وحده المساعده على الانجاب في مستشفى النساء والولاده ؟؟؟
السلام عليكم ورحمة الله وبركاته
بصراحة صار لي فترة طويله وانا اتمنى لو حد ينزل موضوع أو يتكلم عن هالوحده البسيطه اللي في مسشتفى النساء والولاده.... سمعت من اكثر من زميله وصديقه عن وحده المساعده على الانجاب ورحت بنفسي وقعدت وشفت ومااحب اتكلم عن موضوع غير قبل مااتاكد..
وحده المساعده على الانجاب واضح من اسمها ان وحده تختص بفئة معينه للمساعده على الانجاب وتخصص في التلقيح الصناعي واطفال الانابيب وبصراحة هالوحده مظلومه لدرجة محد يتصورها بالرغم من أحنا نشوف حاليا التغيير والتطوير الكبير اللي يتم في مستشفى النساء والولاده والجهد المبذول في التقدم والتوسيع إلا ان هالوحده الوحيده المنسيه اتمنى بصراحة أي جريده تطرح الموضوع وبشكل أساسي لان اللي يصير ان الوحده مب ماخذه حقها يعني قسم متخصص بموضوع هام وفي دراسة حاليا توضح ارتفاع عدد اللي يتعالجون من المواطنين والمقييمن وطبعا فئة المواطنين اكثر وتقريبا خلال 4 سنوات لو في شخص شاف هالوحده بيشوف ان ماطرى عليها اي تغيير وبالعكس الجهد المبذول يشكرون عليه من موظفات استقبال اللي عددهم موظفتين فقط وعدد من الممرضات وعدد بسيط من الاستشاريين ومنهم دكتور شحاته ودكتورة لولوة الانصاري ودكتورة مريم ودكتورة ثريا ... تخيلوا عدد المرضى والكم الهائل من المراجعين والقسم على فكرة أو الوحده تم تخصيص لها جزء بسيط جدا من مستشفى الوالاده معزول تماما عن الاقسام الثانيه في المستشفى في باب هو اللي يفصل بين القسم وباقي اقسام المستشفى ... والباب عبارة عن باب خشب يعني اللي بيشوف بيتوقع ان هالباب يمكن حق مكان ثاني غير انه يكون عياده ... ومجرد ماتدخلون القسم شي ثاني ترتيب كراسي الانتظار من خمس سنوات أو أكثر ماتغير اللي يكون نفس النظام القديم للمستشفى وعدد 4 غرف مخصصه لكل دكتور وغرفه الترا ساوند وتخيلوا عدد العمليات في اليوم اللي تتم اكثر من 400 حالة من سحب ومن ترجيع اجنه وتم تخصيص غرفه عمليه واحده فقط لا غير تتخيلون في مستشفى كبير نفس مسشتفى الولاده مافي غير غرفه عمليات وحده حق وحده مهمه بالنسبه للكثير من الناس طبعا ازدياد عدد المراجعين كان سبب في تأخير اخذ المواعيد لدرجة تمتد الفترة شهور لين الوحده تاخذ لها موعد ومن الاستفسار من المراجعين المريضه اللي توصل الساعه 6 صباحا تاخذ رقم تنتظر وماتطلع من العياده غير الساعه 2 ظهرا اذا ما تاخرت اكثر وذي حقيقه وواقع اللي يبغي يتاكد يروح يشوف ويسال ... أنا كتبت هالموضوع رغبه مني في تطوير هالوحده المميزة لان عدد اللي يتعالجون فيها زاد ومافي أي تطوير وكل اللي يشتغلون يبذلون جهد علشان يخلصون شغلهم ...
وعندي تساؤل واستفسار ليش في عيادات مسائيه لكل العيادات الخاصه بمستشفى الولاده الا وحده المساعده على الانجاب .؟؟؟؟ وين وزير الصحه من التطوير اللي تشهده بلادنا اميرنا الله يطول بعمره ماقصر ووصل البلاد للرقي وصارت قطر الاولى في كل المجالات ... ليش تهملون جزء مهم ... على فكرة الكثير يعاني بس الصمت هو الحل لان كثير يخاف يتكلم ويقول انه زار هالقسم أو هالوحده خوفا من كلام الناس وللعلم معظم الحالات يتم علاجها لضعف عند الزوج ومب الزوجه وحاليا العلاج يتم عن طريق الزوجة فقط وانا ادرى أن من فترة تم فتح عياده المسالك البوليه لعلاج حالات الضعف عند الرجال لكن للاسف في مجمعتنا بعض الرجال مايحب يعترف ان الضعف منه ولا يحب يسعى انه يعالج ولهسبب تنجبر الزوجه تتحمل العلاج والعمليه وكل شي علشان تعالج رغبه في الانجاب وانا طرحت هالموضوع رغبه والحاح ان حد من المسؤلين يوصل الموضوع لوزير الصحه ... والله الدول العربيه والاجنبيه مثل الادرن والمانيا مب احسن منا في شي ليش مايتم وضع خطه مستقبليه تتضمن تخصيص مبنى خاص للمساعده على الانجاب مثل مستشفى الامل يكون فيها كل شي يحتاجونه ترى اهل البلاد أولى بخير البلاد ويحتاجون الرعايه الصحيه المتطورة أكثر من أي حد ثاني ... وانا بصراحة احب اشكر كل موظف وموظفه في وحده المساعده على الانجاب وكل دكتور ودكتورة على الجهد اللي يبذلونه ... وربي يوفقهم انشاءالله في كل مجال ...
وحبيت اضيف للموضوع ملاحظة مهمه للاخ الفاضل شبح الصمت وهي التصليحات الججاريه حاليا في مستشفى النساء والاولاده والطوارى ومستشفى حمد ليت هالنقطة يتخذون فيها اجراء
الشوارع مكسره وعشان يعدلون فيها شهرين !!!
عشان يسوون بس تصميم لمدخل النساء والولادة 6 شهور !! اشدعوه
الشارع الي ندخل منه على الطوارئ مكسر والدوار مكسر وحالته حالة !!!
التعديل للعيادات الخارجية عشان يسوون بعد واجهه 7 شهور !!
هالاشياء يبيلها مراجعة ووقفه !!
هل لهذه الدرجة الشركات ضعيفة الي تتبنى المشاريع !!! ام اختيار شركة مش حالك حالك يمشي !!!
سيارات الاسعاف تجي تسعف الواحد في السيلين تغرز
اتمنى اني ما بالغت ولا قلت شيء خطأ
فان اصبت فمن الله وان اخطأت فمن الشيطان .
|
رد مع اقتباس
المشاركة الأصلية كتبت بواسطة بنت قطريه
