افضل كراج للصبغ ؟ ... عن تجربه

[مستر قطر]

السلام عليكم

اخباكم شباب ربكم طيبين ....

سويت حادث بسيط والحمد لله أضرار بسيطه فسياره البابين اليمين يبيلهم سمكره وصبغ .... فاحترت وين اصلح السياره قالت خلني اسأل إخواني فالمنتدى وانشأ الله ماراح يقصرون

شباب الي بيذكر اسم الكراج يكتب رقم الشارع و تلفون اذا متوفر


والله لايهينكم

[مساهم الشبكه]

كراج الكريستال + كراج النورماندي + كراج المرونه + كراج العاصفه + وماتشوف شر

[مستر قطر]

كراج الكريستال + كراج النورماندي + كراج المرونه + كراج العاصفه + وماتشوف شر

ولاتواجه يالشيخ

كرستال مبالغ في اسعاره ونورماندي زحمه
وباقي الكراجات نشوف اراى الشباب فيه لأني ماعندي خلفيه عنهم والله لاهينك ..

حد جرب وكالة ديهاتسو؟ وين مكانهم بالضبط ؟

[kakashi]

الاودي طبعا في الصداره

وعندك كراج ميتالك

[حسن]

الكرستال شارع 27 روح عند حمدي كراج 30 وقوله انه جايك من طرف حسن ويراعيك في السعر وبس شنو نوع سيارتك وموديلها

[waseet]

النورمندي صبغت عنده باب وكرهني بسيارتي وبعتها بخساره كبيره شغله بسيارتي تعبان جدا

[..er..]

النورمندي عن تجربه شغله حلو

والعاصفه شغله تمام

طبعآ عن تجارب الربع

[.Q a T a R.]

من الآخر

الاودي + والكرستال

وغيرهم لادور

اما النرمندي وغيره مش حالك مره تصيب و10 تخيب عاد انت وحضك

ومن تراخس اللحمه خانتبه المرقه

[بوعلي-Qtr]

الاودي الافضل في قطر
وكرستال يمدحونه لكن يقولون غالي والله اعلم
نورمندي عن تجربه شغله نظيف وحلو .. لو الموتر غير اللؤلؤي لاتخاف ان شاء الله امره بسيط
اللؤلؤي يلعوزك لانه ٢ كوت الصبغ .. اول كوت ابيض والثاني يجيك لؤلؤي .. فاللون اساسا صعب لكن الحمد لله ضبطلي سيارتي .. واسعاره زينه انا عطاني سعر حلو معني اول مره اروحله وماكان في حد معاي لكن سبحان الله رزق .. صبغت الصدام والباب مع سمكره والمناظر واللون ابد مايبين كنه وكاله الحمد لله
وبعد خلصني بسرعه خلال ٣ ايام سيارتي جاهزه رغم ان زحمه

[الكبير الله]

روح شركة الدهادسو ... ارخص من ما تتوقع وشغل ممتاز

(عن تجرتين)