وحده المساعده على الانجاب في مستشفى النساء والولاده ؟؟؟

[بنت قطريه]

لا والله العدد مب بسيط واللي بي يتاكد يروح يسال كل دكتور كم حالة عنده وايش اللي يصير بالضبط

[Amal_QTR]

وصلني خبر ان مركز سدره لطب النساء و الاطفال راح يفتح قريب نهايه 2012
و في قسم كامل و متخصص لوحده مساعدة الانجاب
مستشفى النساء بقدر ما يحاولون يرقعون فيه مستشفى قديم جدا و لا يتحمل اي توسعه زياده
و املنا ان مستشفى سدره و المستشفيات اللي بتفتح قريب مثل مستشفى الوكره يكونون يقدرون يغطون التقصير اللي صاير
و في مقابله لدكتور حليمه التميمي صرحت بهالشي

[مشلاقي]

اختي في فرق بين عيادة العقم ووحدة المساعده على الانجاب فهذه عياده مستقله وتعتبر عياده مثل باقي العيادات وعدد المرضى ممكن يكون مرتفع لكن وحدة المساعده على الانجاب لو قمتي بحسبه صغيره جدا
ان كل مريضه يحتاج على الاقل نصف ساعه ان كان للسحب او الترجيع وساعات العمل الرسميه 8 ساعات مع العلم انهم لايعملون فتره مسائيه وهناك استراحه ايضا للاطباء والممرضات وهذا هو سبب بعد المواعيد

[هسلان]

وصلني خبر ان مركز سدره لطب النساء و الاطفال راح يفتح قريب نهايه 2012
و في قسم كامل و متخصص لوحده مساعدة الانجاب
مستشفى النساء بقدر ما يحاولون يرقعون فيه مستشفى قديم جدا و لا يتحمل اي توسعه زياده
و املنا ان مستشفى سدره و المستشفيات اللي بتفتح قريب مثل مستشفى الوكره يكونون يقدرون يغطون التقصير اللي صاير
و في مقابله لدكتور حليمه التميمي صرحت بهالشي

يا خوفي يكون مستشفى السدرة حق مرت بابوه وراجوه اصحاب التأمين الصحي

[Amal_QTR]

يا خوفي يكون مستشفى السدرة حق مرت بابوه وراجوه اصحاب التأمين الصحي

عاد هالتفاصيل مب واضحه
اشوه عندي تامين صحي

[بـــــــنت النوخـّــــذه]

103مشاهده ومحد رد على الموضوع غير اخوي شبح الصمت ... مشكورين على المرور لو الموضوع يخص زياده في الرواتب كان الكل شارك واهتم بالموضوع ... ومشكور أخوي شبح الصمت على ردك واهتمامك بالموضوع وجزاك الله كل خير

ليش عاد

توني منتبهه للموضوع بنتنا القطريه

صراحه انا اتمنى ما تتلايم الحالات العلاجيه بمستشفى حمد 00نبغي مستشفى خاص مثلا لعلاج العقم ومستشفى خاص لعلاج الفشل الكلوي ومستشفى خاص لعلاج القلب او العظام وكذا000الخ

مهب شرط يكون مستشفى ياخذ مساحات كبيره عادي مدينه علاجيه مثل ما خذوا مساحات كبيره لبناء المدينة التعليمية وغيرها من المنشئات الحديثه 00حلو بعد نهتم بالصحة بحيث تكون دولتنا الاولى من ضمن دول الخليج بوجود مستشفيات لكل حاله عاد اتكون مجانيه مهب بفلوس تحت سقف مستشفى حمد00

لو اتلاحظين احسن الدول لعلاج حالة العقم مثل الاردن ومصر اتحصلين لهم مستشفيات خاصه مافيها اي تكدس يعني المستشفى كامل للحاله نفسها وبجذيه لو طبقنا هالفكره بنكون خففنا الضغط على الدكاتره والممرضين وحتى المرضى والزوار 00

مستشفى حمد لعلاج حالات العقم
مستشفى حمد لعلاج حالات امراض القلب
ووووو


نحلم شورانا يمكن بيوم الحلم يصبح حقيقه

بالتوفيق للجميع

[انا حره]

الحمدلله من تركت هالعياده وانا الحمدلله مفتكه دكاتره فاشلين اولهم شحاته لعب بحسبتي 6 سنين ضاعت من عمري وانا كل يوم طالعلي مرض بسبب علاجاته وتجاربه فيني لان مافي رقابه مافي حد يشوف شلون يتم العلاج على احدث طرق العلاج سواء بالتلقيح او علاج الهرموني يوم اندمرت وطلعت لي التليفات بسبب الهرمونات شلوو يدهم من الموضوع


شكلي طلعت عن الموضوع بس قهر الحين اتابع بالعياده الخارجيه كل يوم مغيرين لي دكتور وكلهم سودانين يتفلسفون مادري هل ارواح الناس رخيصه لهالدرجه دكتور سوداني مبهدل البالطو وصخ وماله خلق يدور على الغرف ويمسك الملف ولاكانه فاهم شي وعقب يقول وشو المشكله

[لولو80]

حسبي الله ونعم الوكيل اقرا موضوعكم وقلبي يعووووووووووورني

اكره هذا المستشفى لما له من ذكريات سيئة عششت بمخي يالله متى يحسون فينا

انقهرت جدا على موضوع الابر انا تبهدلت يوم اخذتها سنين ورا بعض

يارب تسخر لنا اللي يحب قطر و اهل قطر

[الوعب]

بشوفون اللي يسركم
المواعيد بتتغير من 1-4-2012
المسائيه بتكون للقطريين فقط

ومستشفيات جديده ومنها مستشفى النساء ,, سيسلم المشروع في نهايه 2013
ومستشفى الوكره سيفتتح قريبا بكامل طاقته
ومستشفى الكوبي تم اقتتاحه امس

ان شاءالله الامور بتتيسر
فصبرا اهل قطر

[بصمة قطرية]

لي متى الشكاوي على المستشفيات و العيادات سواء الصباحية أو المسائية ..

اختي كل اللي ذكرتيه صحيح ..
جربنا المستشفيات و عانينا كثير منها ..
لا قادرين على الحكومي من الزحمة من كثرة عدد المراجعين ..
و لا المسائي اللي ما فيه مواعيد ..
و لا الخاص ما عندنا تأمين ,,

وين نروح ..؟
نتمنى يتطور حال الصحة في قطر ..
اكتفي بهالرد بصراحة راسي افتر و انا اذكر الاشياء اللي صارت لي مع المسشفى ~