جزاكم الله خير الاعضاء الي سبقونا في البناء والي يعرفون هالامور ابي اعرف شنهي الاوراق المطلوبه لاستخراج رخص اتمام البناء مع الخطوات بالتفصيل وجزاكم الله خير
جزاكم الله خير الاعضاء الي سبقونا في البناء والي يعرفون هالامور ابي اعرف شنهي الاوراق المطلوبه لاستخراج رخص اتمام البناء مع الخطوات بالتفصيل وجزاكم الله خير
هلا اخوي كبير المتداولين
اخوي اتروح للبلدية لتقديم طلب اتمام بناء ومعك صورة للارض والمخطط
وصورة بطاقة شخصية وصورة من رخصة البناء وبيعطونك ملف بكل ما هومطلوب
وبعد المعاينة وتكميل الطلبات تصدر ورقة اتمام البناءوبذكر بعض مما اتذكر
وهو كالاتي
صور لجميع خرائط المبنى مع السيدي للخرائط
وبيعطونك طلبات لكل الدوائر المطلوبه اعتماد موافقتها ومنها
كيوتل للتاكد من تخصيص بايب للامداد مع وضع حبل الى خارج المبنى
ومن قسم الصرف الصحي للتاكد من عمل جميع اعمال الصرف والمنهولات
وغرفة تجمع للصرف الصحي ( البيارة)
وورقة لقسم النضافة تختم لك بعد التاكد من نضافة المكان وعدم وجود مخلفات بناء
وورقة يختم عليها المقاول تعهد انه نفذ البناء على اكمل وجه ويضمن سلامة تنفيذه
وورقة يختم علها الاستشاري تعهد اشراف وانه تم بمراقبته وملاحضته
وختم مواصفات للخرسانات من شركة فحص الخرسانات
وبعد جمع جميع الاوراق المطلوبة يطلع من البلدية 3 مهندسين واحد للتاكد من المساحات
وواحد للتاكد من السور وواحد للتاكد من مطابقة الالوان للمطلوب وانها الوان فاتحه
نفس المطلوب من قبل البلدية وتدفع الرسوم اعتقد في حدود 1000 وتستلم
شهادة اتمام البناء
موفق باذن الله
اخوك/ naklan
,
,
مرحبا
يعتمد من بلديه الى بلديه بعض الفروقات بينهم من التشدد الى الاعتدال في القانون
لكن عموما تحتاج عمل فايل وتعبئه النماذج
واهم شي يكون المشروع ( البيت ) منتهي الاعمال وتقدم
1- عمل خريطه تفصيله للبيت اذا عدلت فيه كثير او تقدم نفس الخريطه
2- شهاده نتائج الاختبارات للخرسانات
3- نظافه الموقع وازاله اي مخلفات امام الموقع او حوله
4- توقيع الاستشاري
5- صوره من البطاقه الشخصيه
6- شهاده ضمان العازل
بالتوفيق لك
,
,
اخوك
شموخ دائم
التعديل الأخير تم بواسطة شموخ دائم ; 27-12-2011 الساعة 11:42 PM
وكم المدة التقديرية لإصدار الشهادة بعد إتمام كل المطلوب
شكلة الموضوع يطول
اخوي naklan وشموخ دائم
عسى ماشر وين الغيبه كلها
ويعطيكم العافيه من طول الغيبات جاب الغنايم
ياخوى حتى توقيع المقاول مطلوب واذا المقاول خلص عظم وروح لازم توقيعه ؟
هالخطوتين مع المقاول
- شهاده نتائج الاختبارات للخرسانات
- شهاده ضمان العازل
إذا إختلفت مع المقاول
كيف أحصل على إتمام بناء؟
هلا بالغالي كبير المتداولين
واحنا موجودين وفي خدمة اخوانا بما نستطيع
والموجود بيسد انا ولا الاخوان بيقومون
بالواجب وحاضرين للطيبين
اخوي المنسي البلدية تدقق في كل شي وخاصة بلدية الدوحة الي في السد
ما يفوتون شي لله والخروج من عندهم بالولادة هههههه غير المخالفات كل مخالفة
ب 5000 ريال الله ينجيك منهم المقاول ملزوم يختم الورقة لك والمطلوب الختم
عن تنفيذ العظم هو الاهم روحله هذا حق من حقوقك واذا هوبيطلع لك
شهادة الاتمام يفكك منها بحكم الخبرة افضل لك
الله يعينك اخوي احمد البلدية ما تعطيك شهادة الاتمام الى بختم المقاول
وتعهد الاستشاري وشهاده نتائج الاختبارات للخرسانات وهذي اهم مطالبهم واذا اختلفت
مع المقاول تشوف لك اي شركة مقاولات للختم بداله والله يعينك
السالفه طويله الحمد لله على كل حال وشاكر لك اخوي naklan