امس رحت اشتري كافي من عند كندوراللي على شارع سلوى ومتعودة اشتري من 3 سنوات تقريبا نفس نوع الصينية ب 350 ريال امس انصدمت الا تقولي السعر 480 قلت لها ليش زيدتو الاسعار قالت مازيدنا الاسعار من زمان زايدينها قلت لها بس كانت من زمان سعرها ب350 الا تقولي اليورو سعرة زاد والله شريت الصينيه لاني مضرة واتصلت على حملية المستهلك والله بطت جبدي يوم اليورو طاح كلش نزلو 10 ريال من سعر الكافي والحين زايدين سعر الصينية 130 ريال
انا اتعامل معاهم وايد بصراحه وزيادتهم للأسعار كانت قبل كم شهر مب الحين ..
لقيت محل يبيع الانواع اللي يبيعونها في الدفنه تقريبا اسمه حلويات صادق وهو تقريبا في نفس الشارع اللي فيه حلويات طارق .. وعرفت بعدين ان حلويات صادق لهم فرع في سوق واقف !!!! ورحت وشفته وضحكت صراحه على الفرق في التقديم
وسعر الكيلو ارخص طبعا في حلويات صادق ... طبعا ما يبيعون كل الانواع اللي عند كوندور ...
بس صراحه احس ان كوندور اسعاره مبالغ فيها خصوصا لما نقارن نوعية الشوكولاته اللي عنده بالسعر .. بس الناس اذواق لان فيه ناس تحبه
لا وبعد طلعت محلات جديده وتبيع نفس نوع الشكولاته بسعر اغلى ،، لا تعليق صراحه
بس للأمانه كوندور مازاد الاسعار مع زيادة الرواتب هالشي انا متأكده منه 100%
واشكرج على ذكر تجربتج اختي كت مات
لو انك تركتيهم كان احسن للعلم الكثير من المحلات والمطاعم اذا دخل عليهم زبون واحد يوميا مع علو اسعارهم ما راح يكون عنده اي مشكله لان زبون بيجر زبون وهم اللى كسبانين بالاخيرر وراحت عليناا
بس يفضل انك ادوري على بديل وتردي تكتبي تجربتك الثانيه عشان الكل يستفيد
شاكره لكي
كلامٌ للشّيخ ابن عثيمين-رحمه الله ، قال:
" إذا رأيتَ نفسكَ مُتكاسلاً عن الطّاعة ؛ فاحذر أن يكونَ الله قد كرهَ طاعتَك ، فانتبه لنفسك"!
__________________
هلا اختي انا افضل المقاطعه واحنا اشدخلنا باليورو وغيرة صارت حجه حق الكل كل مادخلنا محل قالي اليورو والدولار في البديل وفي الزين وفي الرخيص وخلوها مقاطعه تسوي وكلمتنا وحدة نفس السعوديه ماشالله خفسوا السوق حسبي الله ونعم الوكيل علي التجار
والله ياخوي انا صار لي اشتري هالصينية من زمان لانهم يبيعون شكل معين من الصواني نفسها صار لها اكثر من 3 سنوات والسعر ثابت اشتريه ب350 ماتغير الا الحين اشدعوة صار ب 480 ريال وهيه بلسانها قالت لي سعر اليورو زاد بس الصينيه نفس السعر يعني بعد ليش مازيدو سعر الصينيه والله احنا استوينا مقصة حسبي الله عليهمالمشاركة الأصلية كتبت بواسطة dawn
بس ايش بيسوي حماية المستهلك البائعة دايما تتحجج بسعر اليورو
بس اشوف حماية المستهلك مايسوي شي
اعتقد انه كافي "شوكولاته" مب ادوية للعلاج الله يبعد عنكم المرض
خليه والبديل موجود بكل مكان
البديل متوفر
اقط الصحن عليه واشوف غيره
يالربع سكرو المواضيع هاذي وامركم لله حمايه المستهلك مافي يدة شي يسويه الدوحه بكبرها ارتفعت اسعارها
ضوابط المشاركة
رد مع اقتباس