مطعم هلا اسطنبول ... مع الخيل يا شقرا

[Abdulla86]

السلام عليكم ورحمه الله وبركاته

مطعم هلا اسطنبول اللي في محطه البترول اللي خلف الاندمارك

انا متعود اطلب منه مشاوي الصحن يكون فيه ٦ اصياخ و كان سعره ٣٠ اليوم كلمته الا يقولي ب ٤٠ يوم سالته ليش رفعت السعر الا يقولي احنا مارفعناه هذا سعرنا من قبل ،، يوم قلت له اسمي عرفني لاني متعود اطلب منه الا يغير كلامه ويقولي الشركه اللي نشتري منها اللحم رفعت السعر يوم قلت له بشتكي عليكم عند حمايه المستهلك تبلعم وسكت ولارد علي و سكرت الخط بوجهه و على طول حمايه المستهلك

والمشاوي رفع سعرها بس ماعندي علم في باقي الاصناف

وهذي اسعار صحون المشاوي

الصحن بو ٢٠ قبل الزياده .. الحين صار ٢٥

الصحن بو ٣٠ قبل الزياده .. الحين صار ٤٠

الصحن بو ٦٠ قبل الزياده .. الحين صار ٨٠


وماشاء الله انا دوم اشوف ضرب مضارب عليه

لكن مافي الا حل واحد قاااااطعووووه

[بوحارب]

التركي ماصدق سمع خبر الزيادة الا زاد اسعاره

ويييييييين حماية المستهلك !!!!!

[ولـ قطر ـد]

ابي اعرف بس دور حماية المستهلك في الموضوع هذا ..
..
..
.
.

[سهم عتيج]

ابي اعرف بس دور حماية المستهلك في الموضوع هذا ..
..
..
.
.

دورها انها بتطلب المنيو,, وبتشوف اذا كان المنيو مختوم بالأسعار اللي يقدمها فراح تخليه في حاله.. واللي يشتري من عنده خله يطلب فاتورة بعد ذلك ويقدمها لحماية المستهلك عشان يقارنون سعر الطلب مع سعره بالمنيو المختوم..

والله أعلم..

[khaldoon]

شكله رافع اساعره على كلامك هذا في وقت قريب جدا جدا لاني اقل من 10 ايام شريت من عنده شاروما و كانت نفس السعر القديم على 6 ريالات