السلام عليكم ورحمة الله وبركاته
امس تعاقدت مع منجرة الكورنيش لتركيب ابواب خارجيه خشب مرنتي محشي بليوت
سعر الباب 1800 ريال مع التاج
شرايكم بالمنجره ؟؟ مع العلم اللي يشتغل فيها اسمه خير الله !!
شرايكم بالخشب ؟؟
وشرايكم بالسعر؟؟
ياليت تردون علي قبل ادفع العربون اليوم
مع العلم مدة التسليم 25 يوم بعد تركيب الارضيات !!
سبحان الله وبحمده سبحان الله العظيم
,
,
مرحبا
هلا والله
المفروض الواحد يسئل ويشوف وبعدين يتعاقد
الان هنا حصل العكس التعاقد قبل السؤال
ما عندي فكره عن المنجره اتمنى احد الاعضاء يفيدكم ان شاء الله
موفقين يارب
,
,
اخوك
شموخ دائم
انا سويت في منجره بالصناعيه سعر الباب مع الصبغ بدون تاج على 1650
التاج سويته بروحه على 350
الله يوفقك
هلا والله ومشكورين على الرد د
بصراحه أنا كنت واجد مستعجلة والمناجر اللي معروفه من ٣ شهور وطالع
وكنت قاريه عن هالمنجره بس صراحه السعر ترددت فيه اشوفه بخصية بالنسبه لغيره
الحاصل خليته يسوي لي باب سنبل مدفوع اجره
الؤال الحين الخشب المرنتي زين للأبواب؟ وقالي الفريمات mdf
شرايكم !!
سبحان الله وبحمده سبحان الله العظيم
نصيحه لا تستخدمي بالباب ام دي اف لاي قطعه كانت
لانه عباره عن كرتون مضغوط يتاثر بالماء
ال ام دي اف شغله جميل للديكورات وللصبغ يطلع اوكي عليه بس مب عملي
السعر زين لو الفريمات مرنتي
اقدارنا مكتوبه ,,,,, فلنعش بهدوء ..
اذا بغيتي شركة محترمه للبيبان
شيكي ع الخاص
,
,
مرحبا
الفريمات احسن شي واقوى شي تكون ( مرنتي )
وهذا هو الصحيح وكل بيوت قطر الفريم مرنتي وسعره مقبول مو غالي
بالتوفيق لك
,
,
اخوك
شموخ دائم
عندج منجرة المفتاح والسلام هي الي اعرفهم شغلهم عدل بس اشوي سعرهم غالي
اسئلي بعد يمكن احد يفيدج اكثر موفقه
اياكم والـــ mdf في الفريمات وايضاً في البرور اللي بتكون حول الباب
وانصحكم نصيحة لوجه الله الميرنتي يجب الا يستخدم الا في الحليات على الباب او الفريم او البرور
ولا يجب استخدامه ابداً في ابواب لا داخلية ولا خارجية نظراً لان وصلاته تتأثر جداً من الحرارة والرطوبة
وتتفكك بسرعة البرق
وبالتوفيق
صح لسانك وانا اؤيدك 100%المشاركة الأصلية كتبت بواسطة خبير ديكور
ضوابط المشاركة
رد مع اقتباس