ارجووكم ساااعدوني ,, انا امووت مووت بطئ !!!!!!!!!

[ام حبيبتي]

السلام عليكم

اخواني واخواتي ,,, الله يشهد اني بعد ماضاقت فيني الدنياا قلت اكتب لكم عل وعسى حد يساعدني وياخذ اجري ووالله العظيم ادعيله طول العمر !!!!

انا مشكلتي المعده والالم والترجيع هالموضوع باختصار صار له سنه وانا من دكتور لين دكتور وحتى المنظار سويته ,,, والكل يقول مافيج شي ؟؟؟ شلون مافيني شي وانا اموت كل يوم الف مره من الالم والترجيع على اقل شي ؟؟؟؟

ومن امس زاد الشي وهالشي خوفني وخلاني اكتب ,,, احس بطني فيه ناار تطبخ ؟؟ حراره مب طبيعيه ..

ارجوووووووووووووووكم ساعدوني ابي افضل دكتور في العالم اي مكان وقسم بالله اي مكان ..

وادعوا لي تكفووون مع هالصلاه الحين ,,, ارجوووكم افيدوني

[مواطن صالح]

ماتشوفين شر أختي
جربتي الرقيه الشرعية ؟؟

[اناااا]

الله يشفيج ويعافيج اختي اتمنى الاعضاء يفيدونج

[شبح الصمت]

اختي الله يشفيج ويعافيج

نصيحه مني شوفي لج شيخ يقرأ عليج

اخاف مسوين لج عمل ..

لانه اعراضج احس قريبه من اعراض الناس الي مسوين لهم عمل

[شمس المغيب]

سلامتج وماعليج شر إن شاء الله

دام أنج سويتي كل هذي الفحوصات ومابين عندج شي
نصيحة روحي حق واحد من المقرئين المصرح لهم من وزارة الأوقاف
وخليه يقرا عليج
وإانتي بعد حاولي ترقين نفسج بنفسج
وماعليج شر إن شاءالله

والله يشفيج ويعافيج من كل شر

[شبح الصمت]

كنت محتفظ بارقام الرقاه جاني برودكاست

والدتنا الكريمه قبلهم كلهم /
ام محمد الهاجري / 55863647

الشيخ عمر محمد حنفي ابراهيم / 55292717
الشيخ يحيى احمد ناجي الفاتحي / 55365785
الشيخ هشام الكدش / 55316102
الشيخ نذير الخربة / 55833274
الشيخ محمد مهدي / 55867022

[العقل الحر]

اذا كان حموضه وتحسين بنار في الصدر

استخدمي ( نيكسيوم )

اكلي اول اسبوعين ( نيكسيوم 40 ) حبه مرتين في اليوم ( الحبه الثانيه بعد 12 ساعه )

وبعدها وقفي يومين اذا ماشفتي فيه تقدم بعد الاسبوعين ورجعت لك الحموضه ( حرقه الفؤاد ) وصار المرىء نار

اكلي كل يوم صباح او اول ماتقومين من النوم وقبل الاكل بنصف ساعه حبه وحده نيكسيوم 20 الى الابد


ومافيه علاج له


حتى يتم تغيير في نمط العيش وتغيير الروتين


واذا تبين تشوفين دكتور ممتاز عندنا في قطر

اخذي موعد مع الدكتور حمدي في مستوصف الجزيرة

واذا عطاك حبوب غاسك قولي له لا ابي نيكسيوم احسن

[روح الاطلس]

ممكن بالتفصيل تكتبين شنو الفحوصات اللي سويتيها والتشخيص من الاطباء؟ ووين راجعتي عند اي مستشفى؟ والحالة بدأت فجأة او تدريجية؟

[موضي قطر]

الله يشفيك اختي .. ويرفع عنك ..

مثل ماقالوا الأخوان شوفي احد يقرأ عليج .. ولازم تقرين على نفسك

[<اضرب واشرد>]

الله يشفيج اختي وماتشوفين شر

الشيخ عمر محمد حنفي ابراهيم / 55292717

توفى قبل أسابيع الله يرحمه