياء وايد متفاوته بالاسعار
مثلا علب الكيك الجاهز بالفاميلي اغلى من كافور
يعني كلهم لاعبين لعبتهم بس على اغراض معينه فلازم تنتبهون على اللي شريتوة قبل بكم والحين بكم

[نــويصــر]

عيال اختي شباب اصغار طلبوا شاورما من مرمرة العزيزية وما خذوا الطلب لما قال لهم انه ب7 مب ب5 وزعل وقال لهم انا الحين سويته ومايصير ارجعه حركوا عنه وقالوا له خل صاحب المطعم ياكله

كفو عليهم وعلى كل عيالنا

اللي فالعزيزيه من زمان ب 7 ريال