ツ】 منهج ثاني وثالث ابتدائي .. حياكم【ツ

[بـــــــنت النوخـّــــذه]

كتب تصلح للاعدادية

بوخالد بذمتك طالب اعدادي وانعلمة تونا على الاعداد الزوجيه والوحدات

والاسم والفعل والفاعل ووووووو00000إلخ

صل على النبي

ترى اسئلة الرياضيات جدا سهله مهب لاني كبيرة واعرف احل عن الطفل بل لان كلها اختيار وشل وحط وترتيب مافيه اي عمليات حسابية الاجابه موجوده عنده بس يختار ويحط

والباقي على المعلم الشاطر في توصيل المعلومة باسلوب محبب لدى الطالب ولا يكتفي بالكتاب المدرسي فقط 00 لازم يربطون التعليم ببيئة الطالب
اسم يقولون له شسم ابوك
فعل يقولون له شيسوي ابوك
وجذيه

الارقام يقولون له كم يمعت بالعيد 00 او طلع فلوسك ومصروفك اليومي شمكتوب على العملة
عشرات= 10ريال
5 ريال = احاد
100 ريال = مئات

حتى لو تضطر المعلمة اتسوي عملات مصوره للطالب وتكتب عليها اسم الوحده بالانجليزي وتوزعه على كل طالب عملات مكتوب عليها احاد -عشرات-مئات-الالاف
اليهال بهذا السن يحبون يجمعون الفلوس اههههه

كم سيارة لعبة عندكم وبكم شراها ابوك بـــــــ 285 ريال يعني 200 مئات , 80 عشرات , 5 آحاد

كلها اشياء من بيئة الطفل مشكله اذا فصلنا المنهج عن بيئة الطفل وعشان جذيه اقول لازم المعلم يربط كل شيئ ببيئة الطالب وشكرا"

^_____________^

[شيزكيك]

واحب اضيف ان الي ما دخلت عيالها روضه خل تلاحق عليهم لان حتى منهج العربي حق اول صعب على طول

تركيب كلمات وجمل واملاء وتعبير عن الصور يعني الي على طول بيروحون اول بيحصلون صعوبه هم واهاليهم

زحتى العربي حق رابع مساعه قاعده مع ولدي نشوف الواجب الا ما عطتهم قصة عن الفيل الي داس على

عش الحمامه وهشم بيضها

وتعالي شوفي الاسئلة ايش نوع النص ما علامات الترقيم ما الضمير المستخدم اي زمن

من الشخصيات وين المشكله والحل

الصراحه حلو ان يتعلمون هالامور بس صعب على سنهم

ورياضيات رابع صعب

[الـراسي]

ما اقول الا الله يرحم الحال

وياليت يخافون الله بتعليم عيالنا

[الرايــق]

يا زين مقررات الحكومة ..

ويا زين "حمد مع سحر"

الله يكون بعون الجميع

[القحطاني505]

يا زين مناهجنا أيام المدارس الحكومية

تصدقون أن أختي في الصف الرابع وحتى الآن لا تحسن القراءة والكتابة باللغة العربية

[Ro7-Qatar]

الله يرحم أيام الوزاره

[حراير قطر]

بخصوص ثاني وثالث منهج العربي تراه سهل جدا انا مدرسه هالدروس لهذي المرحلتين وبالعكس فهموه وسهل عليهم

اما الرياضيات والانجليزي مادري عن مناهجهم !!

وترى مب كل شي ينكتب بالكتاب لازم يحلونه ويدرسونه بعض الاشياء الصعبه نطوفها

اكيد بيفهمون اذا الطلاب قاعدين في مكانهم

انا اروح اخذ عيالي واشوفهم اللي قاعد فوق الطاولة

اللي يتكلم اللي يتمشى واللي يفتح الباب ويطلع ويرد

ونظام القروبات مب شيء كلش كلهم يسولفون

والا اذا جاءت مدرسة عربية ما يحترمونها كلش ...

[حراير قطر]

العربي صعب جدا عليهم خصوصا الاعراب والجمل الاسمية والفعلية

اي والله صعب بالنسبة لهم ...

[ضوى]

اختي حراير المنهج وايد سهل ، كنت ادرس عيالي اللي تأسسوا في مدارس مستقلة ، والحمد لله كان قد سنهم وعقلهم ، يمكن لانه المدارس اللي اسستهم ممتازة ، بس عموما المنهج يبي له واحدة متمكنة تشرحه وتفهمه للطلاب لو مافهموا صح ، ومب مدرسات الله العالم شنهي شهادتهم والا خبراتهم ، الله المستعان

[ضوى]

والله صعبة حيل
والمفترض عدم دخول الطفل في هذا العمر في متاهات اللغة العربية
ما أدري كيف نظام الدراسة عندكم في قطر
لكن عندنا من اول إبتدائي ما فيه مادة اسمها اللغة العربية
فيه مادة أساسية من أول ابتدائي إلى سادس إبتدائي اسمها القراءة والكتابةتكون بشكل مكثف إلى صف ثالث إبتدائي وبعدها يتم تقليل عدد حصص القراءة والكتابة وتعويضها بمادة اسمها قواعد اللغة العربية وتكون بشكل مبسط
وأرى أن هذا هو الأنسب
لأنه من غير المعقول أن طالب في مثل هذا العمر لم يتقن القراءة والكتابة بعد يقوم بدراسة قواعد اللغة العربية !

هذه كانت موجودة في النظام التعليمي القديم بدولة قطر ، الكتاب اصلا اسمه القراءة