السلام عليكم
اليوم ما خليت فرع لمرمرة اسطنبول و مامريت عليه
او شي رحت النصر حصلت سيخ الشوارما الكبير مليان قلت في نفسي يمكن تو الناس بدري
وبعدها من فرع الى فرع اخر واكشفت ان كل الفروع سيخ الشوارما مليان لا والعمال كلهم برع يسولفون و المواقف قدام المحلات فاضية
عرفت حزتها ان المقاطعه بدت تثمر و الرساله وصلت للجميع
الصورة الاولى شوفوا الموقف شلون فاضي قدام المحل مرمرة اسطنبول النصر
لاحظوا سيخ الشوارما متروس حده ومايكل منه الا الاجانب لانهم مايدرون بالمقاطعه
هذي صورة الاجنبي يشرب كرك ويدخن متملل وياهم مسكين ولا يدري ان العالم مقاطعه ولاحظوا العامل قاعد من الملل
لاحظوا مرمرة اسطنبول السد شوفوا سيخ الشوارما شكره وشوفوا ماياكل منهم الا الاجانب وثاني شي شوفوا العمال شلون متمللين طبعا ماقدرت اوقف عشان اخذ كذا صوره لان المكان زحمه ومب حلوه اصور قدام الناس
وهذا وقت التصوير
الساعه 10 و 11 دقيقه وقت مناسب للعشيات اتوقع
وعقبال
البتراء *
والمراعي