+++ مطعم صباح ومسا

[Dawn]

السلام عليكم

يعطيكم ألف عافيه على هالقسم اللي استفدت منه صراحه ،، ومعاكم اتابع وحاطه لسته سودا فيها المحلات اللي رفعت اسعارها

عندي سؤال بخصوص صباح ومسا لاني من زمان ما طلبت منهم يمكن من فوق الست شهور

بغيت اعرف الصاج بالجبن اللي مقسم إلى 3 فطاير عندهم بكم ؟ لاني اليوم طلبت فطور ولما سألته عن القشقوان بالخضار قال لي انه الصاج ب 20 ريال وانا مب متأكده هل هم زادوا اسعارهم والا لا ؟؟ لاني ما كنت اركز صراحه بالأسعار

فاللي يعرف اسعارهم يفيدني وانا بقاطعهم اذا كانوا زايدين الأسعار .. واذا ما زادوا بحطهم في اللسته البيضا

وشكرا جزيلا

[سهم عتيج]

يعطيك العافية اختي,, وشخصيا ماتعاملت معاه وأتمنى أن يفيدك الأعضاء بذلك ان شاء الله..

بس بصراحة أعجبني في الموضوع انك بدأت بالانتباه الى الأسعار وأنك منذ الآن ستراقبين الأسعار,, وهذا مانأمله من الجميع باذن الله..

وقواك الله..

[عيون الدوحة]

انا من رحت السينما ودفعوني ٢٨ على ٤ ساعات
ماطبيت السيتي بعدها
وش الي يحدني والبديل موجود ومجاني

[عيون الدوحة]

الفلافل عندهم ب ١٨ ريال عسى ماشر

[لـبـيـه]

الفلافل عندهم ب ١٨ ريال عسى ماشر

الدرزن

[هام السحاب]

اصلن اسعارهم ضو من فتحوا محلهم الي بطريق سلوى

[عيون الدوحة]

الدرزن

لا ياشيخ
السندويش ب 18 ريال

[Dawn]

يعطيك العافية اختي,, وشخصيا ماتعاملت معاه وأتمنى أن يفيدك الأعضاء بذلك ان شاء الله..

بس بصراحة أعجبني في الموضوع انك بدأت بالانتباه الى الأسعار وأنك منذ الآن ستراقبين الأسعار,, وهذا مانأمله من الجميع باذن الله..

وقواك الله..

الله يعافيك اخوي سهم عتيج

والله ياخوي ما فينا خير لو ماسوينا هالشي ،، احنا لازم نتكاتف ونوقف وقفه شعب واحد بكل حزم ضد اي شخص يحاول استغلالنا واستغفالنا ،،، لان التجار استغلوا خبر الزياده لبعض القطريين ،،، لكن احنا هنا بدورنا لازم نفكر بالباقي اللي مازادوهم ولازم نفكر باللي اصلا راتبه ما يكفيه لآخر الشهر .. سواء قطريين وحتى المقيمين الفقارى اللي وظايفهم بسيطه ورواتبهم على قدهم ..

لازم ما نكون انانيين.. لازم نحس بغيرنا ونفكر شوي بعواقب الشراء من تاجر استغل اخوانه اول ماجاهم رزق بدل ما يخفف عليهم ويساعدهم ان يستثمرونه راح وقرر الاخ انه يحطه في جيبه ...

وبعدين هالرواتب احنا حللناها ولله الحمد وتعبنا في كل ريال قبضناه آخر الشهر ،،، لازم مانخلي اي شخص ياخذ رواتبنا بارده مبرده

ما اقصد اننا نبخس في تعب التجار لكن نطالبهم بربح معقول ..

فلازم كلنا نلتزم بهالشي والا بكرا راح اتم تزيد الاسعار بين كل فتره والثانيه والرواتب بتوقف عند مستوى معين وذيك الساعه بنحس ان الخطأ منا لاننا احنا اللي سكتنا وخلينا التجار يتمادون بجشعهم ...

شاكره لك مرورك اخي سهم ،، ويعطيك العافيه

[نجدي قطري]

^^^^
ولا تنسين أختي أن في ناس من أهل قطر حتّى بعد الزيادة رواتبهم يا دوب تكفّي
فاتّقوا الله فيهم يا تجّار، وارحموا من في الأرض عسى أن يرحمكم من في السماء!

[Dawn]

انا من رحت السينما ودفعوني ٢٨ على ٤ ساعات
ماطبيت السيتي بعدها
وش الي يحدني والبديل موجود ومجاني

كفو يا عيون الدوحه

احنا لو كلنا اتفقنا على ان لا يتم استغلالنا صدقيني بترجع البركه في رواتبنا والكل بيرتاح سواء فقرا او اغنيا او متوسطين وحتى التجار راح تزيد البركه في حلالهم .. بس يبيلنا نلتزم بمواقفنا ونثبت عليها .. وان شا الله انا متفائله جدا من هالزيادات ،،، مب بس من ناحيه ماديه .. لااا .. من ناحيه ثقافة استهلاكيه ومن ناحية تكاتف بين ابناء الشعب ... ان شا الله راح يكون عندنا وعي اكثر و راح نكون مجتمع متماسك في مواجهة الجشع والاستغلال ...

يعطيج العافيه حبيبتي