استفسار : بخصوص نيويورك؟؟؟
السلام عليكم ورحمه الله وبركاته
انا مسافره لامريكا من تاريخ 25 -10 الي 3-11 بتنزل الطياره في واشنطن وعقب بستقل طياره ثانيه لنيويورك.. بغيت استفسر عن احسن الاماكن للتسوق وخصوصا الي تسوي خصومات على الماركات غير الاوت لت هناك.. والبيوتي سنتر والصيدليات؟؟؟ ضرووووووووري
ردو علي بسرعه لاني محتاجه اسماء الاماكن والمحلات
وتسلمون
اللهم ابعد عني كل من اراد
بي السوء واحفظني من شر
الحاسدين وابعدني عن من
يجيدون فن تزييف ابتسامتهم
بخباثتهم يظهرون عفتهم وفي
باطنهم خبث لا اعلم به اللهم من
نوى بي شرا فاحفظني عنه ومن
نوى بي خبثا ونفاقا فاكشفه ومن
اراد ايذائي رد كيده في نحره
فإنت حسبي ونعم الوكيل
شارع تايمز سكوير
شارع فيفث افينيو
نيويورك مع اروع الاماكن اللي سافرت لها بتستانسين فيها
عندج شارع Fifth Avenue وشارع Madison Avenue كله ماركات في منها الماركات الغاليه والعاديه Prince Street, Spring Street & Canal Street
وعندج مجمع Bloomingdale's وانصحج تاكلين في 40 Carrots اكلهم حلو وآيس كريمهم لذيذ اتوقع بالدور ال6 مكانه
ومجمع Macy's اسعارهم ارخص من اللي فوق
وهالمول Barneys اصغر من اللي قبله بس اسعاره واجد غاليه
Filene's Basement Outlet In Union Square بتحصلون فيه جواتي الله يعزكم ماركات بأسعار حلوه
21st Century Outlet موقعهم عند World Trade Center بتحصلون فيه واجد اشياء بس يبغي له مزاج رايق وطولة بال
وعندج مكانين Outlets واحد منهم ساعه وشوي بالقطار والثاني تقريبا ساعتين Tnager Outlets هذا ما انصحج فيه مضيعة وقت عالفاضي واسعاره غاليه مقارنة بمحلات الماركات نفسها بالستي هذا احسن منه Woodbury Common Premium Outlets المكان حلو وبتحصلون كمن حاجه عندهم
وشارع التايمز سكوير خليه آخر اليوم بعد ما المحلات العاديه تسكر لان محلاته فاتحه لحد 1 الفجر
نصيحه: خلوا مواصلاتكم دايما بالقطارات اسرع واوفر لكم لان التكاسي بتضيع وقتكم من زحمة الستي
اتمنى اني افدتج وإن شاء الله تكون رحله حلوه وتسوق ممتع وتروحون وترجعون بالسلامه
اختي سكر نبات
في حاجه نسيت اذكرها لج امريكا ما عندهم تاكس فري نفس اوروبا بس لما تروحين مول نفس Macy's روحي عند الكستمر سيرفس واطلبي خصم السواح وهو عباره عن 10٪ لمدة 30 يوم وعندج بعد نفس القصه في مول Bloomingdale's بس بيعطونج اياه لمدة يوم ولازم كل روحه لهم تطلبين الخصم هالمولين الوحيدين اللي طلبت منهم خصم لانهم اكثر مكانين شريت منهم اما الباقي مدري عنهم بس اتوقع عندهم
انصحج تروحين هالحديقه Brooklyn Botanic Garden روعه بمعنى الكلمه كأنج داخله حديقه فاليابان تروق وتهدي الاعصاب
الصراحة العضو سعود كفا ووفا قال كل شي عن نيويورك أنا كنت هناك في رمضان الصراحة روعه والجو أروع وعندج فندق هلتون نيويورك ف 6 أفينيو موقعه حلو بس نصيحة لا تخلين شي في خاطرج أخذي الي تقدرين عليه علشان ماتندمين وتروحين وترجعين بالسلامة
نيويورك تجنن و سوقها حلو .. الاخ سعود قال كل الاماكن بس حبيت ازيد عليه منطقه سوهو .. صراحه بوتيكاتهم روعه و اشياء غريبه .. و حاولي تاخذين جولات سياحيه علشان تشوفين البلد و تستانسن .. و الحدايق ..و مشهوره بمطاعمها.. اتوقع برد الجو يعني هالله هالله باللبس الثقيل .. سفره سعيده
إشتغل بنفسك و أصلح عيوبك
فسوف تسال عن نفسك فقط لا عن غيرك
السؤال
ليش ما تروحين مباشرة دوحــة / سان فرانسيسكو / نيوورك
عندج ال 5th avenu
كله ماركات واسعارهم اسعار الماركات بس ارخص من الخليج
وال Woodbury Common Premium Outlets
وهذا يبعد بين 45 دقيقه الى ساعه من منهاتن وكل الماركات فيه واسعار روعه والبضاعه ماوصلت الخليج بعد
Woodbury Common Premium Outlets
498 Red Apple Court
Central Valley, NY 10917
(845) 928-4000
مرحبا اختي
انا توني راد من اسبوع على القطريه وفيه رحله مباشره من الدوحه ومدتها 14 ساعه
وبخصوص اماكن التسوق اخووي سعود ماقصر وانصحج في Macy's مول 8 ادوار ويبيلج يوم كامل
ذبحتها.المشاركة الأصلية كتبت بواسطة الحجاجي
أبي هريرة -رضي الله عنه- قال: قال رسول الله -صلى الله عليه وسلم-: ((ما يزال البلاء بالمؤمن والمؤمنة في نفسه وولده وماله حتى يلقى الله تعالى وما عليه خطيئة))، رواه الترمذي، وقال: حديث حسن صحيح.
ضوابط المشاركة
رد مع اقتباس