بسم الله الرحمن الرحيم

السلام عليكم و رحمة الله و بركاته

*

اول ما اشتغلت في احدى الوزارات

مثلها مثل اي مكان ثاني في قطر

محد يعلمك ايش تسوي

يقطون عليك الشغل و انت تصرف

*

كانت المسئولة تقط علي الكتاب و تقولي صيغي رد

نعم !!!! هذا كان ردي في قلبي

انا عمري ما كتبت ولا حتى شفت كتاب رسمي قبل ما اشتغل

ولا في كتاب عربي يعلمك شلون تصيغ الكتب بالطريقة المتبعة في قطر

ثرى عندنا اسلوب خاص مب موجود في اي مكان اخر في العالم

خاصة الفاصلات الثلاث ،،، اللي ما لها دخل في علامات الترقيم

و مادري ايش تعني بس الكل يحطها

(تحية طيبة و بعد ،،، )

قمت اسأل و ادور و امحص و بفضل الله وحده

تعلمت الصياغة

ساعدوني بعض اهل الخير من زميلاتي في الشغل بس

ثرى مب الكل يعلمك الشغل خايفين تاخذ مكانهم ولا تصير احسن منهم

*

المهم

في هاي الموضوع باحط لكم خبرتي المتواضعة

اللي ما تتجاوز الخمس سنوات في القطاع الحكومي

و باطرح لكم

طريقة قراءة و استنباط موضوع الكتاب الوارد

طريقة صياغة الكتب الرسمية

طريقة الرد على الكتب

طريقة طباعتها

و بعض النماذج ان وجدت

و يمكن اتطرق لمواضيع اخرى

مثل الوارد و الصادر

و الأرشفة

و غيره ،،،

و ياليت اللي عنده خبرة بالكتب الرسمية يساعدنا بعد و ما يبخل علينا

و الله المستعان

*

يتبع ،،،