السلام وعليكم ورحمة الله وبركاته
في البداية انا مستانس من المواضيع الي اشوفه والاقتراحات من قبل الاعضاء والتفاعل من بينهم بخصوص المقاطعة
ولاكن تبقى المشكلة وحده الي هي هل انت متاكد ان المحل الفلاني زاد في الاسعار بعد المكرمة الاميرية
طبعا الجواب ما ادري
انزين اشلون اقاطعهم وانا مهب متاكد من هالشي حرام مهب علينا صح
عيل اشلون افعل المقاطعة انا اعطيكم فكره احسن من ان الواحد فينا يحط في ذمته
ناس تكلمت عن الاكل وناس تكلمت عن القهاوي وناس وناس وناس
على سبيل المثال
الجباتي بريال ليش بريال غالي خله لك ما نبيه
صحن السلطة 12 ريال ليش غالي خله بك ما نبيه
اي شي غالي ومبالغ في سعره خلوه لهم الين ينزلون في الاسعار
تذكير بس
جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا ،فقال: أرخصوه أنتم ؟ )
فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟) قال :اتركوه لهم..)
صدق الفاروق
فأفضل حل لغلاء الاسعار هو المقاطعة
يعني الفكرة مهب من يزيد في سعره بعد ولا قبل المكرمه لا الفكرة ان هذا البضاعة غاليه ما نبيها الين اتنزلون اسعاركم
تخيلو لو انقاطع المطعام كلها 30 يوم بس والمقصود بالمطاعم هنا ( معصرة , مطاعم الوجبات السريعة , المطاعم الفاخرة )
اتوقعون شنو ردة فعل هذه المطاعم
واذا انجحت المقاطعة نبتدي في الي بعده وهكذا
يعني بالعربي الخير يخص والشر يعم
ما ادري ايش رايكم في الموضوع
|
رد مع اقتباس
المشاركة الأصلية كتبت بواسطة mohammed2
