السلام عليكم
انا متزوج وراتبي ولله الحمد ممتاز .. ومستأجر .. وابي افارق الايجار .. ابي اشتري بيت بس كاش ما عندي .. كيف آخذه بالأقساط ؟ على البنك يشتريلي والا اي جهه تمويليه بس معقوله مب تذبحني ؟؟
يا ليت تساعدوني ملييييييييييت من الايجـار
السلام عليكم
انا متزوج وراتبي ولله الحمد ممتاز .. ومستأجر .. وابي افارق الايجار .. ابي اشتري بيت بس كاش ما عندي .. كيف آخذه بالأقساط ؟ على البنك يشتريلي والا اي جهه تمويليه بس معقوله مب تذبحني ؟؟
يا ليت تساعدوني ملييييييييييت من الايجـار
إذا راتبك على المصرف كلمهم على التمويل
بس الارباح تطلع عليك مبلغ وقدره
مثال
البيت قيمته 2 مليون
تدفع 600 ألف (30 %) والباقى تقسيط على 10 سنوات
الأقساط الشهرية 17 ألف والأرباح 600 ألف
http://www.barwabank.com/banking-ser...spx?sc_lang=en
لا مافيه مبالغه كلام اخوي احمد جاسم صحيح المبالغه في قيمة الأرباح
ماعندنا تمويل حقيقي لشراء بيت او ارض عن طريق البنوك *
اخوي انا ماخذ قرض من بنك قطر الدولي الاسلامي والمبلغ بالضبط 980 الف على اساس انها سلفة اسهم
وقال لي موظف شركة الاسهم انهم يقدرون يبيعون الاسهم اللي باشتريها بالقرض ويعطوني الفلوس بنفس اليوم
والقسط الشهري 16500 ريال على 6 سنوات مع الفائده مع كل شي
والصراحه معاملتهم ممتااااااااااااااااااازه سواء البنك او شركة الاسهم الاسلاميه
والله يوفق الجميع
هذا فعلا اللي يسوونه البنك الدولي
يسموه تورق يعني هم ما يعطونك فلوس كاش...هم يعطونك ورقة موضح فيها كم المبلغ اللي تقدر تتصرف فيه و تحت سيطرتك و كأنك تملكه علشان تشتري اسهم فتروح تشتري فيها اسهم و تبيعها و تحصل على الكاش و ممكن تكسب اكثر و ممكن لا قدر الله تخسر
المصرف المركزي اصدر خلال الفترة الاخيرة تعليمات مشددة بخصوص التمويلات الشخصية و العقارية للبنوك و المصارف
٣٠٪ نسبة المقدم الموحدة في البنوك عالتمويل العقاري حسب تعليمات المركزي و عدد السنوات ١٠
و اذا تمويل شخصي بعد قللوا المدة الى ٦ سنوات ( ٧ سنوات سابقا )
في حركة يسويها البعض يأخذ تمويل شخصي ليدفع مقدم التمويل العقاري ( ٣٠٪ )
يعني صدق اخوي الله يوفقك و يعينك .. بتقعد عالحديدة كم سنة .. بس بعدها بترتاح بإذن الله
السكن و العقار بشكل عام اصبح هم الكثيرين عندنا في قطر ..
بالتوفيق.