السلام عليكم و رحمة الله و بركاته
بدأنا مرحلة تركيب النوافذ، و المقاول ركب لنا كنموذج زجاج عاكس سادة ..
و أنا أشوف في بعض البيوت يستخدمون زجاج بلون أزرق أو ذهبي
و حابة الذهبي خصوصاً مفكرة نصبغ البيت أصفر أو بيج غامج
و هل من رأيكم نحط حماية للنوافذ العلوية و السفلة؟
و بخصوص شبك الحشرات يكون من الداخل أو من الخارج؟
آرائكم ؟
همتي همة الملوك و نفسي ... نفس حرٍ ترى المذلة كفرا
أفضل أنواع الزجاج للنوافذ بنسبة لي الزجاج العاكس المزدوج لليل ونهار
اوافضل النوافذ اليو بي في سي عازل للحرارة وكاتم الصوت وما يدخل غبار
والله يوفقكم.
على حد علمي شبك الحشرات من داخل علشان مايصفر و يتغير لونه و يتعرض لعوامل الجو
مثل ماقالوا الاخوان والشبك يكون داخل ضروري عشان يكون على طول نظيف ونستفيد منه
بخصوص الحمايه حطوا بس للدرايش بالدور الارضي اللي فوق ماله داعي الا اذا عندج اطفال و تخافين عليهم يغامرون و يطبون من فوق ^_^ في هالحاله حطي في الكل
من الافضل تاخذين الفلوس من المقاول وانتي تركبين وتختارين الدرايش بنفسج ،لان المقاول اكيد بيلعب بالسعر ، والدرايش على حسب السعر يفقرق اذا دبل جلاس او سنجل اجلاس ، وبالنسبه للون الفريم كذلك ، اما بالنسبه للون الزجاج مايفرق بالسعررر عااادي ، بالتوفيق انشاءالله
انتي سألتي عن نوعية الزجاج !!
السماكه: المنتشره و المناسبه للبيوت هي سماكة الــ ٦ ملي ،،
الصناعة: المنتشره في قطر و عند جميع الشركات هي صناعه صينيه رخيصه لكن تقديرن تطلبين او تستبدلين بالصناعه البلجيكيه و فارق السعر بين الصينيه و البلجيكيه بحد اقصى تقريبا ٥٠ ريال في المتر المربع ،،
الالوان: حسب اختيارج للالوان ،، ( تبيه: العاكس او اللون في الصناعه الصينيه ما تدوم كثير و عكس الصناعه البلجيكيه ) ..
النوعية: الزجاج المعالج بالحراره اغلى بـ ١٠ ريالات من العاديه و هذه تسمى تمبرت و من خصائصه اذا الزجاج انكسر راح يستوي هش مثل زجاج السياره ،، طبعاً بعد اختيارج للزجاج و تطلبين من المحل بأن يعالجون لج الزجاج بالحراره و ما ياخذ وقت و سعره مناسب و نسبة الامان فيه اكبر ،،،
العازل ( Glaze ) : الافضل تختارين دبل جليز ،، بمعني دبل عازل ،، يعني كل فريم من الشباك يحتوى على طبقتين من الزجاج و مابين الزجاج و الثاني تكون في مسافه مفرغه من الهواء بسماكه ١٠ ملي ،، يعني زجاج ٦ ملي + هواء مفروغ ١٠ ملي + زجاج ٦ ملي ،،،
تنبيه : جميع الزباين اللي يشترون سواء من شركات الالمنيوم او اليو بي في سي ،، البايع ما يذكر للمشتري بأن الزجاج صيني و الخ ،، لان الفايده بالنسبه له في الصناعه الصينه اكثر من البلجيكيه ،، فلذا واجب الحذر ،،
ربي يوفقج و يوفق بقية الاعضاء ان شاءالله و اعذريني اذا سهيت و نسيت شي ،،
انا واحد من الي اشتغل اليو بي في سي ،، عندي البلجيكي هو احسن نوع والي بعده ع طول السعودي
لاكن في حتي نوع الفريم يعتمد اذا الماني اكيد غير
ضوابط المشاركة
رد مع اقتباس
