من بشائر المقاطعه اغلاق صالون .........

[BO SAUD]

الاخت الي مشتطه في ردها واتقول انه المنتدى صار ممل ترى الباب يفوت جمل والمركب الي يودي من الصوره الي حاطتها يبين انه لج علاقه مباشره بصاحبة الصالون
متى تنظف قطر من هالاشكال وخصوصا الي لاثوا علينا من سنة ٢٠٠٦*

[بـنـت ڪرز]

من اسم الصالون اصلا مايبشّر بالخير

ولا مره رحته بسبّة اسمه احسه بيت الرعب

[bu 3li]

الموضوع منقول .. ممكن وحده من الخوات تتكرم وتاكد لنا صحة الخبر
نبي نفرح الصراحه ونشوف ( فعل ) من حماية المستهلك على المهازل اللي تصير

[موضي قطر]

حتى لو ماسكروه بيدكم يابنات تسكرونه

بطريقة غير مباشره وهي تفعيل المقاطعه

مب مثل بعض البنات يروحون بالخش ويقولون

احنا مقاطعين

[CH Engineer]

صالون ليال مايبيع مواد تموينية ولا مستلزمات اساسيه ولا في احتكار مثل الوكالات ولا صيدلية
اشوف لها الحريه ترفع 300%

الغلط على الي يروح لها
اذا ارفعت السعر لاتروحون لها بالعكس فرصه الواحد يفتح صالون ويشتغل بنص السعر

اشوف زباينها اذا استمروا مايهمهم السعر ويشوفونها تستاهل والي يشتكي عليها يمكن حسد لانها بتزيد دخلها
للعلم في محل في كتارا يبيع الماي ب10 ريال وينباع بالدكاكين بريال
والمحل بعيد عن المحلات ولا حوله ثلاجات ماء

[حيهور]

مقاطعه في الصميم

اما اهل قطر او هم في البلد


واتصلت عليهم وللحين اسعارهم ضو

والخبر اشاعة

[الخـود]

المشكلة اذا صالون واحد رفع سعره باقي الصالونات بعد بيرفعون اسعارهم .. احنا وين نروووح

وغير هذا اللي يشتغلون بروحهم وماعندهم صالون يعني ما يدفعون حتى اجار اسعارهم أغلى و اغلى ...
المكياج العادي 600 والعروس 3000 والشعر 3000 .. هذي الاسعار اللي قبل كم شهر .. الله اعلم الحين كم صاير ... و اغلبهم يرفعون اسعارهم مع بعض ...


اقتراااح .. ان يتم افتتاح صالون بادارة قطرية ،، باسعار مناسبة معقولة ،، والقطريات ماشالله فنانات بهالسوالف ...

يعطيكم العافية ...

[انتثر لك عطر]

الخبر صحيح 100 % وليس اشاعه تم ذهاب احد المفتشات ولدي اسمها ولن اذكره هنا للمحل وتم تغريمهم 10 الاف ريال على مافعلوه من رفع اسعار ورفضهم اطلاع الموظفه على اخر فواتير لمدة ست اشهر واغلاق المحل مؤقتا


والكلام هذا من اسبوع تقريبا قد يكون فتح من جديد و10 الاف راح تطلعها منكم يامن لم تقاطعون برفع اسعارها حيث انها تذكر بكل وقاحه ان المقاطعه زادت عدد زبائنها ولم تضرها وتشكر من قامت بذلك واعلنت للجميع رفعها للاسعار



لذا واجب عليكم المقاطعه الحقيقه حتى تتأدب وتلزم حدودها فالاسعار ياغريب خلك اديب

ولكن انا استنكر من الشريك القطري مع هاللبنانيه ليه ماتكون له كلمه ويخاف الله من رفع الاسعار الجنوني

[راقي]

والله الصالوناااااااااااااااات اسعارهم بالهبل ولا اللي مسوين عمرهم يابلفيت خبيره طل خبيرهـ بتجي تلعب بوجه العروس وتاخذ 4000 او اكثر !!! على شنو الاغراض كلها ما تطلع بـ 1000 شدعوه عااد

[moonبنتnight]

الخبر صحيح 100 % وليس اشاعه تم ذهاب احد المفتشات ولدي اسمها ولن اذكره هنا للمحل وتم تغريمهم 10 الاف ريال على مافعلوه من رفع اسعار ورفضهم اطلاع الموظفه على اخر فواتير لمدة ست اشهر واغلاق المحل مؤقتا


والكلام هذا من اسبوع تقريبا قد يكون فتح من جديد و10 الاف راح تطلعها منكم يامن لم تقاطعون برفع اسعارها حيث انها تذكر بكل وقاحه ان المقاطعه زادت عدد زبائنها ولم تضرها وتشكر من قامت بذلك واعلنت للجميع رفعها للاسعار

لذا واجب عليكم المقاطعه الحقيقه حتى تتأدب وتلزم حدودها فالاسعار ياغريب خلك اديب

ولكن انا استنكر من الشريك القطري مع هاللبنانيه ليه ماتكون له كلمه ويخاف الله من رفع الاسعار الجنوني

لكل شكر لج اختي 00 ومثل يقول على شينه وقوات عينه 00 تتحدى حكومة 00 عاد ما بغت تعاند لا القطريات 00