أذكر لما كنت صغيرة .. عمري 8 سنين
كنت انا واخوي الي اصغر مني ننطر فترة العصر لان اهلي ينامون فيها ونستغل الفرصة ونآخذ اي شي يساعدنا على تسلق الطوفة الي تفصل بيننا وبين بيت الجيران .. عشان نلعب معاهم <<قرده مب اطفال
وكل يوم على نفس الحاله .. وكل مرة نستخدم وسائل جديدة .. اخشاب, سلم , كراسي, ومرات كنا نربط ملابسنا عشان نكوّن حبل طويل ممتد من بيتنا الين بيت الجيران.. ومرات كنا نضطر نصنع اجهزة بنفسنا تساعدنا على التسلق
المهم
ومرة امي الله يحفظها صحت بدري على غير العادة وصارت تسأل اختي الي اكبر مني عنا لانها ماحصلتنا .. وتعرف منهم ان احنا ببيت الجيران
وطبعا في وقت الرده, لما قرب موعد استيقاظ الاهل رجعنا بنفس الطريقة بوسائل استخدمناها من بيت الجيران و نزلنا من الطوفة وحصلنا امي بيدها الهوز .. ويادار مادخلك شر ..
عبرت طريق ~المشـآعر~ فوجدت المئـآت {منـّي ..
.
.
حيث خطّ قلمِي المتواضِع !
شِـــفْــتَـهـــآ
.
وَحْشَـة غيـآبكـْ
.
قـِلّـي مِـتَى . .؟!
عبرت طريق ~المشـآعر~ فوجدت المئـآت {منـّي ..
.
.
حيث خطّ قلمِي المتواضِع !
شِـــفْــتَـهـــآ
.
وَحْشَـة غيـآبكـْ
.
قـِلّـي مِـتَى . .؟!
ذكريات عجيبه .. اعتقد عيال هالوقت ذكرياتهم مع الالعاب الالكترونيه او ذكريات +18
--------------
هالسالفه قديمه جدا .. يمكن من 30 سنه منصرمه
كان جدي الله يغفر له عنده زرع و الزرع كبير ولكن مقسم حسب المزروعات النخل في جهه و الخضروات و الفواكه في جهه و بين كل قسم و الثاني مسافه .. وكان فيه هلكس قديم جدا جدا جدا للاستخدام داخل المزرعه و تقريبا الكل كان يسوق خالي وكان صغير جدا بس كان يسوق داخل الزرع و كانت فيه وحده من خالاتي تسوق بعد
المهم كنت اروح مع خالي بالسياره نشغل مكينه الزرع الي لها صوت قوي تضخ الماي و كانت تشتغل بهندل كبير (الي لها سير طويل) كان تشغيلها صعب بحكم صغر سننا .. كان لازم تحرك الهندل بقوه و بعدين كان فيه عصا صغيره لازم ترفعها بسرعه .. هالعصا هي الي تشغل المكينه ،، و طبعا الخال علمني شلون اشيك على زيت المكينه
في يوم من الايام خالي ماكان موجود و كان ادق الصدر قدام الجد الله يرحمه اني اقدر اشغل المكينه و اركب مع الخاله و بديت البروسيجر صح ..
1- شيكت على الزيت و كان تشييك الزيت عباره عن مثل باب تفتحه تشوف بساتن المكينه من داخل و تشوف الزيت .
2- نفر الهندل بكل سرعه
3- شخص يساعدك و يحرك العصا و انت تسحب الهندل بسرعه .
سويت الخطوات و كانت مهمه الخاله هي الجزء السهل وهو تحريك العصا .
فريت الهندل و يوم وصلت للسرعه المطلوبه قلت لها حركي العصا .
اشتغلت المكينه بس كان فيه صوت غريب التفت ادور الخاله مالقيتها .. شفت سوداني احذاي
ههههههههه ترى نسيت اسكر الباب الي اشيك منه على الزيت و يوم اشتغلت المكينه طاش الزيت كله برى و صبغ الخاله من راسها لي رجيلها .
ههههههههه روحها رياضيه تقبلت الموقف بعد من انفجرنا من الضحك
زين الحين شلون نروح حق العالم الي هناك و جدي شنقول له ؟
هههههه ركبنا السيره و قعدنا نفكر بجديه من وين ندخل البيت عشان محد يشوفنا
الحمد لله عدت السالفه بسلام بس كل كم سنه تذكر الخاله السالفه و خذ يا استلام
التعديل الأخير تم بواسطة Aaziz ; 12-02-2012 الساعة 11:42 PM