صفحة 1 من 4 123 ... الأخيرةالأخيرة
النتائج 1 إلى 10 من 33

الموضوع: مسيرة 18 ديسمبر تعطل القادمين لمطار الدوحة

  1. #1
    عضو مميز الصورة الرمزية N7eEeS
    رقم العضوية
    2150
    تاريخ التسجيل
    Jun 2005
    المشاركات
    2,846

    مسيرة 18 ديسمبر تعطل القادمين لمطار الدوحة

    السلام عليكم ورحمة الله وبركاته ،،
    بداية انا اعارض اليوم الوطني جملة وتفصيلا لاعتبارات دينية وان شاء الله السنين الجايه يتم الغائه واستغلال الاموال المهدرة فيه في امور أهم .
    ثاني شي يوم الاحد كنت راجع من السفر تقريبا الساعه سبع بالليل اتصل على السايق جيب لي السياره عند الباب قال بابا انا يطلع من بيت خمسه ونص ولين الحين مايقدر يجي قلته ليش قال الطريق مسكر!!
    طلعت برع الا اشوف العالم متزاحمة ادور ليموزين مافي ادور تكسي مافي؟ والحل؟ انتظرت السياره بعد نص ساعه وصل! في خلال هذه اللحظات سمعة كل الدعاوي تنصب على اللي في المسيره!!
    بعض الناس قاموا يقطعون الشارع ويروحون الخط الثاني يدورون تكاسي او حتى يكلمون السواقين يجونهم برع وكل من يسحب شنطته!!
    طبعا وانت واقف برع تشوف الشارع مسكر والشباب والشابات الله يصلحهم رقص واغاني!!
    المهم جات السياره وركبنا تمينا ساعه وشوي لين وصلت قبل اشارة راس بوعبود والمسافة كلها ماتجي كيلو الحل كان بتخاذ قرار سريع بمخالفة القانون واضرب رصيف واطلع على الشارع الثاني باتجاه اشارات عبدالغني؟؟ وصلنا الاشاره الا زحمة لان الخط اللي رايح الكورنيش موقف ؟؟ بس الحمد الله ماطولنا عند الاشاره؟
    السؤال المطروح مطار الدولة الرسمي يتم تعطيله علشان مجموعة من الشباب الفاضي يعبر عن مايسميها فرحته باليوم الوطني بالرقص والمناقز بين السيارات؟ماذنب الناس اللي تعطلت مصالحهم والناس اللي جايه وخاصة أن في مؤتمر عندنا ثاني يوم والفنادق باتجاه الكورنيش ؟؟ نقطة اخيره مهمة الشوارع اللي كانت باتجاه مستشفى حمد زحمة لانها روافد للكورنيش ؟؟
    ومني لسعادة وزير الداخلية بمنع هذه المهازل بحجة اليوم الوطني و اللي يبي يعبر يروح اي عرضه ويعبر عن فرحته والبنات يسون لهم احتفالات خاصة فيهم.
    اللهم ردنا لدينك ردا جميلا




    ولا بُدَّ للمجتمع من ميلاد، ولا بُدَّ للميلاد من مَخاض، ولا بُدَّ للمَخاض من ألم، فمِن أجْلِك يا فَجْرَ الإسلام كم تَحْلُو في الدرب الآلام!

    فلا تكونوا أحدَ رجلين: رجلٍ نام في النور، وآخرَ استيقظ في الظلام


    لا..لا تَخَفْ على دين الله العظيم؛ فـ(لا يزال الله يَغرِس في هذا الدين غَرْساً يَسْتَعْمِلُهم في طاعته) ، وخَفْ على نفسك أَمِنَ الغَرْس أنت أم لا؟!

  2. #2
    عضو مؤسس الصورة الرمزية البحار00
    رقم العضوية
    24943
    تاريخ التسجيل
    Apr 2009
    الدولة
    بوسط البحر
    المشاركات
    2,572
    لاتشره على شله شباب وبنات فاضييين

    يسوون هالشيء من فراغ في عقولهم

    الا اشرة على الداخليه الي مخلية الامور توصل لين هالحد

  3. #3
    عضو نشط
    رقم العضوية
    20423
    تاريخ التسجيل
    May 2008
    المشاركات
    718
    والشرهه على المرور والخرجي اللي سكروا الشوارع وسببوا الزحمة. لو الشوارع مفتوحه كان ما صار اللي صار

  4. #4
    عضو مؤسس
    رقم العضوية
    26662
    تاريخ التسجيل
    Jul 2009
    المشاركات
    698
    لا نرى مثل هذه الأمور تحدث في الدول الغربية التي نطمح أن نصل مواصيلهم في التنظيم والتطور وو
    وكل شيء زاد عن حده انقلب ضده
    ونتمنا أن تدفع هذه المبالغ التي تهدر في الزينة إلى الدول الفقيرة المحيطة بنا شرقا وغربا

  5. #5
    عضو مميز
    رقم العضوية
    36363
    تاريخ التسجيل
    Feb 2011
    المشاركات
    2,449
    احييك على ذكرك انك معارض لليوم الوطني لاعتبارات دينيه .. اعتقد انك اول عضو في منتدى الاسهم قال رأيه بكل شجاعه دون نفاق ..

  6. #6
    عضو فعال الصورة الرمزية بوحارب
    رقم العضوية
    14172
    تاريخ التسجيل
    May 2007
    الدولة
    الشارع ،،،!!!
    المشاركات
    67,476
    والله يارييييييييت لو يتم الغاء المسيرة في اليوم الوطني

    اشدخل المسيرة اصلا ؟؟؟؟؟


    يازين الرجال وهو مرتز بين جماعته وربعه في العرضة على الأقل اهون من الدوارة في السيارة مثل الأهبل !!

    ولا الحريم اللي ماعندهم رجال يربضونهم في البيوت صياعة لين اخر الليل


    اللهم لك الحمد كما ينبغي لجلال وجهك وعظيم سلطانك

  7. #7
    عضو مؤسس الصورة الرمزية hamoor4ever
    رقم العضوية
    3617
    تاريخ التسجيل
    Sep 2005
    المشاركات
    5,376
    اهم شي ان السياره وصلتك بعد نص ساعه يعني مافيه تاخير عليك ، بعدين انت تدري اخوي انه يوم وطني والناس اللي رايحه تشوف العروض واللي رايح يشوف الالعاب الناريه مع عياله ، خل الناس تستانس والفئه اللي اعفست الكورنيش كان مفروض يوقفونهم عند حدهم بس لكن الغاء الاحتفالات كلها علشان اللي بالمطار ماعتقد ان هاذه حل اذا كان هناك 1000 تضايقو من الزحمه فهناك اضعاف اضعاف اضعافهم كانو مستانسين

  8. #8
    عضو مميز الصورة الرمزية Anas_G
    رقم العضوية
    37814
    تاريخ التسجيل
    May 2011
    المشاركات
    1,974
    انا اقول يشوفون مكان ثاني غير الكورنيش الكورنيش اهم طريق في قطر اذا عندهم عطلة في ناس عندها دوام .. امام تلفيزيون الجزيرة المسيرة ومسكرين كل الشوارع ضيوف القناة المذيعين الموظفين شلون يوصلون هل الخرجي والداخلية ما عندهم خبر ان الناس بتتعطل علشان واحد يرش على بنت وواحد يلون سيارته المصالح تتعطل

  9. #9
    عضو نشط
    رقم العضوية
    10373
    تاريخ التسجيل
    Jul 2006
    المشاركات
    645
    مفروض صوب المطار مايخلون المسيره توصلهم يعني يخلون منافذ مفتوحه من والى المطار

  10. #10
    Banned
    رقم العضوية
    39461
    تاريخ التسجيل
    Aug 2011
    المشاركات
    24
    بالفعل ينبغي دراسة السلبيات وتلافيها قدر الإمكان

صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •