يعطيكم العافية
شخصيا
مافهمت شي الى الان..انربشت زيادة
الله يبعد الجميع عن الطلاق واشراره
يعطيكم العافية
شخصيا
مافهمت شي الى الان..انربشت زيادة
الله يبعد الجميع عن الطلاق واشراره
اختي اكيد بيحكم لها اذا هي دومها من الصبح لين العصر وجود الخادمه ضروري عشان تربي اليهال وبعدين تمسكهم لان لازم ترتاح بعد هالدوام المتعب ..ولما تقوم ان شاء الله بعد ما ترتاح تاخذ دورها كام لمده ساعتين قبل نوم الاطفال..لو انا قاضي اكيد بحكم لها المسكينه..لان الحاضنه محتاجنه حاضنه لعيالها ..وبدفع لها بدل قعدتها هالساعتين..نفقه حاضنه..طبعا بتقولين مو الكل بقولج الاغلب يشتغلون..ويرجعون بعد رجعه اليهال من المدارس ..والمفروض القاضي لهالاشكال ما يعطيها نفقه حاضنه يخلي راتبها ماشي للخدامه لان الخدامه دورها اكبر واهم ..
اذا القانون يقول المطلق ما يشوف عياله الا في الاستشارات اذا كانو تحت ال7 سنين لمده ساعتين..ويزيدون الساعات بعدها..وين الرجل ياخذ عياله ويقضي احتياجاتهم ..اصلا وين يعرفونه ويتعودون عليه..القانون ماسح وجود الاب ودوره في السنوات الاولى خير شر وكان ماله حق ليش مب هو يصرف عليهم مب عياله مب ولي امرهم ..واذا الام بتسافر تاخذ عياله وماله شور ولا راي لان القاضي بيطلعها بكيفه بورقه من المحكمه..الاب مظلوم في هالقانون الف بالميه وكل هذي الاشياء تاثر على الاطفال وهم الضايعين في السالفه ..ونسبه المطلقين العاليه بيكون تقريبا نفسها اطفال ضايعين وجيل مفكك..لان مافي قانون يضمن لهم الاستقرار
ماعندي طبيعه انتقاميه ..لكن لما المره تعرف ان بدال ملحقها ولا بيتها بتسكن في غرفه في بيت اهلها وطليقها مب دافع لها اجار ثلث البيت هذا رادع لها ..لما تعرف ان مب ماخذه مبالغ تزيد كل سنه بحاجه وبدون حاجه مب يروح مخها لبعيد..كل اللي نبيه ما نزين للمراه الطلاق ولا يكون بالسهوله اللي صايره الحين..ولما تجي المراه على اسباب تافه تبي تتطلق عشان طلعات وسفرات ومب مدلعني ولا مب بالعته وهي عندها درزن يهال ولا فلانه وعلانه ازواجهم سوو لهم وانا لا يطردها القاضي ويقول لها تقبض بيتها مب عشانها عشان عيالها
التعديل الأخير تم بواسطة 20 دي ; 07-12-2011 الساعة 11:25 AM
اخوي اذا انت محتاج الخطه كلم الاستشارات العائليه واطلب الاستشاري عندهم ولا الكاتب في المحكمه ما يقصر وبيصف لك لستته الدعاوي اللي ترفعها على طليقها وبعد يقولك كم النفقه اللي بتحكم لها بشكل تقريبي ..لا تنسى المحكمه تاخذ ضرايب على كل دعوى تنرفع ..فخل تستفيد المحكمه وتفيد بنت خال امك..
نرجع لدور الاستشارات العائليه والقانون ونقول كل شخصين ناوين يرتبطون ببعض يينحط قانون يلزمهم بحضور دوره تثقيفيه في الاستشارات العائليه ..واكيد يجيبون استشاريين من الدول المجاوره مب من المركز..لازم فكر جديد متطور مع هالتطور اللي صاير..
للاسف مع الانفتاح دور الام وبشكل كبير معدوم وفي امهات ما تدري عن عيالها..لما ام تمشي في المجمع ومتستره وبنتها المراهقه كااشفه وفل مكياج واستغفر الله حالتها حاله نتسائل وين دور امها..احنا وصلنا لتفكك ما يعلم به الا الله ..على الاقل نعدل القانون عشان يكون عادل ونحط قوانين جديده تضمن تاسيس عائله متكامله عشان يطلع جيل فاهم وواعي..
والله المستعان
التعديل الأخير تم بواسطة 20 دي ; 07-12-2011 الساعة 11:18 AM
سألت عن دور الأم .. نفترض الام اصبح مالها دور
وين دور الأب .. ؟
والله ما يخرب المرأة الا ترديي الرجال
كل ما قالت له يالله .. قال لها هيه والله
ارد واقول البيت يحتاج له عمود عدل مب عوي
تنعرف المرأة اولا من بيئتها
وثانيا من الملجة لما الرجال يبين لها شخصيته واللي يرضى به واللي ما يرضى به
عجبها زين على زين .. ما عجبها بنات الديرة وايد
مب يترك الحبل على الغارب وعقب يقول وين دور الام ؟
والله يستر على الجميع
" أَلًأٌ وٌأِنً لِڳِلِ مَلٌڳُ حًمُى ، أَلٌأُ وٌأَنً حًمًى أُلِلًهً مّحٌأِرٌمٌهً "
وين دور الاب اللي لين الحين قايم على اسرته اتوقع اتكال الاب على الام في التربيه عشان هو يامن مستقبلهم ومع الانفتاح اللي صاير اختفى ..وهنيه يجي بعد دور الام تبلغ عن كل شي يخرج من يدها للاب مب تتستر على كل شي..الاب دوره يضبط الامور وقت انفلاتها..ما اقول ان هاي عذر له الاب المفروض دوره يكون اكبر ويكون له عين على اسرته ودور الاب من زمان يتعب ويوفر لعياله احتياجاتهم والام تقعد تربي عيالها لكن اللي صاير الحين وزادت الامور تعقيد ان المراه صارت تشتغل وتقضي 7 ساعات او اكثر خارج المنزل وشي طبيعي تتعب وترد ترتاح العصر كم ساعه يعني الحين لا اب ولا ام و ونقول احتياجات الاسره مرات تجبر الام على الخروج للعمل ..ويجي هني دور الدوله بوضع قانون لتخصيص ساعات للام العامله بعدها ترجع تربي عيالها هذا اذا الدوله مهتمه بانتاج اجيال فاهمه وواعيه ..
لكن الاب المطلق بيكون ممسوح دوره للاسف لين ما تكمل البنت ال 15 والولد 13..وبيتربون على يد امهم..فالله يعينا على الاجيال القادمه
التعديل الأخير تم بواسطة 20 دي ; 07-12-2011 الساعة 11:56 AM
استاذن منج اخت مريومه ..استمتعت بالنقاش معاج ..واختلاف الراي لا يفسد للود قضيه ..واتمنى نقاشنا يفتح بيبان مسكره ويعدل اللي مفروض يتعدل..مب لصالح الرجل ولا لصالح المراه لكن لصالح المجتمع والاجيال القادمه