بعد 3 سنوات من الصدارة، الـ iPhone يخسر من منافسه اللدود !

[ام السعف]

كنت قبل كم من يوم بالسد والله العظيم الآيفون طق عليه والجالاكسي وباقي التلفونات مافي الا حبتين او ثلاثة بالمحل ولا حد يبيه وسالت كم واحد من اصحاب المحلات الكل قالوا الايفون سيطر عالسوق ومب ملحقين لا تلفونات ولا اكسسوارات ، مقابل كل 50 ايفون ينباع ينباع واحد اندرويد لا وراعي الاندرويد يجيك بعد يومين يبيعه بنص السعر يبي ايفون خخخخخخخخخخخخ

[بوعلي2]

اهم شي راحة الزبون

انا صايد السالفه عندي حاليا ايفون فور اس وعندي جلكسي نوت واضافه يوجد بالدرج سامسونج جالكسي اس ٢

وايباد

الي كتشفته كلهم شحلاتهم وشزينهم

ولكل واحد ميول

خلكم مثلي خذوا فور اس وجالكسي واحد فودافون وواحد كيوتل وريحو بالكم

وشكرا

[قيس]

غريبة ،التقنيات الموجودة في ابل سامسونج بحاجة ل 10 سنين للوصل لها خصوصاً السوفتوير المشكلة الناس تطالع الكيمرا والشاشة وهالكلام الفاضي ، شوفوا متجر التطبيقات الرهيب ومتجر آيتونز ومتجر الكتب الرائع والأفلام والآي كلاود والآيتونز ماتش اللي تقدر تحط كل اغانيك عليه وخدمة سيري غير انه تلفون شكله راقي وسوفتويره خفيف وقوي مب نفس الاندريود اللي كله يهنق واستخدامه معقد غير انه سامسونج شركة مقلدة وحرامية وكذلك الآندرويد كلهم حرامية وشغلتهم البوق من العملاق أبل ، أنا شخصياً ما يشرفني التعامل مع الحرامية.

اتفق معك

ال APPLE غير يا ناس غير

وعلى فكرة ...

ابل ذكية جدا جدا ..

عندها استراتيجية خاصة للتسويق والانتاج

ابل من اغنى شركات العالم .. وبفلوسها تقدر تصنع اكثر من 5 فئات لل ايفون .. اي باد و الاي بود .. لكن ....

الابل ما تحب تنزل منتجاتها دفعه وحدة مثل السامسونج والبلاك بيري ..

ابل شعارها

THINK DIFFERENT

يعني خلي تفكيرك مختلف عن باقي المنافسين

لا زالت ابل تملك اكبر MARKET SHARE بين مختلف شركات الصنعة للهواتف

مستخدمين ابل عندهم ولاء كبير لمنتجات وخدمات ابل

ابل تنوع في خدماتها .. تنوع وتطور وفي تطبيقاتها وبرامجها

وعلى فكرة

موقع ابل تم تصنيفه من اكثر المواقع زيارة ف 2012

بالرغم من ان اخر منتج لل ايفون كان IPHONE 4 S الا ان نسبة المبيعات كانت مرتفعه بدرجة رهيبة .. والجهاز اصلا يشبه ال I PHONE 4 .. مع الفروقات البسيطة ف السرعه و الكامرة ... بس لا زالت الناس لحد يومك هذا تشتري I PHONE 4S ؟؟

السؤال الي يسدح نفسه ؟؟ ليش ؟؟؟

بكل ثقة .. لانه ابل يا ريال

الناس تثق في ابل اكثر من ثقتها في سامسنونج واخواتها

سامسونج الحين بادي ينوع في الجوالات عشان بس يجذب العملاء من ابل .. لكن هيهات يا سامسونج وسا عم جوجل .. التفاحه في الصدارة ..

انتظروا قريبا .. التفاحة راح تفجر اكبر مفاجئة للايفون ....

بس ك استراتيحية ابل .. ما راح يتم الفصح عن جهاز الايفون الجديد الا قبل تنزيله في السوق ب ايام معدودة ..


والايام دول يا اندرويد

تحياتي

[أنا]

جالكسي اس 3 بينزل هالشهر

لو أدري كان نطرت توني شاري جالكسي اس تو من شهرين

يا اهل الجالكسي ناوي اشتري تاب جالكسي للتصفح شتنصحوني في شي جديد بينزل ولا اشتري من الموجود بالسوق

[Qatar Knight]

ابل لها عشاقها مهما كثر منافسيها ولكن يجب الا تستغل حب عشاقها بطرح نفس المنتج مع تغير بسيط في الموديلات الجديده مثل الفور اس .

وشكرا

[المبرمج صلاح]

جالكسي اس 3 بينزل هالشهر

لو أدري كان نطرت توني شاري جالكسي اس تو من شهرين

يا اهل الجالكسي ناوي اشتري تاب جالكسي للتصفح شتنصحوني في شي جديد بينزل ولا اشتري من الموجود بالسوق

اصبر شوي اعتقد بينزل تاب ويندوز 8 وبعد بينزل تاب سامسونج منافس الايباد الجديد صبرا جميلا مع اني احب الايباد الجديد