ناقلات ! وديون المساكيين !

[الشراكة]

جزاك الله خير يا مرتبش نعم الواحد يرضى بنصيبة الذي قسمة الله له ولا يضع على نفسه ديون قاسيه لاترحم صغير ولا كبير وارضى بلي عندك والله يزيد الجميع على الخير والبركة .

[m_taha123]

السلام عليكم

الكل توقع حسب علمي ان ناقلات بتكون ام الذهب للبورصه

والبعض رهن ارضه للبنك والبعض رهن فلوسه وتسلف وباع علشان يشتري الناقلات !

وجات الناقلات ورتفعت رفعه قويه بدايه صدورها على الشاشه (( شاشه البورصه )) طارت بسهم اخضر لفووووووق وثاني يوم طاحت وانكسر ظهر من شراها ! وونصهم دشوا الحين في غيبوبه والبعض حارق نفسه بنار علشان الناقلات وللاسف الكل تخيل دخولها رااح يرفع من مستوى سوقنا ولكن صار العكس الصغار حط رجله وشرد والهامور اكل لما شبع ومابقى اله الباقي الناس الي تفائلت بان السوق راح يصعد وتوهقت بالي صارلها الحين !

؟؟؟ فهل من وقفه جامده تخلي الناقلات ترتفع ! ؟؟

---
المطلوب الانتظار على السهم فقط وليس التسرع بالبيع

[قطر9111]

مع احترامي للجميع البورصة ليست جمعية تعاونيه للكسب السريع وهو انك تشتري سهم ارخيص وخلال قتره بسيطه يرتفع على رغبتنا بذلك كم من يوم يرتفع وبخصوص سهم الناقلات لا توجد به خساره فانت اشتريت السهم ب 5 ريال وان بعته الان ستبيعه ب 44 ريال فكم سيكون ربحك الاخ العزيز الى متى ونحن نريد البورصه على هوانا ونقول نريده ان يرتفع لنبيع ونريده ان ينخفض لنشتري السوق ليس كما تريد او اريد السوق محتاج لانسان قلبة قوي للدخول به وللعلم فقط 2% من الذين في العالم من اصبح مليونير بسبب الاسهم وخذها نصيحه مافيه سهم اول مانزل ضرب حاجز الى 100 حتى الصناعات التي اتشوفها على الشاشه انزلت السوق ب 70 واهبطت الى 48 وبعد سنه ارتفعت فياليت من الاخوان الصبر وشوفوا نفسكم اذا كنتم قد الصبر والانتظار فانتم اهل للسوق لارتفاعه وهبوطه اما اذا كنت من النوع الذي لاتتحكم في اعصابك وبمجرد نزول السوق ومتابع بشكل يومي ويجعل ذلك حالتك النفسيه سيئه فنصيحتي لك ابتعد عن السوق وهذي نصيحتي للجميع

[كحيلان]

قطر 9111 اللي قبلنا باعو اسهمهم بين 75 و80 ريال هل تعتقد من السهوله الواحد يرضى يبيعه 44 ريال

لن نرضى الا ببيعه بين 100 و150 رياااااااااااااال يااخي هذي اسمها ناقلات راح يجي وقت تخلي سابك السعوديه في جيبها

سابك سعرها الان بين 1500 و1300 رااااااااااااااال هذا اسمه غاااااااااااااااااااااااااااااااز يعني راح يجي وقت العااااااااااااااااااااااااااااالم ما تستعمل الا الغاز

[ناصر]

قطر 9111 اللي قبلنا باعو اسهمهم بين 75 و80 ريال هل تعتقد من السهوله الواحد يرضى يبيعه 44 ريال

لن نرضى الا ببيعه بين 100 و150 رياااااااااااااال يااخي هذي اسمها ناقلات راح يجي وقت تخلي سابك السعوديه في جيبها

سابك سعرها الان بين 1500 و1300 رااااااااااااااال هذا اسمه غاااااااااااااااااااااااااااااااز يعني راح يجي وقت العااااااااااااااااااااااااااااالم ما تستعمل الا الغاز

اخوي كحيلان,

فكر بعقلك مهب بقلبك...

اذا سهم معين احتمال يحقق ربح 100% في 3 سنوات من خلال تغيير سعر السهم وسهم ثاني احتمال يحقق ربح 100% في سنة ...........اي واحد بتختار؟؟؟؟؟؟؟؟

ما ادري عنك لكن انا راح اختار السهم الثاني واستثمر فيه وفي نفس الوقت اراقب السهم الاول بانتظار فرصة ثبات السعر والشرا.....

وبعدين اللي باع على 80 هذي رزقه واللي باع على 50 خذ اللي مكتوب له....المهم الواحد ما يطمع ويرضى باللي كتبه له رب العالمين

[بن خوار]

المشكله ياجماعه ان الأنسان طماع ومايرضا بقسمة الله واي واحد باع السهم 80 ريال ولو ارتفع ثاني يوم 83 ريال وبتحصله زعلان وندمان وكاره حياته لأنه باع وماصبر يوم واحد مع انه ربحان والعكس صحيح والأنسان ما يملي عينه الا التراب........؟؟

[رحال]

السلام عليكم

اسف بس ردي قاسي شوي

ليش اللي تسلف من البنك مارجعها على طول وافتك من السلف.. طمع؟؟
واللي باع ارضه غلطان يبيع اللي في يده ويشتري هوا؟ يشتري حلم بعدد اكثر من الاسهم يعني كم سهم توقع في احلى احلامه انه يحصل؟

واللي مو عاجبه السعر الحين كم كان يتوقع السعر بيكون وقت طرح الاكتتاب.. معظم الناس توقعت 30 -40 بس يوم شافوا فورة الاسهم رفعوا توقعاتهم الى 80 وحتى 150 بعد.. يعني احلام اليقظة؟

ياخي افرض واحد تسلف من البنك نص مليون .. قول الفايدة تقريبا 25 الف وتكلفة الاسهم اللي عددها بيكون 2895 سهم 14619 ريال
ورجع الفلوس البنك وقت مارجع فائض الاكتتاب.. خسران ولا ربحان الحين؟
ربحان .. بسعر اليوم 45 ريال يكون ربحه90656 ريال ! شوي ولا الحمدلله
لو يبيع بسعر 40 ؟ ربحه 76181 ريال ؟؟
لو سعر 20 بعد ربحان 18281
سعر التعادل يكون تقريبا 14 ريال .. يعني اي شي فوق 14 مافيه اي خسارة...

المهم ان الواحد يحمد الله ويشكره ويبعد عن الحرام (الربا) ويرضى بالمقسوم

قلت اللي ابي أقوله وكفيت وفيت وأزيد على كلامك حتى على 35 ريال لو باع ربحان سبعة أضعاف
يعني يسكر السلفه ويشتري عراوي فوقهم لكن من طمع طبع أخوي !!!

[رحال]

مع احترامي للجميع البورصة ليست جمعية تعاونيه للكسب السريع وهو انك تشتري سهم ارخيص وخلال قتره بسيطه يرتفع على رغبتنا بذلك كم من يوم يرتفع وبخصوص سهم الناقلات لا توجد به خساره فانت اشتريت السهم ب 5 ريال وان بعته الان ستبيعه ب 44 ريال فكم سيكون ربحك الاخ العزيز الى متى ونحن نريد البورصه على هوانا ونقول نريده ان يرتفع لنبيع ونريده ان ينخفض لنشتري السوق ليس كما تريد او اريد السوق محتاج لانسان قلبة قوي للدخول به وللعلم فقط 2% من الذين في العالم من اصبح مليونير بسبب الاسهم وخذها نصيحه مافيه سهم اول مانزل ضرب حاجز الى 100 حتى الصناعات التي اتشوفها على الشاشه انزلت السوق ب 70 واهبطت الى 48 وبعد سنه ارتفعت فياليت من الاخوان الصبر وشوفوا نفسكم اذا كنتم قد الصبر والانتظار فانتم اهل للسوق لارتفاعه وهبوطه اما اذا كنت من النوع الذي لاتتحكم في اعصابك وبمجرد نزول السوق ومتابع بشكل يومي ويجعل ذلك حالتك النفسيه سيئه فنصيحتي لك ابتعد عن السوق وهذي نصيحتي للجميع

كلمة مساهم نشط قليلة عليك ياملك بارك الله فيك !!!

[المخلب]

اولا اشكر الكل على التعقيب الجيد


لكن لحد يظن اني متسلف وله متوهق بسلفيه واني جااي اكسر قلوبكم علشان ترفعون من سهم الناقلات

لا بالعكس انا مو ضارني شئ سواء ارتفع وله نزل الحمد لله لا تسلفنا ولا توهقنا بديون لكن كااسرين خااطري الناس المسكاين ذوله فقلت نرفع معنوياتهم على الاقل !