استفسار : اي احسن فندق جروفنر هاوس أو كمبرلاند .. لندن

[QTR-SOUL]

توني راد من لندن انصح بالماربل ارج وثيستل موقعه روعه تحته اكفورد وخطوتين انت في الاجوررود انا سكنت في الماريوت ماي فير حلو بس تمنيت اني حجزت في الماربل ارج
وعندك فندق ملينيوم ماي فير

[alma3ani]

اذا انت بتختار جروفنال هاوس فانا اشوف ان الماريوت بارك لين افضل منه تي الصراحه

الجروفنال حلو بس ماخذ اسم عى الفاضي

بنسبة للكامبرلان بلعكس وايد حلو الاثاث عصري والموقع روعه يعيبه الغرف صغيره بس اذا ما اعجبك الحجم تقدر اتغير انا عادي اغير الغرفه مرتين وثلاث لان في غرف اتحصلها كبيره

وعندك الملنيوم ماي فير حلو وهادي

عندك كارلتون جميرا وعندك شرتون بارك تاور والهلتون باركلين والانتركونتننتال بارك لين كلهم حلوين وبنسبة لي يعجبوني اكثر من الجروفنال هاوس

[ولد الغانم]

الكمبرلاند رحت له في 2010 و 2011 .. الصراحه اشوفه حلو وهادي ومكانه احسن مافيه

طبعاً لو الواحد بيقضي وقته فالطلعات والتمشي والوناسه والفندق بيكون حق النوم بس او قعده جدام التلفزيون قبل الرقاد .. فـ اتوقع الكمبرلاند بيكون مناسب جداً واوفر بعد

وعالعموم فنادق بريطانيا ماتفرق عن بعضها الا فـ اشياء بسيطه وفالاخير ماتسوى
رايي الكمبرلاند مناسب واهم شي انه نظيف وهادي وموقعه 100 % مثل ماقال اخوي اسير

اوافقك الراي

[هارودز]

الكمبرلاند موقعه ممتاز لكن غرف نوم عادية يفضل تسكن في راديسون ساس قريب من فندق سيرشل حياة ريجنسي وسعره في حدود 1200 ريال او اكثر حسب الموسم
اتصل راضي سفريات توريست رقمه 55848988

[Amal_QTR]

انا سكنت كمبيرلاند ولا انصح فيه بالمررررررررررررررررررره
معاملتهم زفت
و يغشونك
و غرفهم تعيسه
ادفع اكثر و اسكن في مكان ارقى وايد احسن لك

جرفنر هاوس طبعا فندق راقي
و عندك تشرشل بعد
و الماريوت


سفره سعيده

[برقان]

كيمبرلاند ومثل ماقالوا لك ثيسل ماربل آرج .. زينين من ناحية الموقع بس ، انهم في اوكسفورد

وخاصه موقع ثيسل قريب من كل شي .. الصيدليه و ماكدونلدز وعقب تقدر تكمل مشي شوي في نفس الرصيف ماتشقح شوارع ولا شي الا وانت في ايدجوار رود

بس عيبهم الاثنين انهم قديمين ومب مودرن ابد .. مع ان كيمبرلاند مجددينه من كم سنه وبعد خايس
قروفنر احسن اكيد ..

عندي تشرشل احسن .. في اوكسفورد وللحين محتفظ بجماله

ههههههههههههههههههههههه


احلى مافي الموضوع كله بعد خايس ههههههههههههههههههههههههه


اسمحلي صاحب الموضوع طلعت عن موضوعك شوي ,لازم شوي غشمره بين الاخوان واسمحلي

[برقان]

الكمبرلاند موقعه ممتاز لكن غرف نوم عادية يفضل تسكن في راديسون ساس قريب من فندق سيرشل حياة ريجنسي وسعره في حدود 1200 ريال او اكثر حسب الموسم
اتصل راضي سفريات توريست رقمه 55848988

ياسلام والله بلاش

مع اني مازرت فنادق المذكوره ولكن على حسب كلام الأخوان الاعضاء والخوات

انه فنادق ممتازه وراقيه وسعرهم باللي ذكرته انت عيل وايد وايد وايد حلو وسعره ممتاز ويعتبر بلاش مقارنه مع غيرهم

[هارودز]

ياسلام والله بلاش

مع اني مازرت فنادق المذكوره ولكن على حسب كلام الأخوان الاعضاء والخوات

انه فنادق ممتازه وراقيه وسعرهم باللي ذكرته انت عيل وايد وايد وايد حلو وسعره ممتاز ويعتبر بلاش مقارنه مع غيرهم

حسب الموسم اخوي وتأكد قبل
وفي عندك فندق هيلتون متروبول مقارب لسعر او اقل قريب من محطة ادجوار راود