خخخخخخخخخخخ
عجيبة مواقفكم
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
هالموقف ما اقدر انســاه ..
من سنه تقريباً ..
خذت كرت تعبئة ( 100 ريال ) عشان اعبي رقمي هلا ..
جيت بعبي الكرت ما يستوي ,.
شالسالفة محاولة ثنتين ثلاث مافي فايدة ..
دافعة فيه ( 100ريال )
و تعالي يا بصمه اتصلي كيوتل ..
لو سمحت اخوي اولاً من ساعة وانا اتصل و محد يرد ..
انا ماخذه كرت و مش راضي يتعبه
تأكد من عنده قال لي في رصيد في الكرت بـ ( 100 ريال )
انزين ليش ما يتعبه ..
اتحلطم و معصبة والريال يقول لي تأكدي من الطريقــة ..
و انا مافي الا اعبي الكرت ليش ما يصير ..
قال لي اختي تأكدي غيري الجهاز و شوفي يتعبه ولا نفس الشي ..
و قال برجع اتصل عشان اتأكد عشان نعرف وين المشكلة ..
و انا مشتطة ابي اتصل ضـروري
ليش ما يتعبه
فجـــاة
راحت عيني على شي ..
ساعتين و انا قاعــدة اعبي الكرت بالغلط ..
بدل ما ادخل رقم التعبئة قاعدة ادخل الرقم اللي فوقه
قلت للريال بحاول و برجع اكلمك اذا ما صار ..
سكرت الخط و انا ميته ضحك على نفسي
والله ساعتين بالضبط
مادري ليش لحظات افهي من قلب
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
موضوع شيق الصراحه وذكرنا بطفولتنا المفعمه
اذكر يوم كنت بالروضه ابوي كان يعطينا ريالين مصروف وامي لازم تسوي لنا سندويج
وكان عندي اخت توئم كانت تقول فشيله كل يوم نودي معانا سندويج الروضه
انه احراج قدام البنات المهم فكرنا شلون انتخلص منهم وقلنا اذا قطيناه بزبالة البيت امي بتصيدنا
و كان عندنا التانكي مال الماي فى زاوية الحوش ( نظام البيوت القديمه )
قلت لها امشي معاى ونروح ونحذفهم وراه هههههههه
عاد تعودنا صرنا كل يوم نطلع بدري ونتغفلهم وتحذف وري التانكي
لين ما جات الاجازه العوده وفجاءه احتررق التانكي وقام ابوي وغيره يوم جو بيشلونه اكتشفو الكم الهائل من السندويجات وراه هههههههههه
ولا كانت امى تشكل لنا شي جبن شي بيض بس شنو جانا ظرب حزتهاااا
ملاحظه : تري التانكي ماحترق فجاءه اختى اللى اكبر منا الله يسامحها قالت لنا شرايكم انجمع
كتبنا ودفاترنا ونسوي حفره ونحرقهم عاد ما حرقناهم الا يم التانكي والله انه شب مره وحده ههههههههههههه
عاد احنا من الوهقه لين سوينا شي غلط سيده على غرفتنا ونسوي روحنا رقود بس بعد كنا ننصاد وننظرب
مرحبا ...
الموضوع ذبحني من الضحك ...
بقول لكم عن موقف مانساه كلش ..
بالصف الاول واول يوم دوام ... انا وبنت عمتي كنا بنفس الصف وتعرفنا على بنت و صارت صديقتنا 3> المهم خلص الدوام ... وجات الخدامه تاخذنا ... وخذنا صديقتنا البيت معانا ...
دخلنا بيت جدي ...انصدمت جدتي من البنت من وين جايبينها ... !! @@
وانا بكل براءه صديقتنا ...
والبنت اهلها في المدرسه يدورونها وحاله ... سوينالهم اكشن من اول يوم
(( مانضربت من جدتي الله يعطيها الصحه والعافيه ولا رجعت بيتنا اصيح ))