.. وبعدين مع هالأثاث .. وقطع الغيار .. والحنفيات .. والبلاط

[تحداني]

احد مداخلات اخوي خلدون
ووجدت الرد الان .. وتعلمتها بعد وقرأت واقتنعت


اختي اشوفهم مستخدمين اسمنت غامق...
ما في اي استعمال للاسمنت الابيض؟....لازم يكون في
ما راح يمتص الرخام هذا الاسمنت الغامق و يغير لونه؟ ....اكيد بمتصه

سألت الوالد قال قبل اكثر من15 سنه كانوا الناس يحطون الاسمنت الابيض .. اليوم الوضع تغير هذا النوع من الاسمنت يتم خلطه مع شي .. وهالشي عباره عن ماده .. تمنع الامتصاص .. والاملاح وغيرها .. والتغيير الي يطرأ على الرخام هذا اذا كان جوده رخام عاديه .. انا اليوم حاط رخام اسباني من النوع الجدا نقي وغالي السعر ومن شركات عريقه .. لايمكن وابدا يتغير فيه اللون .. مهما صار ومهما حصل .. والتغير العادي من مواد كيميائيه قد يحصل لكن من الاسمنت واساسياته مستحيل

كم سماكة الرمل المغسول؟ مب ظاهر عندي بس اشوف انه ما تم ازالة المونة القديمة قبل البدء بوضع الرمل المغسول بدليل بقايا المونه و التكسير فيها بالصورة عند الباب الابيض الكبير و هالشي المفروض ينشال قبل...تذكري لما قلت لكي لازم تنظيف كامل للسطح حتلا في مونه على شكل احجار او كتل كبيره ما تم ازالتها و الرمل المغسول محطوط عليها ...

هذا لانه كان اول يومين شفت الحوسه .. بس حددنا المنتصف واصر عليه الوالد
وقال ابي المنتصف بعدها قال للشركه نظفوا .. هي العمليه كانت تنظيميه ووضع بدائل ..
وهالشي ما اثر على العمل لان انشال ثالث يوم والوضع ما تم كذا فتره طويله ابدا

كم سماكة المونه اللي محطوطه فوقه و اللي تيجي فوق الرمل المغسول و تحت الرخام مباشرة؟....شايفها قليلة جدا بس 2 سم...لو 3-4 سم بيكون افضل
كم نسبة الخلط بين الرمل المغسول و الاسمنت هل هي واحد كيس اسمنت الى ثلاثه كيس رمل ...يعني ا:3 و الا اثنين كيس اسمنت الى ثلاثه كيس رمل يعني 3:2

عصب علي الوالد .. قال لي شايفتني ياهل ما افهم .. تحداني ارجوج خليني اركز في اشيا ثانيه اصعب الحين انتي جايه تسأليني 3ولا 3:2 كله منك

غالبا راح تكون 3:1 بس لو تكون 3:2 افضل و اوقوى
طبعا الاسئله اللي فوق متأكد انك ما تعرفي اجوبتها بس خذيها و اسألي و ارجعي خبريناعلشان تعرفي ايش الصح و ايش الغلط ان شاء الله


عرفت اجوبتها الحمد لله .. نجي على بعض النقاط \
تكلمتوا عن سمك الرخام وارتفاعه قلت لهم انهم قالوا لي لازم "3 " ليس انتوا مب " 3 "
قال لي يا بنت الناس ذبحتيني .. الــ" 3 " للاماكن المرتفعه .. للسلالم .. للــ ما ادري شنو
الصالات والارضيات المستويه " 2 " مافيها شي .. ووين المشكله


حقيقه والشهاده لله " الايدي الماهره في تركيب الرخام " هم " اهل بلاد الشام .. ولبنان .. وفلسطين " وفي مصريين ايضا .. هم عالم ملئ بالابداع .. كان في اعتقادي زمان ان هالشغل شغل آسيويين طلع مفهومي خطأ .. شفنا عمل خيالي لمن ركب لنا الرخام في احد الاماكن
قال ان حاز على 4 جوائز على صعيد معين
راح احاول اجيب منه نسخه .. عمل اكثر ما يقال عنه جبار




يتبع

[تحداني]

الله يعينكم عزيزتي تحداني ويوفقكم .

أما بالنسبة إلى أن الدرج ما تغير فهذا لسبب أن الرخام بعيد عن امتصاص الرطوبة من الأرضية وهذا اللي يخليه ما يتغير .

عموما الله يوفقكم وإن شاء الله راينا يطلع غلط وما يضيع تعبكم خسارة .

وبانتظار الصور اليوم إن شاء الله .

توني الحين فهمت انج تقصدين الدرج لما قريت رد اختنا وهج ....لو سمعت الكلمة كان فهمتها بس لما قريتها ما فهمتها ....قلت يمكن تقصد غرف عادية بالبيت ما فيها ماي يعني مب حمامات و انتوا بكرامة او مطابخ ....طبعا اخت وهج معاها حق بخصوص الرطوبه...ملاحظتها ذكيه جدا

الرخام الاصلي والقوي والاسباني والمركب بمهنيه عاليه لايمكن يتعرض للامتصاص مهما صار .. سواء كانت سلالم او ارضيات .. عندنا ارضيات رخام .. راح اعرضها عليكم ..
وشوفوا بعد اكثر من 15 سنه ايش صار
كما هو


صدقوني ..
الوالده ابوي علمها اشلون تنظف الرخام من زمان
ولايمكن نستخدم لها اي مواد .. ما عدى المطبخ تعرض لما قلتوا له



جملكم الله برضاه

[تحداني]

مازال المشوار طويل جدا مع هذه الصاله .. دعوه اوجهها لك شخص يريد ان يبني بيته .. فقط نظره عامه على مداخلات الاخوان والاخوات في هذه المرضوع او المواضيع المتكامله .. ضروري قبل البدء في اي شي " نقرأ .. نتصفح .. نسأل .. نشوف تجارب الغير وارائهم ووجهات نظرهم .. نلقي نظره على عالم الديكور .. "

نبحث عن بلد الرخام
موطن السيراميك
عوالم الاثاث
اصل الصبغ ومن هم الباربعين في هذا المجال

الايدي العامله واختيارهم يلعب دور كبير
اسم الشركه وعراقتها يلعب دور اكبر
فلا تاخذون الامور على عجله

في نهايه مداخلات اليوم اقول

بدأنا من لاشي .. واقتربنا تقريبا للنهايه
سنرى في القريب العاجل .. " ورق جدران .. حجر .. صبغ .. اثاث .. سجاد .. لوح .. ابجورات .. اكسسوارات .. ومفاجآت .. كونوا معي ولا تتركوني .. حتى لو عن ظهر غيب "
واتقبل اي شي منكم بصدر رحب


شكرا لكل من علمني خطوه من الخطوات .. لكل من زودني معلومه .. لكل من وثق بكلامي
لكل من تعاملت معه وتعامل معي .. شكرا للنصائح .. وشكرا بحجم هذا العمل المتعب جدا



سأعود لكم
جملكم الله جميعا برضاه

[khaldoon]

صباح الخير على الجميع
ولاخوي خلدون البشمهندس صباح الخير

طيب .. ركز معاي عشان نقدر نوصل .. انا يادوي امس قدرت اركز
وكنت معاهم في الصاله بس عشان افهم .. وعصبوا علي اشوي وانت واختي وهج السبب
بس مب مشكله


شفت الصوره الي فوق الي انت علقت عليها .. خلينا ناخذ الجزأ الي عجبك " الملون بالأخضر " هالحركه بالفعل جميله وموجوده في كل الزوايا .. الرخام يحتاج الى ايدي خفيفه .. وافكار اضافيه ..

اما الجزأ الي ما عجبج .. وما عج بومحمد ايضا وعصب امس اشوي بعدها هدى
هي بالاساس هاذي الصوره المكبره للمكان


هنا الزاويه وهي ابعيده ولاحظ الباب والاقواس



وهنا قربتها عشان تكون الصوره واضحه وتعدت اصورها ابهالطريقه لاني عارفه راح القى تعليق منك دام انهم امس تناقشوا



الان لو ركزت اشوي .. اقتربنا من حدود السلالم .. وقربنا من الاقواس في الصاله .. وجانا الباب .. وضاق المكان ..

قطعه الرخام مقاسها ذكرته في السابق " على ما اعتقد " 30 في 60 " ما اعرف " 60 في 60 " المهم .. هنا حجم الرخام تحكم في المساحه والضيق
وقالوا لو خذنا من هنا راح يصير شي اهناك.. والبورد ما اعرف ايش ..
المهم هم عرفوا ايش الي خلاهم يسون هالحركه .. فعداها لانها في نهايه الصاله
وحاولوا البشمهندسات والشباب يتفقون على شي ان لا يمكننا الا ما حصل

ننتقل للتعليقات الثانيه

اعتقد انه الرخام 60*60 و الله اعلم و جميل جدا و الف مبروك عليكم

الحمد لله اني كنت عند حسن ظنك في اني انتبهت للزواية اللي ما اعجبت الوالد الله يحفظه....صراحة ما فهمت شي من الشرح و التعليل بس مب مهم افهم... المهم انه الوالد اقتنع و قبل و هذا هو اللي نبيه و بس..فالموضوع منتهي لانه دور كان لفت النظر و هو ملتفت اصلا و منتبه الله يحفظه لكم

[khaldoon]

يا ريت لو انكم حطيتوا ديكور بأرضية الرخام بنص الصاله يطلع مثل السجادة.....بس مل مشكله

مهو هنا كان الزعل " نسيت " يا الله يا اخوي خلدون .. ركز معاي ارجوك
تكلمنا زمان عن البورد في المنتصف وقلت لك الوالده تقول ابي بورد ابورد وحركات وكذا بس الوالد رد عليها انا راح اغطيه بسجاد فليه البورد في الاساس.. واصر على ان السجاد راح يحطه راح يحطه .. راح اتشوفه في معرض السجاد من اليوم مجهز نفسه .. فالمنتصف هذا كله راح يروح .. ..

انا مب ناسي مسألة البوردر و الورد بس انا فهمت انها على البوردر مب ديكور بالنص ...على العموم حصل خير ان شاء الله

الخطوط و الدوائر الحمراء بالصوره اقصد فيهم انه هل المسافة متسواية من الجهتين و الا البوردر مب موجود في منتصف الصالة تماما و انه زايح شوي

هذا اكيد يا اخوي خلدون .. ما توصل لهالدرجه ان المسافه ما تكون متساويه
لا في هاذي الوالد راح يزعل منك وااايد واااايد .. فارجوك تنازل عنها
واكيد مب زايح .. تخيل عاد زايح ومب متساوي فضيحه ما بعدها فضيحه

اما الدائرة الخضراء فأقصد فيها التجانس بالالوان في الشكل النهائي مثل ما قلت لج قبل في المشاركة رقم 396 باللون الاحمر و الحال نفسه في الصورة السفلية:

هي الاضاءه هنا لاعبه دور في ليت فوقه محروق
فراح اعطيك صوره ان شاء الله مختلفه .. راح تقدر اتلاحظ هالشي ..

نكمل التعليقات

[خبير ديكور]

بالعكس فيه شركات ومصانع اثاث تشتغل في افخم الموديلات وارقاها
لكن المشكلة في السعر لان المشكلة الاكبر في الايجارات تتخيلون منجرة بالصناعية يكون ايجارها الشهري من 40000 الى 60000 وفيه اكثر بينما في السعودية الايجار السنوي نصف هذا الايجار
وحتى تكون المعادلة منصفة بين السوق القطري والرياض او الامارت لازم يكون فيه خطوات
منها ان تحصل كل منجرة ومصنع او معرض على اراضي او ميزة ايجارية رخيصة بعدها شوف السوق القطري
تحياتي

[تحداني]

بالعكس فيه شركات ومصانع اثاث تشتغل في افخم الموديلات وارقاها
لكن المشكلة في السعر لان المشكلة الاكبر في الايجارات تتخيلون منجرة بالصناعية يكون ايجارها الشهري من 40000 الى 60000 وفيه اكثر بينما في السعودية الايجار السنوي نصف هذا الايجار
وحتى تكون المعادلة منصفة بين السوق القطري والرياض او الامارت لازم يكون فيه خطوات
منها ان تحصل كل منجرة ومصنع او معرض على اراضي او ميزة ايجارية رخيصة بعدها شوف السوق القطري
تحياتي

معاك حق .. وهذا سبب من اسباب الاحتكار الي حاصل في قطر
لبعض المحلات ورفع الاسعار بطريقه خياليه


جملك الله برضاه

[حسن]

مشاءالله بدا يطلع شكل الرخام وباين عليه روعه تهنيتو فيه ومتابعين لين النهايه
بالتوفيق يااختي تحداني

[تحداني]

الله يسلمك يارب يا اخوي " حسن " باقي المشوار طويل
وراح ازودكم بالجديد دائما ان شاء الله



جملك الله برضاه