رد أدارة المرور على استفسارات الجمهور (متجدد

[بوسلمان 2010]

سبحان الله كل شي ممنوع اليارات الفخمة مسموح الصوت والعادية تلته ليش القانون واحد

[R 7 A L]

شكراً اخوي المجهود

[عنزي قطر]

السلام عليكم ورحمة الله وبركاته

أتمنى من الاعضاء وضع اسئله يستفيد منها الجميع بارك الله فيكم جميعا

[almaf1a]

السلام عليكم ورحمة الله وبركاته

أتمنى من الاعضاء وضع اسئله يستفيد منها الجميع بارك الله فيكم جميعا

مانبي نضع اسئلة دام ماراح نلقى لها اجابات شافيه

[عنزي قطر]

السلام عليكم
اخوي عنزي مشكور ع المجهود الرائع
بس سوال واحد قبل لا ارد الرد الثاني
من الي رد ع الاساله؟
ممكن رابط المصدر من موقع الداخليه؟

ولاهنت

حياك الله أخي الكريم العنوان واضح


هذا رد ادارة المرور للمواقع القطرية المشاركه في التوعية المروريه (التطوع الكتروني) طبعا اكثر من 40 موقع قطري فاتحين اقسام مروريه في مواقعهم لنشر الثقافه المروريه

ابحث عن المواقع القطرية المشاركه في نشر الثقافه في قوقل

لي عوده للجميع
تقبل احترامي

[عنزي قطر]

يعطيك العافيه أخوي عنزى قطر

موضوع مهم ونتمنى تثبيته لأنه سوف يخدم الكل
عاد بعد الله يعينك وترد على الإستفسارات

وأولهم من أخوك البيانو

س - ما المقصود بالرادارات الذكيه .
س2 - ما المقصود بمتوسط السرعه .
وشكراً ويعطيك العافيه

الله يعافيك اخوي ان شاءالله سوف يكون هناك رد تفصيلي بهذا

واتمنى تثبيت الموضوع لانه سوف يخدم الجميع

[عنزي قطر]

هلا

هل يجوز لي كتابة شكوى ضد مركبة وقد ارتكبت مخالفة صريحة كالسير بعكس اتجاة الطريق؟

وما هي الآلية لذلك؟ رقم التواصل؟ ايميل؟ فاكس؟ هاتف؟

أكيد اخي تستطيع

المقر الرئيسي
هاتف : 44890666 فاكس : 44872624

البريد الإلكتروني : traffic@moi.gov.qa

وايضا طريقه اخرى

مراجعة قسم الشكاوي والتظلمات في ادارة المرور مدينة خليفة

[jeep-srt8]

للأسف اخوي عنزي ..بالفعل ..اغلب الاجابات فيها لف و دوران !!! لش ماتم الأجابه بنعم او لأ ؟؟تنهي الموضوع من قصيرة وماتفتح مجالات اخرررررررى لأي من هذه الاسئلة

انت ماقصرت بس الي يجاوبون !!!!!!

[عنزي قطر]

اسئله تتمحور حول (اللي يبونه الشباب) مافيها شي لمصلحة المارّه والشارع العام
وسؤال المطفي يتكرر اكثر من مره..وجوابه صحيح لكن غير مطبق
وبالنسبه للصوت..السيارات الامريكيه معظمها اذا مش كلها يجي فيها صوت
وفالامارات في شركات خاصه تابعه للوكالات الاماراتيه اللي اتورد المواتر من الخارج هي بنفسها مصرحه من حكومة الامارات بتزويد السياره شكلا..وصوت بعد وغيره من هالحركات...ف ابي اسأل المرور كيف بيتم التعامل مع هالمواتر الخليجيه اذا انتو تبون وحدة قياسات خليجيه ومروريه مشتركه؟..لان هني بيكون في اختلافات
واذا عادي..عيل ليش عندنا مش مسموح دام بالامارات والبحرين والكويت ماشيه السالفه ومصرحه وماسببت اي خطر..ومضمونه دولياًّ

بالنسبه للاستماره..اصلا هذي الاسعار الجديده اللي من فتره ارفعوها
كانت اقل ب 35 الى 50 ريال

العازل 20%...مايصير يحكم على كيفه بان العازل 20% وخلاص
لازم يحط بعين الاعتبار نوع العازل وماده قبل لايفكر بالدرجه
في عوازل 50% ولكن قوتها مثل ال 10% وال 20%...لان مادتها غير جيدهف لازم يوحدون نوعية العازل..او انهم يخاطبون الشركات بارسال مواصفات العوازل للمرور للموافقه عليها من بعد تجربتها عندهم واختبارها
وحطوا في بالكم ان بعض الشرطه يصمم ويعاند يوم تقوله انك مركب 20% ويقولك لا هذا 50%
يا اخي أيها الشرطي..حط في بالك ان بعض المواتر من داخل لونها اسود
وسقف الموتر من داخل اسود واللي يفرش سيارته من داخل اسود بعد..فالعازل يبينلك انه قوي..لان مافي انعكاسات من الداخل
ف يا انك اتصدق السائق وماتتفلسف عليه
يا انك عشان اتحل هالمشكله عطوهم جهاز يكشفون على نسبة العازل وفكونا من القيل والقال والمناحرات اللي تصير

صوتك وصل أخي الكريم اقتراحات جيده واسلوب راقي بالرد شكرا لك

[عنزي قطر]

الردارات الذكيه على خط الشمال شلون نظاامها يعني تصيدك لما تخفف عن الردار ؟؟!!

بخصوص الرادارت الجديدة سوف يتم الاجابه عليها بالتفصيل شكرا لك اخوي