سفرتي الى لندن في نوفمبر ..بالتفاصيل ..

[تحداني]

يعطيج العافيه وتسلم ايدج يارب
والحمد لله على السلامه. . صور جميله ما شاء الله تبارك الرحمن
وفي انتظار البقيه بالتفصيل الممل من الصور


جملك الله برضاه

[Best Man]

الحمدلله على السلامه

بس الصراحه احلى صوره لفتت انتباهي ووقفت عندها

صوره الكنيسه الي تحولت للشقق سكنيه

مشاءالله عليهم مايتعطلون شافو الكنيسه مب قايم سوقها حولوها شقق سكنيه

[شمعة الدوحه]

بعدها رحنا سلون رود ( شارع الماركات )عشان نتغدى قريب من الهارودز .. وفيه المطعم المفضل عندي جوز



الشكل من برى مايوحي انه مطعم .. لانه محل ملابس اسمه جوزيف

بس المطعم بيكون بالطابق الارضي عند الباب اول ماتدخلون سلم ينزل تحت






اللي تابع تقريري القديم عن دبي .. هو نفسه في دبي مول وقلت لكم ان له فرع في لندن

وطلبنا نفس الطلب .. جيكن روزيتو ..( عيش ودجاج )وستيكي ديت ( كيكة التمر )

وهذي قائمة الاسعار .. حسيت انه اغلى من دبي مع اني ناسيه اسعارهم بتأكد لو سافرت دبي يوما ما ..







هذا عطر خذته من الهارودز .. قريت عنه بالنت اسمه فيزا .. عجيب صراحه .. وانصحكم فيه
أتوقع سعره 90 باوند

فتحناه وتعطرنا منه



وصل الطلب .. يم يميييي

الجيكن روزيتو



كيكة التمر .. لذيذه شوي عليها بعد




سياكل للتأجير عجبني شكلهم .. كان ودنا نجربها بس في سفره جايه ان شاء الله

الصبح نادر مانشوفهم .. لان فيه ناس ياخذونها للدوامات وعقب يرجعونها اذا خلصوا



فندق الشيراتون مرينا عليه



والله وصار لي مطعم باسمي




كملنا المشي تجاه الهايد بارك





كان في مدينة العاب يشتغلون فيها في الهايد بارك .. سألت السكيوريتي قالي تفتح تاريخ 18
قلت الحمدلله يمدي نروح لها قبل لا نرجع الدوحه





بعض السناجب يحليلهم حبيتهم











تجهيزات مدينة الالعاب ..























هذا اعلان مدينة الالعاب .. يفتح تاريخ 18-11 ويسكرون 3-1- 2012

اللي بيروح اللحين بيلحق عليها



السنجاب يبغيني اخذ له صوره وهو مرتز









واخيرا قربنا نوصل الفندق .. في هالشارع



من تعب المشي خلاص طفينا .. وقعدنا بالغرفه

خذنا فطيرة لوزين بالجبن وكرك ورقدنا بدري




وانتهى اليوم الثاني كان بتاريخ 16 - 11

ويتبع اليوم الثالث فانتظروني

[حالي الذوق]

الحمد لله على السلامه اختي

وما شا الله تقرير ممتاز وابدعتي فيه

ننتظر المزيد من الصور

[شمعة الدوحه]

اليوم الثالث .. تاريخ 17_ 11

قعدنا بدري ونزلنا الوفيه نتريق

الشاهي حقهم حلو بس انا فضلت انزل حليب بوقوس وليبتون

وهالمره طلبت بيض عيون .. مايكون موجود بالبوفيه .. بس بالطلب من البنات اللي موجودين .. يجيبونه من المطبخ



عقبها طلعنا رايحين لشارع العرب .. نبغي نروح لمتحف مدام توسو








محطة قطارات وكانت زحمه الناس رايحين لدواماتهم .. دخلناها فضول بس ..

كان ودي اجربها واستخدم الباصات .. بس ماعرف لها .. وماحب الانتظار .. التكاسي احسن بس غاليه .. كنا نحاول نمشي قد مانقدر واذا تعبنا خذنا تاكسي .. والمشي عندهم متعه




مرينا الحلاق عشان اخوي .. لو في الدوحه كانت اعلوم





ماركس وسبنسر



جامعه



كان معنا خريطه فيها المعالم السياحيه شريتها من محطة القطارات .. وفيه شرطيين ماقصروا ساعدونا .. ودلونا المتحف

وأخيرا .. متحف مدام توسو ( الشمع )



التذكره ماتذكر بكم .. يمقن 25 ويمقن 35 للشخص .. نسيت

بعض الصور




الملك والملكه



صدام حسين



هتلر



ياسر عرفات



اوباما




المتحف فيه مراحل .. رؤساء وفنانين وممثلين .. حسيت اني داخله متاهات

في البدايه استمتعت .. عقب دخلنا ممر رعب .. فيه شباب يطلعون فجأه وشكلهم يروع والمكان مظلم

بعدها ركبنا قطار صغير نفس التاكسي وخذنا في جوله

بعدها سينما بس انا كنسلت قلت لهم ابي اطلع حسيت نفسي اختنقت

ابي اشم هوى

السيكوريتي قالي تابعيه ترى حلو وجديد ومن ضمن التذكره قلت مابغي



يتبع ...

[شمعة الدوحه]

فيه صور نسيت احط اسمي عليهم .. فكسل مني حطيته على اللي حسيت انهم يستاهلون اني احفظ حقوقهم

[بوحارب]

لين اهني التقرير ممتاااااز

في انتظار التكلمة

والحمدلله على السلامة شمعه

سجلي عندج واحد متابع

[شمعة الدوحه]

تابع اليوم الثالث

بعد ماطلعنا من مدام توسو رجعنا لشارع العرب .. ولقينا المطعم الهندي مسكر



رحنا مطعم قصر النخيل عشان نتغدى



المنيوو



ورق العنب لذيذ








وبعدها تمشينا شوي وقلنا بنشرب شاي في سيدي معروف

الا صاحبنا يبي يتعرف وقعد معانا .. يقول انا معروف باليوتيوب .. وقعد يغني ناقتي ياناقتي

لا ويتكلم ابدوي عدل .. يقول : تكفى ترى تكفي تهز الرياجيل

ويعتزي بعد ههههههههه.. طبعا يبغي نصيبه قبل لايروح



بعدها توجهنا للبيكاديللي مشي

البريمارك




محل نكست

دخلته فضول عشان اقارن بين الدوحه وعندهم .. وكنت متسوقه منه قبل لاسافر .. ولقيت نفس الملابس اللي خذتها من الدوحه



مجمع السلفردج



الشارع زحمه وكله أشغال



محل ديزني



توقعوا حد يدعمكم او تدعمون حد .. انا اختنقت من الزحمه وكان ودي اطلع من المكان بكبره .. بس اخوي معاند يبغي يروح التروكديرو





كان مضيع وناسي مكانه .. وهو بنفس الشارع فخذنا تاكسي لمسافه بسيطه

وعجبني هالمحل حق الملابس ديزاينه من برى مكاين قديمه



وعجبني ديزاين القبه اللي داخلها سحابه




يتبع ..

[قطري2012]

مشكوره اختي شمعة الدوحه (نوره )على هذا التقرير الحلو
والعطر ريحته حلو

[شمعة الدوحه]

وصلنا التروكديرو






فرايديز مقابله



كنا نبغي الالعاب اللي داخل .. بس قالوا لنا مسكرين وعندهم مشاكل ماليه ..

هذي السينما فوق



الحمامات وانتوا بكرامه تحت ولازم تدفع باوند عشان تدخلها

وفيه كاميرات مراقبه .. انا معاهم في سالفة الكاميرات عشان الجرايم اللي تصير عندهم



وفيه محل تصوير عندهم ملابس تاريخيه .. عشان تصورون فيها




المهم طلعنا دام مافيه ألعاب

وهذا بيليف او نت بيليف .. مادخلناه لانه تعبنا ونبغي نرجع ... وكان بنفس الشارع




خذنا تاكسي .. وصورت مطعم مروش .. تعشينا فيه آخر ليله



هذا لوبي الفندق



صورة من الدريشه قريب المغرب



ارتحنا شوي وعقب طلعنا



رايحين للهارودز بتاكسي .. وقطعنا الشارع عشان اصور اضائته من الجهه الثانيه

فديت علم بلادي




مرينا لادوري خذت كابتشينو ومكارون







بعدين رحنا لناس من اهلنا زياره .. وبعدها رحنا الفندق والوقت كان متأخر


وانتهى اليوم الثالث ..

يتبع اليوم الرابع والاخير ..