الادوية المنومه للاطفال للنوم مبكرا" ؟؟؟استفسار؟؟؟

[بـــــــنت النوخـّــــذه]

بسم الله الرحمن الرحيم





حقيقه اكثر من مره اسمع بهذه الطريقه واحاول ان اكذب مسمعي إلى ان تأكدت ان فعلا" هذا السلوك متبع لدى (اغلب ) اولياء الامور 000

لمـــــــــــــــــــاذا ؟؟؟

اتركم مع القصه :

في جلسه من الجلسات النسائيه تطرقت إحدى الامهات لموضوع عدم نوم الاطفال مبكرا" فقالت واحده منهن وبلهجتنا : ماعليج يا ام فلان بعطيج اسم دوى يبيعونه بالصيدليه اشتري منه منوم للاطفال بس مايضر بصحتهم عطيهم جرعات بسيطه وبيخمدون ومهب قايمين لج الا الصبح



ونفس السالفه تكررت هذه الطريقه عند زميله من زميلات العمل قالت انا ماعور راسي معاهم يا حبوب او شراب منوم وينامون 000


سؤالي واستفساري لاهل الخبره :

شنهو سالفه الدواء المنوم للاطفال الي يستخدمونه بعض الامهات والاباء لعيالهم عشان ينامون مبكرا" ؟؟؟

وهل فعلا" يوجد دواء مختص ماله اي مضار؟؟؟

ياترى هل عجز اولياء الامور عن تنظيم اوقات نوم اطفالهم ؟؟؟؟؟؟

ولماذا هذه الطريقه في تنويم الاطفال ؟؟؟


وبأمانه هل حد فيكم يستخدم هالطريقه لتنويم اطفاله ؟؟؟؟


الله يرحم ايامنا يوم كنا صغار بعد صلاه العشى الخيزرانه معلقه استعداد للنوم

وشكرا"

[نــــظــــره]

ما عرفتي شسم الحبوب

أنا بعد ابي حبوب منومه

[نــــظــــره]

بخصوص الموضوع

الي يقوم الصبح الساعه 6 او 5 غصب عنه بيرقد مبجر ويقوم مبجر

بس هاليهال مادري شمعطينهم قبل حزة الرقاد مخليهم مصحصحين

هقوتي معطينهم ريد بول

[بـــــــنت النوخـّــــذه]

ما عرفتي شسم الحبوب

أنا بعد ابي حبوب منومه

اشربي حليب دافي وبتنامين <<< جذيه يسوون بالرسوم متحركه جربي

بخصوص الموضوع

الي يقوم الصبح الساعه 6 او 5 غصب عنه بيرقد مبجر ويقوم مبجر

بس هاليهال مادري شمعطينهم قبل حزة الرقاد مخليهم مصحصحين

هقوتي معطينهم ريد بول

ماشاء الله بالعكس هالنوعيه نومهم صحي وطبيعي يعني مايخلونهم يقيلون وان قيلو شي بسيط ويقومونهم عشان يرقدون بعد الاعشى

تدرين (بالتعويده ) خلاص الجسم يتأقلم انا يوم كنت صغيره امي كانت اترقدنا على طول بعد صلاه الاعشى نتعشى ونام اطفي الليتات خلاص جسمنا تعود حتى تلقائيا" ايام الاجازات اتحصلينا قايمين الصبح 00
لكن امهات هالزمن كسل فيهم يعيزون يرقدون عيالهم بطريقه صحيه يبون كل شي على الجاهز 00وبعد الابهات00احم

وعلى طاري الريدبول ترى صدت كذا ياهل بالجمعيه يشربه لاتستغربين ومعاه ابوه

[ام السعف]

بخصوص الموضوع

الي يقوم الصبح الساعه 6 او 5 غصب عنه بيرقد مبجر ويقوم مبجر

بس هاليهال مادري شمعطينهم قبل حزة الرقاد مخليهم مصحصحين

هقوتي معطينهم ريد بول

عدل كلامج اللي يقعد الصبح اتحصلينه مثل الذبانة اللي مافلتين عليها
لقلتي له الساعة 6 تعال اقرى هالدرس رقد

ما قط تعودنا انشرب عيالنا ادوية منومة الا اذا صارفها له الطبيب
ويكون مهدئ ومسكن للحرارة او الكحة ويسبب النوم من نفسه ،،

بس سالفة ادوية منومة هذي سالفة اول مرة اسمع فيها

اللهم عافنا مما بليت غيرنا

[جرير]

اولا مبروك على رجوع الفسكره الشارده . . .

ثاني شي ما اعتقد ان فيه دواء ينوم من دون ما يكون له مضار

بالذات اذا استخدم بصوره دائمه بالذات الادويه المنومه

اللتي تحتوي في تركيبتها على مواد كيميائيه يكون الادمان عليها ضاار

ويستحسن لكل من يعاني صعوبه في تنويم ابنائه ان يجيد التعامل

الامثل في ضبط اوقات النوم ويعتمد على حسب العمر ايضا

مثلا وليس حصر . . . طفل يروح المدرسه ما فيه داعي يقيل

ليش . . . ؟ عشان ينام بدري ويصحى بدري

[بـــــــنت النوخـّــــذه]

اولا مبروك على رجوع الفسكره الشارده . . .

ثاني شي ما اعتقد ان فيه دواء ينوم من دون ما يكون له مضار

بالذات اذا استخدم بصوره دائمه بالذات الادويه المنومه

اللتي تحتوي في تركيبتها على مواد كيميائيه يكون الادمان عليها ضاار

ويستحسن لكل من يعاني صعوبه في تنويم ابنائه ان يجيد التعامل

الامثل في ضبط اوقات النوم ويعتمد على حسب العمر ايضا

مثلا وليس حصر . . . طفل يروح المدرسه ما فيه داعي يقيل

ليش . . . ؟ عشان ينام بدري ويصحى بدري

الله يبارك فيج اختي ^_^


بالفعل له مضار وانا فكرت اساسا اي دوى مثل ماله ايجابيه اكيد كثرته له سلبيه 00

للاسف مهب ام ولا اثنين ولا ثلاث الظاهر هالحركه منتشره بين الامهات الي يعيزون يرقدون عيالهم 00

واحييج على طريقتج فعلا" لازم التحكم بنوم الطفل وحتى الكبار بطريقه صحيحه

وشاكره لج المداخله

[بو الجوري]

و الله يا بنت النوخذه انا اعاني مع البنات :..
خاصه وقت الاجازه :.. لانهم يقومون متاخر وحزات ينامون العصر شوي :..

و النتيجه انهم يتمون لين عقب ال12 عادي

لكن ايام روضة الجوري :..
خلاص تقعد من الصبح واحاول ماتنام العصر :..
تلاقينها خلاص عال8 ونص تنووود وتنام :..
وعنود معاها :.. ههههه عايشه اجواء المدرسه :..



يعني الحل هو
لاتخلونهم يقيلون وبيتعبون وبينامون وهل :..


طبعا ما انصح بالحبوب مهما كانت :..

[بـــــــنت النوخـّــــذه]

و الله يا بنت النوخذه انا اعاني مع البنات :..
خاصه وقت الاجازه :.. لانهم يقومون متاخر وحزات ينامون العصر شوي :..

و النتيجه انهم يتمون لين عقب ال12 عادي

لكن ايام روضة الجوري :..
خلاص تقعد من الصبح واحاول ماتنام العصر :..
تلاقينها خلاص عال8 ونص تنووود وتنام :..
وعنود معاها :.. ههههه عايشه اجواء المدرسه :..



يعني الحل هو
لاتخلونهم يقيلون وبيتعبون وبينامون وهل :..


طبعا ما انصح بالحبوب مهما كانت :..

يعني عندكم نظام صحيح وصحي للجسم
وهذا المفترض يصير 000
00

الله يخلي لك الجوري والعنود ويبارك لك فيهم 00 البعض للاسف مايبغون يعورون راسهم حتى في تربيه اعيالهم 000

ومثل ماتفضلت المسئله يبغيلها صبر وتعويد للطفل وخلصنا وهو بنفسه بيتعود

سعيده بمداخلتك القيمه وتوضيح طريقتك لنوم اطفالك

[الدمعه]

امهات اخر زمن الله يكفينا شرهم ..

يدورون راحة بالهم ..

الياهل اللي يقوم الصبح لازم بيرقد عقب العشاء هاي اذا تم لين العشا ..

عيالي يتعبون بسرعه من ياذن المغرب خلاص يدوخون وابتدي انا احركهم باي شي

لين ياذن العشا ..

مااخبر اني عطت عيالي ادويه ترقدهم وهم صاحيين ومافيهم مرض ..

حتى لو اقولها عن غشمره بس مااسويها مستحيل ..صحه عيالي بالدنيا ..

واللي يساعدني وانا واثقه من هالشي ..الممنوعات ..

تعرفين شنهي الممنوعات ..

الشبس والغازيات والحلويات والعصاير المتروسه الوان صناعيه

مثل الفيمتو وعصير بونص ..

كفايه عليهم النجتس والبرغر والخرابيط اللي ياكلونها عالعشا ..

بقولج سالفه ثانيه عن الامهات ..

شفت طفل عمره سنتين تقريبا .. يده محروقه بالاوتي (ذراعه) قلت بسم الله عليه من وين

له هالحرق بعد ..لانه ماشاء الله عليه ولامره شفته مافيه ضربه ولافلعه ولاجرح ..

الا بتلاقين فيه شي ..

طبعا كنت ناسيه سالفه الاسبوع اللي فات .. الاتقول لي عمته هذي امه حارقته بالاوتي ..

قسم بالله في البدايه قلت تتبلين على امه ..قالت لا والله صج حتى ساليها بروحها بتقول لج..

قلت انزين مب قصدها اكيد.. قالت الا قاصده لانها تقول خله يستاهل عشان يتعلم ..

احين عشان اعلم ولدي ان هالشي حار احرقه حرق وكبير .. مب لسعه .. شلون قلبها

طاوعها تسوي فيه جيه ..

هذي اتوقع عادي اي حد يقولها عطيه منوم وايد حركي هالولد بتعطيه وهي مستانسه ..

يعني احنا اذا الياهل اصر على الشاي وهو حار نخليه يزخ البياله من برا ويدوب يجيسها

شلون الاوتي ..

((سبحانك اللهم وبحمدك اشهد ان لا اله الا انت استغفرك واتوب اليك ))