السلام عليكم و رحمة الله و بركاته
احاول اشتري بيت و هو بيكون للسكن الخاص ... بس اشلون اعرف اذا كان البيت بنيان صج زين و الا بنيان تجاري
الخووف اني ادفع فيه مبلغ و بالاخير اتوهق بتصليحات و مشاكل
هل في طريقة ان اتأكد ان البنيان جيد ؟
خالص الشكر
|
السلام عليكم و رحمة الله و بركاته
احاول اشتري بيت و هو بيكون للسكن الخاص ... بس اشلون اعرف اذا كان البيت بنيان صج زين و الا بنيان تجاري
الخووف اني ادفع فيه مبلغ و بالاخير اتوهق بتصليحات و مشاكل
هل في طريقة ان اتأكد ان البنيان جيد ؟
خالص الشكر
والله يا اختي الفاضله يبيلج مهندس فاهم يزور البيت و يشوف مستوى جودة العمل و التشطيبات الداخلية و الخارجية و نوع مواد التشطيب المستخدمة في البناء بحيث يفحص المبنى و لو بشكل بسيط .....زيارة واحدة تكفي
و اذا كان البيت فيه ناس يعني هل يكفي انه يشوفه من بره و الا لازم داخل غرف البيتالمشاركة الأصلية كتبت بواسطة khaldoon
شاكرة لك ردك
لازم يشوفه من بره ومن داخل البيت علشان يشوف تشطيبات الغرف من اسقف و جبس و حوائط متموجة و الا سليمة و الا فيها شقوق و مطبلة و الارضيات و مستوى تشطيبها بمختلف انواعها و الابواب الخشب و الشبابيك الالمنيوم و الحمامات و انت بكرامة و المطبخ و الدرج و كل التفاصيل الصغيرة و الكبيرة في البيت
البيت من الداخل اهم من الخارج لانج اختي بتسكنين فيه
جزاك الله خير اخي الفاضل
هل تعرف احد معين ممكن استشيره
خالص الشكر
اي مكتب استشاري ممكن تطلبين من زياره استشاريه ويطلع معاج ويكشف على البيت
خالص الشكر
ما هي المكاتب هذي - ممكن يعني شركات البناء و الا شركات الوساطة العقارية
و ممكن ترشحون لي حد
العضو شموخ دائم
اخي الفاضل شموخ دائم
دايما ما يقصر - الله يجزيه الخير
في البداية الله يوفقكم ان شاء الله
فيه اختي عدة طرق للتأكد من مدى جودة بناء البيت قبل الشراء
انا بعطيج الطريقة الي انا مقتنع انها من وجهة نظري الأسلم والأمن :
تطلبين صورة من خرائط البيت وتودينها لمكتب استشاري شاطر
حتى يتأكد من جودة التصميم في الخرائط الأنشائية والمعمارية
وخرائط الكهرباء .
بعدين تاخذين شخص مو شرط يكون من مكتب استشاري .. ممكن يكون شخص عادي
ويكون له خبرة طويلة في مواد التشطيبات وفي العقار
وتخلينه يعاين البيت بالكامل
الشي الأخير : البيت الي عمره أقل من عشر سنوات .. يعتبر بيت ( شباب )
وما طلعت فيه اثار التشرخات والتسريبات .. يعني انه منزل تم بناءة بشكل طيب
اما الاكتفاء بمعاينة المنزل من الخارج فقط فهذا التصرف شبيه جدا
بالشخص الذي ينجز صفقة لشراء مجموعة اسماك في عرض المحيط وليس البحر
بمعنى أصح .. هذي الطريقة غير مضمونة النتائج ولا أوصي بها
خليفــة
& الَلهُمَ إنَكَ عَفوٌ تُحِبُ العَفوَ فَاعْفوا عَنِيْ &
ضوابط المشاركة
رد مع اقتباس