ممكن استشاره من اخواني واخواتي

[غــرشة عطــر]

السلام عليكم ورحمة الله وبركاته

عندي مبلغ 500 الف وحابه استثمرها ومعروض علي اقتراحين :

1-الدخول في شركة مقاولات قائمه شغلها ماشي بس ارباحها وسط على قد الشغل (( شركة اخوي وحاب يساعدني )) والربح والخساره مشتركه.

2- الدخول في مشروع جديد عباره عن حضانه اجنبية وبكون مع الشريك القطري بالنص لانه فيه شريك اجنبي


وانا فكرت اشتري ارض في اي مكان وعقب ابيعها بس طبعا بزيد على المبلغ اللي عندي حسب قيمة الارض

اشرايكم انا ماعندي خبره تجاريه كلش ومو حابه اغامر في شي مش مضمون على الاقل استرجع راس المال ..... شتشورون علي بالنسبه للمعروض

وجزاكم الله كل خير

[d.romance]

وعليكم السلام
انا من رأيي الدخول مع اخوكي اضمن وربح قليل قريب افضل والله يوفقك
والله اعلم

[البسطة]

اذا مشروع حضانة أجنبية ،، راجعي الخاص والله يوفقك

[المليونير الفقير]

اختي انصحج بالاستخاره

[مخطط قطري]

انا اشوف تسوين دراسة جدوى في العرضين وتحددين الخسارة وربح وبعدين معدل الشاركة مع اي كان فيهم وايش لي يناسبك بعدين حطي احنمال وجود عوائق في الاثنين يعني المبلغ مو بسيط لزم تكون تحت دراسة شاملة والله يوفقك ويسير امرك وتكونين ناجحة انشالله

[فواز1976]

انا افضل تدخلي مع اخوكي, بس عليكي تحسبي كم شغله , اذا كان المشروع حديث فعادي يكون دخله بسيط بيزيد مع الايام, واذا صار له فتره على ذا الحال عليه يغير اسلوبه بالاداره او التسويق او نوع المشاريع الي ياخذها. المقاولات فيها خير كبير بس يبي لها جهد كبير بعد.
الاستثمار بالعقار حلو بشرط انه ما يكون متضخم اصلاً , ولا اسعاره ترتفع وانتي قاعده ومتى ما توفرت قروش زياده بنيتيها واجرتيها.
اما مشروع الحضانه .... فهو على حسب دراسه الجدوى , ما اقدر انصح من غير ما اعرف الدراسه حقت المشروع.
اخيراً اذا ما لقيتي شي يناسبك لا تستعجلي ادرسي السوق اكثر وممكن تحصلي لك مشروع مره مغري...
بالتوفيق

[حازم صلاح]

مقارنة البدائل من خلال دراسة المؤشرات المالية مثل معدل العائد على الاستثمار فترة الاسترداد معدل العائد الداخلى مؤشرات السيولة مؤشرات الربحية وتحليل القوى التنافسية الخمسة اى تقومى بعمل تحليل مالى لكافة المشروعات المتاحة امامك للاستثمار فيها ثم تقومى بتقييم نتائج كل مشروع على حدة بالمشاريع المماثلة له ثم تقييم البدائل المطروحة أمامك ..... بالتوفيق

[غــرشة عطــر]

d.romance
مشكور اخوي على النصيحه وكلامك منطقي نوعا ما

البسطة

ماتقصر ..... ووصعب التواصل حاليا

المليونير الفقير

جزاك الله خير وبالفعل ماخاب من استشار


مخطط قطري

فواز1976

حازم صلاح

كلامكم عين العقل بشوف دراسة الجدوى وعقب بستخير والله يقدم اللي فيه خير وصالح مشكورين اخواني وجزاكم الله كل خير

لاخلا ولا عدم

[لما]

انصحج تشترين ارض في الحسا في المناطق اللي يتوقع ارنفاع اسعارها مستقبلا بنص المبلغ بيفيدج موقع عقارات الاحساء بقوقل
والنصف الثاني تفتحين صالون نسائي راقي تشرفين عليه بنفسج احسن من الشغل الرجالي

واستخيري قبل كل شي

[لما]

دائما نوزع البيض في اكثر من سله

حتى لاتكون الخساره كبيره