بسم الله الرحمن الرحيم .,
مثل ماهو واضح فالعنوان .. سوبرماركت الطائف الجديد اللي فـ بن عمران
مريت عليه من اشوي وسألته عن البيض القطري ( سعره 14 ريال ) وقال لي 16 ريال
سألته ليش قال الشركه رفعت .. قلت له لا مارفعوا وين الورقه مالت الشركه ان السعر صار 16 ريال بدال 14 ؟؟ تم واقف ومفهي قلت له تعرف حماية المستهلك ؟؟ قال لأ
قلت له هاي مثل البلديه يسكرون الدكان لو الفلوس فوق .. راح وقال باجيك عالسعر واجيك
وللأسف على بالي بيخاف ويجي يقول 14 بس الظاهر الهندي اللي داخل قال له : قول انه 16 وخلاص
لكن ماعطلت خبر على طول اتصلت حماية المستهلك ورد علي الاخ وقلت له عن الموضوع قال عندك وصل او غيره عشان تكون الشكوى احسن ..
فـ خذت البيض وخليته يطبع لي فاتوره (( بتشوفونها فالمرفقات )) وبالفعل خذت الايميل من الموظف جزاه الله خير .. وارسلت لهم الفاتوره وعليها رقمي في حال انهم بغوا يتصلون
الحين هاي محل عادي لا بنقول واسطات ولا غيره .. يعني بنشوف الاجراء اللي بيتخذونه
واذا هم صج حماية مستهلك ( او مجرد منظر ) واتمنى من الكل انهم مايستهينون فالموضوع ويقولون عادي الا ريال ولا نص ريال حتى .. يبدونها بريال لين 5 و 10 واحنا نقول عادي خل اخذ مابي اعور راسي وادور مكان ثاني وزحمه وحاله
خلونا نكون يد وحده وصدقوني بنوصل لـ نتيجه تسر الجميع
|
رد مع اقتباس
