.. وبعدين مع هالأثاث .. وقطع الغيار .. والحنفيات .. والبلاط

[تحداني]

البلد صغيره ياجماعه والي يهتم بهالامور في الاغلب المواطن

وعدد الاسر ماتوقع اتجاوز 60 الف يختلف الوضع عما في الدول الي فيها كثافه سكانيه

اروح افتح مركز فيه خمسين موديل والزبائن تشتري 3 موديلات هنا المشكله التنوع والكثافه تؤثر في تنوع البضائع

صح يا اخوي البلد صغير وعدد السكان قليل مقارنته بدول اخرى
انا اليوم مو في وجه مقارنه لكن حتى هالدوله الصغيره مو قادره تغطي احتياجاتها
ولا عارفه اشلون ترضى كل الاذواق .. هاذي تعتبر كارثه .. ليت الامر يتوقف على شئ ولا على شيئين .. الا الامر تعدى حتى البراغي والمسامير

اليوم لما ابي اجهز باب خشب تيك محترم اما اروح " المفتاح .. او الدرويش .. ويجيك الباب 4 الاف الى 5 الاف " ولا تشتري شي تعبان يخترب معاك مع الماي والشمس والاستعمال
او تهاجر للرياض .. هل يعقل ..


اليوم يا اخوي الناس صارت اتغير بيوتها اكثر من اول
تلقى الواحد يمل من غرفته .. من مجلسه .. تلقى كل يوم والثاني الا واحد يبني له بيت او لعياله .. او يرمم .. يعني ما صار مثل قبل

انا ما اشوف هذا عذر ابدا


جملك الله برضاه

[تحداني]

انا هنا اتحدث عن بناء منزل كامل . . و ليس ملحق او غرفه اختي تحداني

الشحن " مضمون " و بتأمين ايضاً . .

الأدوات الصحيّه + الأرضيات + اكسسوارات الأبواب + الأثاث من الـرياض مثلاً
غير ذلك كـ ابواب الغرف و الدرابزين و الشبابيك من هنا

ما في شئ ما يبيله تعب و من سابق تجربه 10 ايام كافيّه لمعرفه اغلب المحلات . . لان مثلاً لو شخص يسألنا بقطر وين محلات الاثاث بنقول " شارع سلوى " و " شارع المطار " هـذا الاساس و غيره من محلات الادوات الصحيّه . .
هناك نفس العمليّه تقريباً سواءاً شارع الملك عبدالله للأثاث و شارع خريص للارضيات و مصانعها . .

نعم العمليّه متعبه نوعاً ما و لكن في النهايّه بيت العمر و الناس مهما كانت اذواقها تبحث عن السعر+الجوده

ماهو لازم السوق والتاجر يحط في باله ان في نسبه تبني بيت كامل
وفي ناس اتعدل ملحق او غرفتين او ثلاث
اليوم انا في مرحله تغيير كامل للغرفه .. وكمن غرفه ايضا في البيت .. يعني نتكلم عن 5 غرف

هل يعقل اروح الرياض عشان 5 غرف .. معليه ما ابي شي مميز جدا وخارق
ابي شي معقول وحلو .. تعال شوف جولتي ..

لو جينا للسيراميك .. افضل سوق سوقنا
لو جينا للبورسلان افشل سوق سوقنا

رخام محترم ايطالي ولا اسباني ما لقينا في الدوحه الا كمن محل والسعر مقارنته بباقي الدول خارق .. وليت اللون حلو الا يلوع الجبد

لو جيت للستاير ما تلقى مقابض
ما تلقى كراكيش
مو لاقين قماش

كله طلبيات

معقول ننتظر 10 ايام عشان طلبيه من الامارات وهو شنو الا مقبض
معقوله ورق جدران سعر المتر 75 ريال وليته واااو الا عادي وتلقاه برا الدوحه ابــ 45


وخذ اشياء ثانيه

بطرق لها في ردي لروح الاطلس

انا حقيقه لو قلت للوالد قوم خل انروح الرياض
ابسط شي يقول لي يبه سوي الموجود وماله داعي هالمشوار عشان 5 غرف
وكاني من يومها الى اليوم داير راسي .. كرهت اللحظه الي قررت فيها اني اغير



جملك الله برضاه

[تحداني]

,

,


مرحبا



بالفعل السوق القطري في الاثاث يواجه مشكله كبيره جدا ولا تلبي حاجه الناس
مشكله السوق القطري يفتقد الى التنوع ويفتقد الى الابداع ويفتقد الى السعر مقابل الجوده

سوق قطر مشكلته

اما بضاعه صينيه لا تلبي الذوق بضاعه مكرره في اغلب المحلات

او بضاعه مبالغ في سعرها جدا جدا جدا ولا تستحق هذا المبلغ
لذلك الناس تحتار ولا تجد ما يناسبها نهائيا من ناحيه الجوده وتوسط السعر

اعتقد الحل

السماح للشركات الخليجيه مثل محلات الاثاث في السعوديه والامارات بفتح فروع لهم بالدوحه
منها يكون تنوع اكثر واسعار مناسبه ومنها خلق ( منافسه ) بين المحلات لصالح المواطن
يعني بدل ما الناس تسافر لهم نخلي المحلات الي هناك تفتح فروع لهم في الدوحه
ونسهل عليهم الوضع الفروع هذي تشترط عدم وجود شريك قطري
واعتقد هذا من حقهم اتمنى نسهل لهم يدخلون سوق قطر ونسهل على المواطن مشقه السفر




,

,



اخوك


شموخ دائم

حياك الله يا اخوي
على فكره مجلسك وايد حلو الله يبارك لك فيه ذوق مميز

الاثاث .. هاذي قصه ثانيه مالها حل .. اما تلقى ايطالي سعره في " قطر ديزاين " ابــ 85 الف ريال ومو غرفه كامله .. اما تلقى اثاث تعبان من نابكو ولا من هالمحلات وابسعر عادي وكامل وبعد كمن سنه الا كل شي يتحرك فيه ويحتاج تغيير

او لو جيت ادور " مودرن " اما ترةح مفروشات الخليج وليته وايد حلو وسعره 18 الف بس سرير وكمدينو بدون تسريحه
او تروح ذا ون وتشتري بس سرير والباقي تروح تفصل وشوف التفصيل كم سعره
ايش هالبهدله


ولا ذوق من الاذواق عارفين التجار يمشون فيه
اليوم ادور على غرفه نوم مودرن مو لاقيه .. عفست الدوحه .. مافي محل الا دخلته
مافي موقع الا زرته
ما خليت نجار الا رحت له

لا والنجار يفاصل ويساوم بالعشرينات والثلاثينات

اخر شي عجبني كان في الدرويش وتعال شوف سعره .. 66 الف و55 الف ريال غرفه نوم


ضروري نلقى حل لهالوضع التعبان .. اما يفتحون افرع لسوق اماراتيه او سعوديه
او يبندون محلاتهم ويفكونا عشان انعرف متى نتخذ قرار تغير البيت او تجديد او بناء بيت


ايش هالحاله ..


جملك الله برضاه

[تحداني]

مع الأسف تجارنا يستوردون من الدول المجاورة (الستوكات القديمة) ويرجع يبيعها علي المستهلك على إنه آخر صيحة .


نجد رداءة الذوق و الأسعار غالية جداً لأن كل تاجر يشتري من تاجر وهذا من تاجر آخر ليصل المنتج عندنا بالسعر المبالغ فيه . من النادر أن تجد تاجر يجيب البضاعة من بلد المنشأ . الإ ما رحم ربيّ.

أعتذر رديّ على عجالة

جبتها يا اخوي على الجرح .. تعال شوف هالتجربه .. رحت اختار بورسلان لوحده من الغرف في البيت .. المهم استقرينا على شي مو لين اهناك .. بس هو حل مرضي .. رحت " رام .. ونابينا " طبعا تعال شوف السعر .. المتر بــ 75 ريال .. قلت ما يخالف ..

بعد اخترنا تفاجأنا ان " النعله " مو متوفره .. ايش هالكلام .. وين النعله .. لازم اوردر .. او تاخذون قطع من البورسلان واتروحون الطناعيه في مصنع يسوي لكم نعمله ويقطعها وتعال خذ السوالف الي تشيب الراس

المهم رضينا ابنعله ثانيه قريبه للون


رحنا الامارات .. في العيد
والله يا اخوي نفس البورسلان .. نفس الشكل .. نفس الصنع .. نفس كل شي بــ 35 ريال
يخرب بيت العدو هنا ابــ 75 واهناك بــ 35 ريال

صح سوقهم اكبر بس هنا يبالغون وااااااااااااااايد وايد وايد في الاسعار
ورق الجدران يا اخوي المتر ابــ 90 وياخذه من التاجر في الامارات بــ 40 ريال
وليته مميز الا عادي او تلقى مثل ما قلت تاجر من تاجر الين ما يوصل لنا


سوق فاشل

جملك الله برضاه

[تحداني]

فعلاً السوق القطري فقيررررر جدا فيما يخص الاثاث وملحقاته والموجود كله old fashion موضته قديمه ورايحه

الرياض والخبر افضل وأجود واحدث موضة لكن صعب لو على قولتج تجديد غرفة مثلا

انا كنت ابي اصمم لي غرفة ولفيت الدوحة بكبرها مافي اثاث يسوى كله يا دفش يا مودرن والكوالتي تعبان

وانا ابي مودرن على كلاسيك

اخر ماتعبت صممت الغرفة بنفسي رحت نجارين وطبعت تصاميم من النت ورحت لعمال الجبس والاضاءة والصبغ كل شي تعبت فيه من تصميم الخ وبالاخير طلعت بشيء خرافي ^_^

وهوم سنتر وذا ون وزارا هوم خليها لهم يشبعون فيها


ابسط شي لو تبين ارضيات مااافيه اشياء تفتح النفس وكلها قديمة

ولان الموضوع محتكر على كم شركة وعلى كم محل مافيه منافسه وعارفين ان بضاعتهم ماشية ماشية

هذا هو .. بس البلا والمصيبه يا غاليتي روح الاطلس
انا حسبالي الامور طيبه .. قمت صبغت بعد طلعه روح .. وقمت غيرت الستاير بعد عذاب ..
وغيرت الارضيات بعد عدم اقتناع .. جى وقت الاثاث انصدمت ..

رحت ادور اثاث افكر الامور طيبه الا لقيتها ام الكوارث
الغرفه صار لها شهر ونص بدون اثاث والسبب هالادواره كل يوم ..

رحت كل مكاااااااان يا روح الاطلس والله ما خليت مكان
يا سعر خيالي وايد وايد يا شي يلوع الجبد .. دخلت منتدى شبكه المهندسين تصاميم خياليه
اتفقنا مع جبس بوردنج ما ادري شسمه ما يجينا عنده الاخ قصور يجي على 5 غرف
قررت اسوي ارفف واحط عليها اضاءات واثاث .. هم مالقيت ارفف بنفسجيه
رحت اسوي عند نجار قال مدام لازم وقت

رحت افصل غرف نوم عند ريلاكس بد كله على بعضه 8 اشكال كل العايله عندهم
عطينتهم افكار من عندي تعالي شوفي السعر من جديد




شاسوي



قلت باجر بروح كمن محل اتوقع مفتوح
واذا ما لقيت عنده " مودرن " برضى بالموجود .. تبهدلت وانا على هالحال

لقيت في ذا ون بس سرير لونه بيج بس بدون اي شي لا كبت
ولا كمدينو ولا تسريحه ولا اي عله
شسالفه راسي دار
يقول هاي هو المودرن اي معليه .. بس لو رحت محل ثاني ما القى شي قريب منه
يعني اخذ سرير بيج والتسريحه خضره
يقول اي عادي هاي مودرن
روح طير احسن لك

ابي اشوف غرفتج
اذا عجبتني عطيني اياها وريحيني


جملك الله برضاه

[تحداني]

شركة i-kia قريباً في السوق القطرية ,,, وهي من أكبر الشركات العالمية المتخصصة بالمفروشات

ايكيا يا اخوي مافيه جوده .. مثله مثل هوم سنتر
انا ابي شي مرتب .. يعيش معاي .. مافيني شده كل سنتين او سنه اغير اثاث


جملك الله برضاه

[أحاول]

نحتاج للتنوع مثلا بلاد المغرب العربي فيها نقوش والوان الابواب عجيبة كذلك انواع البلاط والوان خلابه شفت في تونس مدينه خاصة بعمل الخزف وانواع البلاط اسمها مقارب لاسم لينيبال نسيت الاسم بالضبط وممكن حتى تطلب منهم اي نقش يسوونه شفت نقوش مثل نقوش فرساشي اشياء ذوق وقيمة رخيصة سالتهم هل تصدرون لدول الخليج كل الي مريت عليهم قالوا ما نخبرش بس ممكن نشحن الطلبية واطقم اواني بالفخار والخزف الملون ورخيصة ببلاش مدري ليش ما يتم التعاون مع هالبلدان والقيمة لابد ان تتابعها حماية المستهلك لان بضاعتهم بجودة عالية وثمنها معقول

[وطن]

اختي خليني اناقشج في هالنقطة

وهناك في المقابل من يريد
ان يجدد مجلسه .. او غرفه نومه .. او الشكل الخارجي لبيته .. ولكن تواجهنا مشكله ما

السوق القطري .. " سوق فاشل " بكل ما تحمله الكلمه من معنى .. في ما يتعلق بالعنوان
فاشل في الاستيراد .. فاشل في التصدير .. فاشل في الأفكار .. وفاشل حتى في المخزون

اسمحي لي انا اختلف معاج فيها

المواد موجوده
وكل شي له سعره طبعا يعتمد على الجودة
ويبي له بحث يعني مو من محل ولا 2 ولا 3 نقول مافي

من سنتين تقريبا
كنت ابي اجدد مطبخ بيتنا
درت عدد كبير من محلات المطابخ
وبالمرتين والثلاث يمكن لبعض المحلات
حتى استقريت على شي معين
وجدتته بشكل جديد مختلف تماما عن اللي كان موجود قبل
يعني صار نيوووو لوك بمعنى الكلمة

وبعدها بسنة
غيرت حمامي كامل وانتي بكرامة
وطبعا لفيت معظم محلات البلاط اللي اعرفهم واللي ما اعرفهم
ودرت لين زهقت وحسيت اني شوي وخلاص مابي اغير
كنت ادور على كوالتي ممتاز وسعر مناسب
لحد ما استقريت على محل للبلاط
ومحل للاكسسوارات
ومحل للخلاطات

وتغيّر الحمام
ولعبت بتوزيع البلاط قعدنا انا ورفيجتي وطلعنا افكار حق التوزيع وطلع الحمام وايد حلو

وبعدها اشتغلنا على المجلس
نفس الطريقة
دواره لين لقينا شي
وكل قطعة من مكان

اختي التغييرات هذي يبي لها صبر وفر على المحلات ومقارنه
وممكن تروحين للمحل مره و2 و3 لين تلاقين

والأفكار احنا نبتدعها
لا تنتظرين تشوفين افكار جديده عند حد
روحي اشتري مجلات الديكور واخذي افكار منها
من كل صورة فكرة
وطبقي بنفسج


ومن ناحية المخزون للمواد
في اشياء متوفرة
وفي اشياء طلبية
ومن اسبوعين لين 6 اسابيع
قبل لا تبتدين الشغل الفعلي
سوي الفكرة وجمعي كل المواد واللي يبي طلبيه اطلبيه
وبعدها اشتغلي عليهم

بتفق معاج لو قلتي الأيدي العاملة عندنا مب ماهرة
في هذي انا اعاني وايد
يعني على مستوى الصبغ العادي نشفوا ريجي

[ام مضاوي]

السلام عليكم ورحمة الله وبركاته

الله يعينج اختي .. اذا مالج نية اتروحين للسعودية او الامارات للاسباب اللي ذكرتيها ..و الاشيا الحلوة صح بالدوحة اسعارها ضو صراحة .. عن نفسي اثاث بيتي كله شحن من جده .. قسم بالله شفت اطقم عندهم موجوده بالدوحة نص السعر ..اللي بالسته عندهم بالثلاث واللي بالعشرة بالخمس واللي بالعشرين بالعشر والله نص السعر بالضبط ..

بس لو جينا هم بنلاقي هناك اسباب منطقية للرخص عندهم والغلا عندنا ..هناك باب المحل مايكلفهم في الشهر 3000 ريال في الشهر وهني الباب اقل شي بعشرة ..والفرق كبير ..هذا بالنسبة للمحلات العادية ..

اما هوم سنتر فتلاقينه مهجور عندهم ..ومواقفه فاضيه .. وطبعا هذا راجع لكثرة التنوع والمنافسات بين التجار مو الاحتكار مثل مايصير بالدوحة والشي اللي مفرحني ان 2012 راح يفتح ايكيا بالدوحة على طريج الشمال ..واثاثه بسيط ومودرن وراقي ..واسعاره روعه ومطااااابخه جنان ..وافكاره ولا اروع ..وتعجبني

على العموم الافكار ونوعية الصبغ او الورق وطريقة التفنن فيها واختيار الالوان المناسبه سواء في الجدران او الارضيات او الاثاث وابراز جدار معين او زاوية معينة بفكره حلوة هي اساس الديكور الناجح بغض النظر عن بساطة الاثاث او فخامته .

وطبعا امور واشيا مثل المقابض والبيبان والحنفيات وهالامور المستخدمه بشكل دايم لابد تكون من اجود الانواع مشان اتعيش واجودها يعني اغلاها .. للاسف هذا المتوفر وملزومين ان بغينا الزين ناخذه .

على العموم كان الله بالعون والله يوفقج بشي حلو يرضي ذوقج

[تحداني]

اختي خليني اناقشج في هالنقطة



اسمحي لي انا اختلف معاج فيها

المواد موجوده
وكل شي له سعره طبعا يعتمد على الجودة
ويبي له بحث يعني مو من محل ولا 2 ولا 3 نقول مافي

من سنتين تقريبا
كنت ابي اجدد مطبخ بيتنا
درت عدد كبير من محلات المطابخ
وبالمرتين والثلاث يمكن لبعض المحلات
حتى استقريت على شي معين
وجدتته بشكل جديد مختلف تماما عن اللي كان موجود قبل
يعني صار نيوووو لوك بمعنى الكلمة

وبعدها بسنة
غيرت حمامي كامل وانتي بكرامة
وطبعا لفيت معظم محلات البلاط اللي اعرفهم واللي ما اعرفهم
ودرت لين زهقت وحسيت اني شوي وخلاص مابي اغير
كنت ادور على كوالتي ممتاز وسعر مناسب
لحد ما استقريت على محل للبلاط
ومحل للاكسسوارات
ومحل للخلاطات

وتغيّر الحمام
ولعبت بتوزيع البلاط قعدنا انا ورفيجتي وطلعنا افكار حق التوزيع وطلع الحمام وايد حلو

وبعدها اشتغلنا على المجلس
نفس الطريقة
دواره لين لقينا شي
وكل قطعة من مكان

اختي التغييرات هذي يبي لها صبر وفر على المحلات ومقارنه
وممكن تروحين للمحل مره و2 و3 لين تلاقين

والأفكار احنا نبتدعها
لا تنتظرين تشوفين افكار جديده عند حد
روحي اشتري مجلات الديكور واخذي افكار منها
من كل صورة فكرة
وطبقي بنفسج


ومن ناحية المخزون للمواد
في اشياء متوفرة
وفي اشياء طلبية
ومن اسبوعين لين 6 اسابيع
قبل لا تبتدين الشغل الفعلي
سوي الفكرة وجمعي كل المواد واللي يبي طلبيه اطلبيه
وبعدها اشتغلي عليهم

بتفق معاج لو قلتي الأيدي العاملة عندنا مب ماهرة
في هذي انا اعاني وايد
يعني على مستوى الصبغ العادي نشفوا ريجي

حبيبتي وطن ما كتبت هذا كله الا بعد معاناه ما بعدها معاناه .. شنو الي متوفر هنا في الدوحه
والله مافي شي .. انتي تعالي شوفي السوق الخارجي ..

انا ما خليت محل في الدوحه الا دخلته
مافي داعوس الا مريت عليه
مافي موقع الا دخلته في الانترنت
مافي منتدى للديكور والهندسه الا شفته

ما خليت مفتاح ولا درويش ولا نابينا ولا رام ما اعرف مرام
ما خليت ذا ون .. ولا هوم سنتر ولا قطر ديزاين ولا برافو ولا الاندلس ولا اي مكان

المشكله الاكبيره الي نعاني منها مو بس الشكل .. انا بجيب لهم ذوقي مستغنيه عن ذوقهم
ماعندهم شئ في الدوحه .. " كل شي طلبيه " تخيلي كراكيش الستاير طلبيه انتي متخيله الوضع

انتي تبين ستاره محترمه من برافو او من الاندلس يقول لج طلبيه شهر من ايطاليا او دبي او الهند .. تبين اختي وطن رخام .. تحتاجين تنتظرين " شهرين "
تبين مقابض راقيه المانيه ذهبيه ما عندج الا محلين محتكرينهم وعندهم اعلى الاسعار


دورت وااااايد .. صبغ يا وطن .. انتي متخيله شنو صبغ " عندج نوع المركبالو " نوع عادي
تعالي اوردر من السعوديه .. واذا وصل الاوردور ما يجبون لج كميه


ايش هالحاله ..

حتى النجاريين .. اساليني عن اي نجار بقول لج رحت له
تخيلي خشب .. رحت محل نوح .. ومالمحل الثاني ذاك يقول لج ما عندي اللون الي تبينه انتظري 3 اشهر اشدعوه 3 اشهر

هذا حال سوقنا الفاشل التعبان
تبين شاور محترم يقول لج قيمته 32 الف ريال اتروحين ديره ثانيه والله نفس الشي بالضبط 20 او 18

كارثه والله كارثه

الي يبي يبني بيته او يرممه خل يجهز الاغراض قبلها ابسنه وبعدها يفكر يغير
قبل لا اختك الرد .. حتى الماترس حق السرير ..ابــ 8000 ريال وليته طبي
الا خرابيط

خليها على الله يا وطن .. زهقت وطفشت
ولو العمليه سهله والله اروح دبي واشحن كل شي او اروح الرياض ولا منه هالاسواق التعبانه



جملك الله برضاه