ツ】 منهج ثاني وثالث ابتدائي .. حياكم【ツ

[استغفرالله]

العربي صعب جدا عليهم خصوصا الاعراب والجمل الاسمية والفعلية

[حراير قطر]

منهج الرياضيات للصف الثالث المطلوب من الواجب ان الطالب يعرف خانات العدد احاد و عشرات ومئات والوف بس المسميات انجليزية وانه يكتب العدد ويحوله من ارقام الى حروف والعكس


ومنهج الصف الثاني الجملة الفعلية والاسمية ماهو الفرق بينهم

وكيف يميز الطالب بين جمع المذكر السالم وجمع المؤنث السالم



اللي انتي مصورته هذا سهل


اللي كان صعب على وانا ادرسه لولدي مادة العلوم للصف الثاني اسنان الانسان واسم كل سن ووظيفته وحتى كيفية قراءة الاسم وجدته صعب


بس احاول امشي حالي بالتدريس

اكيد سهل بالنسبة لج ولعلقج

اما اهم لا طبعا

خلي احد من عيالج يكتب هالارقام بالانجليزي

وبدون مساعدتج .. لين جابوا له بالامتحان بيعرف يحله ؟؟؟



اما للصف الثاني بعد اقولج صعب لمستوى عقلهم

اذا تم تدريسهم بدون ما يكتب جمل من نفسه هاي شيء ثاني ...

[حراير قطر]

الله يعين عيالنا على هالمناهج الدسمه اللي يشوفها مايقول منهج ثاني وثالث ابتدائي

الله يكون بالعون ...

[بـــــــنت النوخـّــــذه]

قوه يالغالية شخبارج اختي حراير

شوفي من فترة هم باديين نظام جديد بالنسبة للغة العربية وبدو فيه كتجربة لكن من رأي الاغلبية النظام القديم بالتدريس افضل ما اقصد المنهج لا اقصد الطريقة 00 قبل اللغة العربية تبدأ بالمراحل الاولى بتعليم الاحرف ونطقها وكتابتها 00ألحين على طول داخلين عليهم تعليم كلمات قراءة وكتابة 00 وهذي صعبة اشوي على مرحلة اول وثاني ابتدائي 00

بالنسبة للصف الثالث كل ألي ذكرتية المفترض الطالب بهذي المرحلة يعرف يحل

لاحظي :



هذي اهداف الدرس خاصة للمعلم يعني الاهداف المفترض يكتسبها الطالب بعد الدرس طبعا" ويعتمد اعتماد كلي على اسلوب المعلم من خلال الانشطة وطريقة عرض اوراق العمل المبسطة لتسهيل الفكرة 00 بالعكس صف ثاني وبالذات ثالث لازم يعرف الاسم والفعل والفاعل هي اشياء بسيطه نتداولها بحياتنا حتى 00

ولكن مثل ماقلت لج يعتمد على اسلوب المعلم بتسهيل الفكرة احنا نشوفها صعبه بالنظر لكن بالتطبيق مافي اسهل منهم فـــــــ يعتمد على وسيلة المعلم في توصيل الفكرة لطفل بهذا العمر



في برامج وفلاام وثائقية مبسطة للطفل ممكن يشاهدها مهب شرط فيلم وثائقي فوق مستواه 00يعني حاله حال اي رسوم متحركة او فيلم السنافر او هاري بوتر او Tangled


اما مادة الرياضيات :

لاحظي ترى يتكلمون عن الاحاد والعشرات والمئات والالاف 00 ترى انا اشوف الورقة سهله جدا" اذا قدرت المعلمة توصل فكرتها للطفل ترى مافيها اي اي اي صعوبة او وضع يفكر به الطالب ماعليه الا يشيل منيه ويحط مناك بس

765=-----+--------+--------
المثات=700
العشرات=60
الاحاد=5

وإذا المعلمة شاطرة بتقول له لو اخترنا سبعه اتشوف جدامها كم رقم اذا رقمين حط صفرين وتستوي جذيه 700
واذا اخترانا 6 دايما انشوف الي جدامها من رقم (5) انحطه صفر فيستوي 60
ومنها توصل لهم فكرة المئات والعسرات والاحاد

يعني الاسئله بالورقه مجرد شيل وحط بس مافيها اي عمليات حسابية ^_^

هذي نفس فكرة الي فوق مافيها اي تقكير مجرد ترتيب بس ومثل ماقلت لج يعتمد على طريقة المعلمة واسلوبها بتوصيل الفكرة
5728 = 8+20+700+5000
o=الاحاد=ONES
T=العشرات=TEN
H=المئات=HUNDRED
TH=الالاف=THAOUSAND

بس ماعلى الطالب الا ياخذ ويلقط ويصف بالجدول وممكن اتسهل المعلمة لهم واتحط فوق كل رقم الحرف المختصر للوحدات

والله ياحراير كنها لعبة يلعبها الطفل لا تفكير ولاعمليات حسابية

عندج هالمسئلة:
1+500

بحيط 1 في خانة الـــــ O

وبيحط 500 في خانة الـــــــ H

والباقي الخانات صفر او - دليل ان مافي شيئ

ترتيب بس مثل اللعبه تخيلي اتلعبية لعبة الالوان عندج مكعبات وجدول صافه فيه الالوان حط المكعب الملون عند اللون الي يشبهه

هذي الورقه ماعلى الطالب الا يحفظ كتابة كل وحدة ومعنها
O=الاحاد=ONES
T=العشرات=TEN
H=المئات=HUNDRED
TH=الالاف=THAOUSAND

وبس بعدها كل رقم يحط وراه الكلمة
4916=

مثل ماقلت لج مجرد ترتيب مافي اي عمليات حسابية يقوم بها الطالب 00

هذا درس عن الاعداد الزوجية والفردية
odd= 1,.3.5.7.9.11,000000

المعلمة الشاطرة بتقول لهم خلاص اي بداية للرقم تشمل على هذه الارقام بيكون فردي
even=0.2,4,6,8,12,00000

اي بداية تشمل اي رقم من المذكور بيكون زوجي

50 زوجي
47 فردي لان بدايتة 7 وسبعة من الاعداد الفردية

يعني اتفهم بالبداية بهذي الطر

يقة

ف ارد واقول الاسئلة بمادة الرياضيات عبارة عن تريتب واختيار فقط
ويعتمد اعتماد كلي على طريقة المعلمة لتوصيل المعلومة 00 المنهج بالعكس حلو ومناسب لطلاب الصف الثالث00 ولازم المدرسة ماتكتفي بالكتاب لازم اتسوي لهم لعب وانشطة تتعلق بالدرس كدعم للمنهج ولتوصيل الفكرة 00

وانصح كل معلمة اتسوي الارقام على اشكال حيوانات محببه للاطفال واتحطها بالفصل واتخلي خانة الزوجي وخانة الفردي وبالمثل اللغة العربية اتخلي طوفة للاسماء وطوفة للافعال وووو000الخ عشان يكونون جدام الطالب
تحياتي واسمحيلي على الهذرة الطويلة

[قطريه ماركه]

بيطلعونهم عباقره بإذن الله *__^

[منيرة الطواش]

اكيد سهل بالنسبة لج ولعلقج

اما اهم لا طبعا

خلي احد من عيالج يكتب هالارقام بالانجليزي

وبدون مساعدتج .. لين جابوا له بالامتحان بيعرف يحله ؟؟؟



اما للصف الثاني بعد اقولج صعب لمستوى عقلهم

اذا تم تدريسهم بدون ما يكتب جمل من نفسه هاي شيء ثاني ...

ارجع اقول لج ترى سهل جدا


كنت ناويه اشرح لج بالتفصيل كل ورقة


لكن الاخت بنت النوخذة ماقصرت كفت و وفت


وعندي اضافة بسيطة حتى يحفظ الطفل الارقام خلى على لوحة الارقام من صفر الى عشرة رقم وكتابه و اساليه عن بعض الارقام اللي معروف ان الكل يشكك فيها صح ولا غلط مثل الرقم 2 بالانجليزي هل ال w قبل او ال o وسوي نفسج مب عارفه الصح حتى يروح ويشوف هالورقة اللي مكتوب عليها الارقام




وبعد مدة غيري الورقة وكتبي من 10 الى 100 ونفس التكنيك اسالي عن رقم انتي شاكه ان الاسبيلنج انتي كاتبته غلط



وبعد مدة ورقة عليها من 11 الى 20


وهكذا



طبعا لن تتم الاستفادة من الورقة الا اذا كنت تسالين الطفل كيف نكتب هذا الرقم وروح عند الورقة وشوفها لي



هذي طريقتي والورقة موجودة في غرفة الدراسة ومعروف مكانها من الكل



بتتعبين بالبداية بس بعدين بتشوفين ان الموضوع جدا بيكون سهل على الطالب او الطالبة


ترى تعلمت افكار كثيرة من تدريس العيال عمري مافكرت استخدم نفس الطرق لما كنت ادرس

[معلم فكري]

والله صعبة حيل
والمفترض عدم دخول الطفل في هذا العمر في متاهات اللغة العربية
ما أدري كيف نظام الدراسة عندكم في قطر
لكن عندنا من اول إبتدائي ما فيه مادة اسمها اللغة العربية
فيه مادة أساسية من أول ابتدائي إلى سادس إبتدائي اسمها القراءة والكتابة
تكون بشكل مكثف إلى صف ثالث إبتدائي وبعدها يتم تقليل عدد حصص القراءة والكتابة وتعويضها بمادة اسمها قواعد اللغة العربية وتكون بشكل مبسط
وأرى أن هذا هو الأنسب
لأنه من غير المعقول أن طالب في مثل هذا العمر لم يتقن القراءة والكتابة بعد يقوم بدراسة قواعد اللغة العربية !

[بوخالد911]

كتب تصلح للاعدادية

[استغفرالله]

المنهج للتجربة منهج اللغة العربية

للتجربة لان عيالنا فيران تجارب يجربون عليهم

[بوحارب]

اذا انا ماعرفت بعض الأجوبة هههههه شلون عيل الأطفال المساكين