الادوية المنومه للاطفال للنوم مبكرا" ؟؟؟استفسار؟؟؟

[بـــــــنت النوخـّــــذه]

نعم الـــactivied وأي نوع من الـanti-histamine يسبب رقاد للطفل عند استخدامه

وأنا والله استغرب من الامهات المهملات وعدم اكتراثهن لما قد يسببه الدواء من مضاعفات لاحقا

وبعدين أن كانت الأم تفعل هذا بنفسها في فلذة كبدها فلا نلوم الخدم أن انزعجوا أن يفعلوا نفس الأم...

أنا جدا أحرص في عدم أعطاء اطفالي أي نوع من الدواء ألا في حالة أن يكون فعلا تعبان... حتى الحرارة لا استعجل ابدا في اعطاء المضاد ألا أن استمرت الحرارة لاكثر من ثلاثة أيام... ومثلما قد يعتاد حسم الكبير على الادويه وقد يتأثر بها سلبا فجسم الصغير اكثر تأثرا من الكبير... وقد يؤدي لاقدر الله إلى خلل في بعض الاعضاء الداخليه غير العقليه والله أعلم

ونرجوا من الأخوة الاعضاء الاطباء ذكر خطورة مثل هذه الامور

وكفاية اهمال يا اخوات عشان تطلعون وتستانسون
جزاكم الله خيرا

احييج على مداخلتج القيمه000

فعلا" اذا الام تعطي عيالها هالحبوب او الادويه المنومه بغرض انها عجزت معاهم عشان ينامون مبكر 00اذا كيف الحال بالخادمه !!!!!!!!

والله يا اختي المسك اني انصدمت لما سمعت الام بأذني سمعتها وتتفاخر اتقول عادي ماعور راسي على طول اعطيهم ادوه وينامون حتى اهم ساعات يجون يقولون ماما وين الادوه نبي انام

قلت فقلبي خلف الله عليج 000وتتفاخرين بعد وتنصحين الامهات

انا اتمنى عدم صرف اي ادويه الا باستشاره الطبيب والكشف على الطفل من قبل الطبيب لان الصيدليات ماشاء الله صرف بالادويه بدون استشاره طبيه اتمنى التشديد من ناحيه الادويه الي تحتوي على نسبه منومه 00

سعيده بمداخلتج القيمه وكثر الله من امثالج 00

[بـــــــنت النوخـّــــذه]

لا حول ولا قوة الا بالله

مب زين حرام عليهم
يخلون عيالهم يدمنون على هالادوية من صغرهم

باجر لين كبروا بيعانون مع النوم

بعض امهات هالزمن ما عندهم طولة بال ولا حسن تدبير لأمور الأطفال والتربيه

هذي المشكله مافي طولة بال ولا في توعيه ولا نظام وتنظيم باوقات النوم والجلوس

[بـــــــنت النوخـّــــذه]

شي غريب
وحتى كلمة اغلب حاطتها بالاحمر..يعني متعمدة ومع سبق الاصرار والترصد.

عني الصراحة ماسمعت حد يسوي هالحركة..وما اعتقد حد صاحي بيسويها.. كل الادوية لها مضار هذا اللي يقولونه لنا الدخاتر..

زين سؤال..الاجانب يعطون عيالهم شيسمونها هالادوية؟ ليش هم شيسمونه يعرفون يرقدون عيالهم والعرب مايعرفون..

بكرة بياخذونها حجة اصحاب الزواج من الخارج

ان شاء الله ماتسمع 000

بس ثق تماما ان كثير منهم

بالنسبه لمسئلة الاجانب تبي الصج ماشاء الله عيالهم شوف اكلهم حزة الفرصه بالمدرسه ماخذ له خياره ولا تفاحه ولا موزه وياكلها لكن اعيالنا ماخذلك هالعصير الي كله الوان حافظه والشبس والكافي الي ضروسه من الولها لي آخرها مسوسه 00

وحتى نسبه الذكاء لان اساسا" الزعتر له فوايد كثيره واغلب عيالنا ماياكلونه لان هذولي مال نكتس وهمبرغر ووو00000الخ

وانا قلت اخوي الاغلب لان اغلبهم عيالهم على الخدم ليش ننكر 000

وبالنسبه لحجه الزواج من الخارج انا قلت (الاسر الاجنبيه ) يعني اب وام مهب ابو قطري اهههههه لان القطري = قطريه نفس التفكير00

مهب القصد التقليل من قيمتهم ولكن الاهمال احيانا او الكسل يبون كل شي بسرعه وعلى الجاهز وارد واقول البعض 00

^_^

[STAR]

لاحظي ستار الاجانب اشلون ينومون عيالهم وشلون نظام قومهم من النوم بالساعه ماشاء الله

اعتقد البعض ينقصه طولة البال والتوعيه

انزين ام بطوولة جان قلتي لهم بلا منوم بلا خرابيط .. الحل الوحيد ماينامون العصر...

الله يرحم ايامي... ماكنت انام العصر اول ما ارجع من الدرسة ع طووول اقعد احل واجباتي واذكار دروسي اول ما تصك الساعة 8 والا 9 الا انا مفنقشة....

[بـــــــنت النوخـّــــذه]

و الله يا بنت النوخذه انا اعاني مع البنات :..
خاصه وقت الاجازه :.. لانهم يقومون متاخر وحزات ينامون العصر شوي :..

و النتيجه انهم يتمون لين عقب ال12 عادي

لكن ايام روضة الجوري :..
خلاص تقعد من الصبح واحاول ماتنام العصر :..
تلاقينها خلاص عال8 ونص تنووود وتنام :..
وعنود معاها :.. ههههه عايشه اجواء المدرسه :..



يعني الحل هو
لاتخلونهم يقيلون وبيتعبون وبينامون وهل :..


طبعا ما انصح بالحبوب مهما كانت :..

يعني عندكم نظام صحيح وصحي للجسم
وهذا المفترض يصير 000
00

الله يخلي لك الجوري والعنود ويبارك لك فيهم 00 البعض للاسف مايبغون يعورون راسهم حتى في تربيه اعيالهم 000

ومثل ماتفضلت المسئله يبغيلها صبر وتعويد للطفل وخلصنا وهو بنفسه بيتعود

سعيده بمداخلتك القيمه وتوضيح طريقتك لنوم اطفالك

[غزلان]

مره سمعت ام تقول اخذ منه قبل السفر وفي الطياره اعطي عيالي علشان ينامون وارتاح من الأزعاج

[بـــــــنت النوخـّــــذه]

انا ماعندي اطفال بس استخدمها لنفسي



وانتي صح

:
:

بالنسبة للاطفال ماانصح ابدا ,,
واسهل طريقة انهم مايقيلون العصر ,,
وامورهم بتكون تمام

اممممممممممممممم
تستخدمين منوم لنفسج ؟؟؟

ليش ؟؟ وهل دائما "؟؟؟

اتمنى لي عرستي ما تعودين عيالج

وفعلا الحل بسيط وسهل جدا" شويه صبر عليهم + نشغل وقتهم حزة القايله بشي خلهم يحلون الواجب او يلعبون اشوي وبعد الاعشى بروحوهم بيطيحون متخدرين من التعب 00

بس للاسف بعضهم ماعندهم صبر على سنداره اليهال

[بـــــــنت النوخـّــــذه]

انزين ام بطوولة جان قلتي لهم بلا منوم بلا خرابيط .. الحل الوحيد ماينامون العصر...

الله يرحم ايامي... ماكنت انام العصر اول ما ارجع من الدرسة ع طووول اقعد احل واجباتي واذكار دروسي اول ما تصك الساعة 8 والا 9 الا انا مفنقشة....

يا بنت الحلال اتقولين لمن المره مقتنععه وقاعده تنصح باقي الحريم

ان قلتي لها لاترقدينهم العصر او الظهر اتقول لج وانا اعور راسي معاهم وتوني راجعه من الدوام خلهم يرقدون 00

وبعدين اختي الي لاحظته الامهات (بعضهم ) عشان لحد يزعل علينا ماعندهم صبر كل شي يبونه بسرعه التربيه يبيلها صبر وتأني وخطوات مدروسه 00 ان قلتي لهم ونصحتيهم بيقولون سندرتينا ماعليهم شر عيالنا كاهم ماشاء الله 000

بس انا انصدمت حتى مره سئلت بنيه عمرها 8 سنوات قلت لها ليش عيونج جذيه منفخه من النوم قالت لان امس نمت وايد سهرنا ومانمنا وامي عطتنا (نص حبه ) ونمنا!!!!!!

[STAR]

يدوووه


حتى اليهال صادهم الارق

[بـــــــنت النوخـّــــذه]

مره سمعت ام تقول اخذ منه قبل السفر وفي الطياره اعطي عيالي علشان ينامون وارتاح من الأزعاج

يعني مرت عليج بعد هالحاله

سبحان الله كله عشان يرتاحون من الازعاج 000 ماسئلو نفسهم شنهو السبب الي جاب هالازعاج من اليهال ؟؟؟؟؟؟؟؟؟؟؟؟

لو معودينهم على نظام معين وفي حزم بالتربيه ماكانوا اتبعو هذه الطريقه السريعه لتنويم الطفل الي سلبياتها اكثر من ايجابياتها