حبتين كفتة و شقف واحد بخمسين ريال خافوا الله فينا ..

[ولد النصر]

السلام عليكم



..

وين حماية المستهلك عن بعض المطاعم القصابة والله حرام هالارتفاع في الاسعار اللي نشوفة ومحد راضي يوقف هالمهازل اللي تصير لو قلنا ارتفاع معقول مو مشكلة لكن لما الارتفاع يوصل لـ 70 % و 100 % المفروض مانسكت ونشوف حد يقوم بإجراءات فورية تجاة بعض من عديمي الضمير والطمع والجشع

المطعم المعني في الموضوع هو " الشاطر عباس " اللي في السد طلبت منة حبتين كفتة و شقف واحد قلت لة بكم قالي بخمسين بطلت عيني قلت لة كم قال خمسين قلت له شدعوة خمسين يقول هذة اسعارنا قلت له لو اروح مطعم كباب ثاني اقصد " طرزان او شجاع او غيرة " كان بالخمسين هذة اعشي معاي خمسة من الربع مب 3 قطع بس بخمسين شدعوة ليكون لحم غزلان وانا مادري المهم قلت له يعطيك العافية وحركت عنة

بالله عليكم هل وصل الحال في بعض المطاعم اللي توصل اسعارها بهالقيمة الكبيرة !!
وعلى حساب من المواطن المغلوب على امرة

اترك التعليق لكم

[naklan]

لا تزعل نفسك وانا اخوك غيره وهو الي خسران
والمطاعم ماليه البلد فيه مطاعم ب 20 ريال مشكل مشاوي
واربع اصياخ منوعة وعلى كيف كيفك

[العابــرQAT]

شاطر عباس توبة اخذ منة

خذيت مشاوي مشكل سيخ اللحم كل قطعة اتقول بلاطة كنة مب لحم يلوع الجبد

[النهار]

مطعم الشاطر عباس اسعاره سياحيه مثل المطاعم الي في سوق واقف

[كازانوفا]

مسكين هالمطعم ماخد مقلب بنفسه

[ابوعلي]

المشكلة اخوي ان غيرك وغيري بياخذ

والله استغرب من بعض الامكان يرفعون الأسعار والعالم تاخذ

من فترة مريت على معصرة طلبت عصير اناناس حجم كبير قالي 12 ريال فقلت له معظم الاماكن اخذ منهم ب 7 ريال رد علي هذي اسعارنا والناس ياخذون منا وفعلا كنت الاحظ عنده شباب يطلبون منهم

كنا نلوم حماية المستهلك ولكن المشكلة فينا اخوي واحنا الي نستاهل ونتحمل جشع التجار

[ابوعلي]

مسكين هالمطعم ماخد مقلب بنفسه

لو ماخذ مقلب بنفسه مارفع السعر ولكن مثل ما وضحت في الي ياخذ منهم

[عاشق الشهادة]

عليك بمشاوي مطعم السنبوك الشعبي بالعزيزية
الصحن فيه اربع اصياخ بـ 25 ريال على كيف كيفك
جرب تاكل منه مره وعطني خبر

[Amal_QTR]

قاطعوهم ترى تنفع المقاطعه

[عاشق الشهادة]

المشكلة اخوي ان غيرك وغيري بياخذ

والله استغرب من بعض الامكان يرفعون الأسعار والعالم تاخذ

من فترة مريت على معصرة طلبت عصير اناناس حجم كبير قالي 12 ريال فقلت له معظم الاماكن اخذ منهم ب 7 ريال رد علي هذي اسعارنا والناس ياخذون منا وفعلا كنت الاحظ عنده شباب يطلبون منهم

كنا نلوم حماية المستهلك ولكن المشكلة فينا اخوي واحنا الي نستاهل ونتحمل جشع التجار

والمفروض اخوي ابوعلي قبل لااطلب منه اسئل عن سعره عجبني اخذت منه شفت سعره مبالغ فيه اتركه واشوف غيره ,
ولكن فيه بعض الناس الله يهديهم يطلب بدون لايسئل وبعد ما يتفاجئ ان السعر مبالغ فيه يحرك عنه بدون لاياخذ الطلب منه وهذا الغلط يتحمله الزبون بالمقام الاول ويقدر يشتكي عليه صاحب المطعم وبياخذ حقه بالراحه .