استفسار: عااااجل مسافرين هالشهرعلى باريس

[**LADY**]

السلام عليكم ورحمة الله وبركاته
اخواني واخواتي بغيت مشورتكم
ان شاءالله احنا مسافرين هالشهر يعني ديسمبر على باريس احنا والعيال ومادري اشلون بخصوص الجو لان معاي اليهال اعمارهم الله يحفظهم 4 و 6 سنوات احنا رايحين من قبل لباريس بس هاي اول مره نسافر شهر 12 اتمنى اصحاب الخبره يعطوني رايهم لاني والله وايد احاتي اليهال والله يعطيكم العافيه

[برقان]

السلام عليكم ورحمة الله وبركاته
اخواني واخواتي بغيت مشورتكم
ان شاءالله احنا مسافرين هالشهر يعني ديسمبر على باريس احنا والعيال ومادري اشلون بخصوص الجو لان معاي اليهال اعمارهم الله يحفظهم 4 و 6 سنوات احنا رايحين من قبل لباريس بس هاي اول مره نسافر شهر 12 اتمنى اصحاب الخبره يعطوني رايهم لاني والله وايد احاتي اليهال والله يعطيكم العافيه

وعليكم السلام

تروحون وترجعون بالسلامه انشالله

اختي اللي اعرفه انه الحين عندهم برد شديد

حسب كلام الزملاء

الجو طبعا سيكون بارد الحين درجة الحرارة في باريس 4 درجات مئويه في الساعه 12:00 الظهر
(الجمله المظلله خذيته من موقع المسافرون العرب ترا)

بس اختي انتو على كل حال اخذو معاكم ملابس ثجيله شتويه لليهال على الاقل

تحسبا لأي طارئ

ترجعون بالسلامه انشالله

[محامية قطر]

طبعا أختي الفاضله الجو بارد جدا بهالوقت وسنووووو بعد وممكن تنخفض درجة الحرارة تحت الصفر
لازم تحصنين اليهال زين عن البرد - غفازات وقبعات وخصوصا حماية الأذن من البروده الشديده والمظلات في حاله السنووينغ - تتأكدين تاخذين لهم جاكيتات خاصة للسنوو
وأهم شيء تتأكدون من جودة التدفئة داخل الفنادق
أنشاءالله راح تستمتعون بالجو وبالفعاليات بهالوقت من السنه في باريس

[**LADY**]

مشكوريئن وماقصرتو. لا خلا ولاعدم. انشاءالله.

[DReaM*ANgeL]

الجو راح يكون بارد
بس الاجوا روعة
بالنسبة لي احلا وقت للسفر
تروحون وترجعون بالسلامة

[مشتاقة لقطر]

بالسلامة ان شالله

[AL-MAYSTRO]

برررررررررررررررررررررررررررررررررررررررررررررد بيكون

اخذوا حطب

[مخطط قطري]

بالعكس مب هذيك البروده الي متخلينها
اوكي بارده البس ملابس شتويه ثقيله وامشي شوي جسمك بيتاقلم مع الطقس وروح وين ماتبي
يعني ليش متخيلين اذا برد برد ماقدر اطلع حتى

[Class - Qtr]

باريس مثلجه ,,

تبي الوناسه اللحين عليك ( بشرق اسيا ) وخلك من اوربا هالفترة ماتصلح كلش

عليك ( بماليزيا .. كوالالمبور ------ تايلند ( بوكت ) ............ سنغافورا )

ماعليه وديتك شرق اسيا يعلم الله ابي لك الخير