الادوية المنومه للاطفال للنوم مبكرا" ؟؟؟استفسار؟؟؟

[بـــــــنت النوخـّــــذه]

يوجد اودويه منومه تعتمد فى تركيبها على الاعشاب وتعطي للاطفال الذين لديهم اضطرابات نوم

لكن لماذا يسهر اطفالنا لعده اسباب
1- تناول اطعمه تمد الجسم بطاقه عاليه دون حرقها الاطفال الذين يمارسون مجهود بدنى كاللعب الكره والركض

2- النوم اثناء النهار لفترات طويله
3- ما الاطعمه التى تسبب السهر البيبسي وكل المشوبات الغازيه لاحتوائها على ماده الكافيين - الشيكولاته بكل انواعها تحتوي على ماده الكافيين بصوره كبيره جدا.

وبخفض نسب الحلويات والسكريات وعدم تناول الحلوي بعد الرابعه عصرا بسهل عمليه مون الاطفال مبكرا

والبيبسي لاحظت ان كثير من الاطفال يشربونه وهو سبب رئيسي في زيادة الطاقه او مفعوله كعامل منبه 00

فعلا" الاسباب الي ذكرتها هي السبب ولكن 00 حتى لو دوى بالاعشاب المفترض لايصرف الا بوصفه طبيه ولا يتم صرفه الا بعرض الطفل على الدكتور ليحكم اذا فعلا يستحق صرفه ام لا0 لان للاسف السالفه استوت لعبه لدرجه قاموا كل وحده توصفه للثانيه عشان اترقد عيالها !!!!!0

ماشاء الله اشوف الاجانب عندهم نظام لنوم اطفالهم وحتى قيامهم من النوم 000 فــــ هل ينقص مجتمعنا بعض التوعيه بالتعامل مع الطفل

[موضي قطر]

بنت البحر افزعي لي به تراني ما انام

[بـــــــنت النوخـّــــذه]

يدوووه شهالامهات اللي تعرفينهم؟!‏


قوية يعطونهم منومات من الصغر..

خل يعودونهم ماينامون الظهر عشان ينامون من وهل..



بخصوص المنوم شسمه لاني مدمنة منومات ‏‏)‏‏=‏

والله يعطونهم دوى منوم حتى بعضهم يستخدم دوى الكحه يعطونهم جرعات بسيطه 000ووحده اتقول حبوب للزكام استغربت صراحه لهذي الدرجه مافي عندهم اساليب وطرق (صحيحه وصحيه ) لتنويم الطفل !!!!!!!!!!!!!

ولي ناقشتي وحده قلتي لها ليش مهب زين اترد اتقول لج ماعليهم شرّ ان شاء الله


لاحظي ستار الاجانب اشلون ينومون عيالهم وشلون نظام قومهم من النوم بالساعه ماشاء الله

اعتقد البعض ينقصه طولة البال والتوعيه

اخبر المنوم الوحيد لليهال هو دوا الكحة..

من شربوا فكشوووو..

[المسك1969]

نعم الـــactivied وأي نوع من الـanti-histamine يسبب رقاد للطفل عند استخدامه

وأنا والله استغرب من الامهات المهملات وعدم اكتراثهن لما قد يسببه الدواء من مضاعفات لاحقا

وبعدين أن كانت الأم تفعل هذا بنفسها في فلذة كبدها فلا نلوم الخدم أن انزعجوا أن يفعلوا نفس الأم...

أنا جدا أحرص في عدم أعطاء اطفالي أي نوع من الدواء ألا في حالة أن يكون فعلا تعبان... حتى الحرارة لا استعجل ابدا في اعطاء المضاد ألا أن استمرت الحرارة لاكثر من ثلاثة أيام... ومثلما قد يعتاد حسم الكبير على الادويه وقد يتأثر بها سلبا فجسم الصغير اكثر تأثرا من الكبير... وقد يؤدي لاقدر الله إلى خلل في بعض الاعضاء الداخليه غير العقليه والله أعلم

ونرجوا من الأخوة الاعضاء الاطباء ذكر خطورة مثل هذه الامور

وكفاية اهمال يا اخوات عشان تطلعون وتستانسون
جزاكم الله خيرا

[وطن]

لا حول ولا قوة الا بالله

مب زين حرام عليهم
يخلون عيالهم يدمنون على هالادوية من صغرهم

باجر لين كبروا بيعانون مع النوم

بعض امهات هالزمن ما عندهم طولة بال ولا حسن تدبير لأمور الأطفال والتربيه

[مرتبش]

شي غريب
وحتى كلمة اغلب حاطتها بالاحمر..يعني متعمدة ومع سبق الاصرار والترصد.

عني الصراحة ماسمعت حد يسوي هالحركة..وما اعتقد حد صاحي بيسويها.. كل الادوية لها مضار هذا اللي يقولونه لنا الدخاتر..

زين سؤال..الاجانب يعطون عيالهم شيسمونها هالادوية؟ ليش هم شيسمونه يعرفون يرقدون عيالهم والعرب مايعرفون..

بكرة بياخذونها حجة اصحاب الزواج من الخارج

[بو الجوري]

و الله يا بنت النوخذه انا اعاني مع البنات :..
خاصه وقت الاجازه :.. لانهم يقومون متاخر وحزات ينامون العصر شوي :..

و النتيجه انهم يتمون لين عقب ال12 عادي

لكن ايام روضة الجوري :..
خلاص تقعد من الصبح واحاول ماتنام العصر :..
تلاقينها خلاص عال8 ونص تنووود وتنام :..
وعنود معاها :.. ههههه عايشه اجواء المدرسه :..



يعني الحل هو
لاتخلونهم يقيلون وبيتعبون وبينامون وهل :..


طبعا ما انصح بالحبوب مهما كانت :..

[sara jsm]

وبأمانه هل حد فيكم يستخدم هالطريقه لتنويم اطفاله ؟؟؟؟

انا ماعندي اطفال بس استخدمها لنفسي

اخبر المنوم الوحيد لليهال هو دوا الكحة..

وانتي صح

:
:

بالنسبة للاطفال ماانصح ابدا ,,
واسهل طريقة انهم مايقيلون العصر ,,
وامورهم بتكون تمام

[بـــــــنت النوخـّــــذه]

بصراحة انا مايد هل الادوية 00
هذا كانت نصايح دكتورات في مراكز صحية 00
تجي الامهات يشتكون تقول عطية بروفين 00
تقول حنا نعطي عيالنا عشان ينامون 00
واكبر غلط اعتماد على الادوية لانها تقلل مناعة في جسم 00

يعني فيه فعلا" كثير من الامهات يعطون عيالهم !!!

لاحول ولا قوة الا بالله واكثرهم عجزانين ينومون عيالهم او يجلسون معهم لين ينامون

ومثل ماقلتي تقلل مناعه الجسم فعلا" وغير ان اتخلي جسمه متعود على الادويه

ودايما الاحظ الاجانب ماشاء الله يعجبوني بطريقتهم في تربيه ابنائهم بالثواب والعقاب بصرف النظر عن ديانتهم وسلوكهم لكن ساعات اتابع برنامج Super Nanny صج عندهم طرق لو تأملناها لوجدنا اغلبها مستمد من كتاب الله وسنه رسوله 00لكن الاكثريه يبون كل شي على الجاهز

عيال مبرمجين كله العاب الكترونيه تأثر على المخ ومافي اي نظام عدل

سعيده بمداخلتج القيمه

[بـــــــنت النوخـّــــذه]

بنت البحر افزعي لي به تراني ما انام

حتى انتي بعد

بقولج فتحي لج كتاب تقرينه على طول تييج النوده اههههه