السلام عليكم
اريد بعض المعلومات عن الرنج روفر موديل 2007 او 2008 من نحية السيرفس وقطع الغيار هل هيا غالية لدرجة كبيرة او لا
وياليت الي يعرف بعض اسعار قطع غيار للسيارة يوضح اسعارها
والي استخدم السيارة يوضح بعض الجوانب الايجابية والجوانب السلبية للسيارة
الله يجزاكم الجنة ان شاء الله
مرحبا الشيخ اذا ناوي تاخذ رنج نصيحه اخذ لك واحد عليه ضمان وبخصوص السيرفز ع حسب اذا معه ادرامات ويل وسفايف تقريبا 4500 لا اذا السيرفز العادي من 1200 لين 1600 واذا انت عندك موتر غير الرنج لا تحاتي والسيرفز كل 12000 الف كيلو بس اهم شي الضمان وان شاء الله الشباب بعد ماراح يقصرون معاك وبيفيدونك اكثر........ والله يوفقك ويوفق الجميع
تحياتي لك
اخوي سفايف اماميه وخلفيه مع درام ويل خلفي ب 2900
ارخص من لتيوته
اخوك من عشاق الرنج روفر
بس اذا الموتر ماشي واجد لاتاخذه لان خراباته تطلع
واذا على الضمان يكون احسن
وبالنسبة للسيرفس اقل شئ آيل المكينه اعتقد بـــ 800 ريال كل 12000 كم
والسفايف اماميه وخلفيه بدون درامات ماتتعدى 2000
واذا الموتر اخترب فيه شئ ,, خذ القطع من الامارات ارخص بوايد .
الله يعطيك خيره ويكفيك شره
اللهم اغفر لأبي وارحمه برحمتك
اللهم اغفر لجميع المسلمين والمسلمات
الاحياء منهم والاموات
قال ابن رجب رحمه الله :"خاتمة السوء تكون بسبب دسيسة باطنة للعبد لايطلع عليها الناس"
وقال بعضهم : ( كم من معصية في الخفاء منعني منها قوله تعالى : " ولمن خاف مقام ربه جنتان " )
" إن الحسرة كل الحسرة ، والمصيبة كل المصيبة : أن نجد راحتنا حين نعصي الله تعالى "
خذ 2008 نفس ال 2009 و يختلف عن ال 2007 موتر ماعليه كلام الرنج عموما
بس مثل ماقالوا الاخوان خذ شي عليه ضمان سنتين على الاقل ولو من عند الفردان مستعمل تقدر تشتري ضمان زياده
وبالتوفيق
تبسم فان الله ما أشقاك إلا ليسعدك
وما اخذ منك إلا ليعطيك
وما أبكاك إلا ليضحكك
وما حرمك إلا ليتفضل عليك
وما ابتلاك إلا لأنه يحبك
السلام عليكم
اخوي انا مستخدم النوعين الفوج والسبورت
اذا الموتر عليه ضمان طبعاً لازم تشيك في الوكاله وفي الوكاله غالي جداً السيرفس
واذا ماعليه ضمان وهو احسن شي عندي انا اشيك الموتر برى في محلات خاصه للرنج
وقطع غياره معقول ويمكن ارخص من التيوتا
وهذي الاسعار في المحلات اللي برى عندك في محل في شارع سلوى وفيه محل في محطه التيسير
والاسعار ::
السفايف ورى وقدام مع درام ويل بدتهم بـ 1400 تقريبا او اقل
الايل ابدله كل مره ((بـ 500 ريال 20 الف كيلو )) في المركز الالماني
في محطه التيسير (( بـ 350 ريال 20 الف كيلو ))
عموماً اي سياره استخدامك لها استخدام معقول ماراح تخرب وياك سواء يااباني او الماني او ...
والرنج صراحه موتر جيد وحلو وهيبه
بس السبورت في وعوره شوي يعني ماينفع حق سفر
السلام عليكم .. بعد اذن صاحب الموضوع
عندي سؤال يالربع
لو الرنج تحت الضمان ..
السيرفيس ببلاش ؟ نفس نظام البي ام ولا غير ؟؟
يعطيكو الف عافية لكل من شارك في الموضوع
وان شاء الله يكون الاعضاء استفادت من المعلومات
لاول مرة بعرف ان قطع غيار الرنج مب غالية
ضوابط المشاركة
رد مع اقتباس
