صفحة 1 من 11 123 ... الأخيرةالأخيرة
النتائج 1 إلى 10 من 108

الموضوع: ذكريات من عبق الماضي .. بنكهة الاعضاء

  1. #1
    عضو مؤسس الصورة الرمزية بو خليفه 123
    رقم العضوية
    30501
    تاريخ التسجيل
    Jan 2010
    الدولة
    قطر
    المشاركات
    15,986

    Talking ذكريات من عبق الماضي .. بنكهة الاعضاء

    بسم الله الرحمن الرحيم













    استوقفتني احد المواضيع بالحوار العام بأستفساره عن احد السيارات التي اقتنتها تقريباً اغلب بيوت قطر , و تحديداً في احد مشاركات هذا الموضوع قريت مشاركه لأحد الاعضاء الكرام و لا شعورياً قعدت اضحك ضحك لدرجة اني حسيت اني مشارك معهم بالموقف الطريف ..


    اقتباس المشاركة الأصلية كتبت بواسطة شبح الصمت مشاهدة المشاركة
    اخبر كان عندي موتر قديم

    سيارة اسمها بوني
    المهم على سنة 1997

    المهم رايح صوب المدرسة ضارب ذيك التلثووومه وحصل رفيجي قاعد يمشيء

    ذاك الي زابر الغتره كوبرا تقووووووووووووول حاط مصطره في الوسط

    المهم وازعق عليه فلان فلان الحبيب يسوي نفسه ما يشوف

    وقوله فلالالالالالالان وقرب صوبه شافني قالي ياخي اسمح لي ما عرفتك

    قلت اي ما عرفتني مب كانه في الفريج وكل يوم مشخط قدامك الحبيب ادري فيه منحرج يركب معاااي الموتر

    قلت له حياك بوصلك

    انحرج ويركب معاي واعطيها واحد اقولكم وقسم بالله غترته طارت وراء

    قام يسبني ويدعي علي

    هههههههههههههههههههههههههههههههههههههههههههههههههه ههههاي

    هالموقف ماقدر انسااااااااااااااااااااااااااااه

    كله يقولي تخبر يوم سويت فيني الموقف البايخ





    هنا يأتي دور الالهام (الهام أخت سوسن)



    و احببت ان افتح موضوع و اتمنى ان لا يكون مكرراً لأشارككم فيه .. موضوع يتحدث عن ذكريات الاعضاء و خصوصاً الذكريات الطريفه او ذكريات تحمل نصيحه صادقه حتى تعم الفائده على الجميع ..



    الفكرة من الموضوع : لتبادل الابتسامات (من دون الخروج عن مسار الموضوع و سوف يتم حذف المشاركات الجانبيه)
    تحياتي من البلكونه

  2. #2
    عضو مؤسس الصورة الرمزية بو خليفه 123
    رقم العضوية
    30501
    تاريخ التسجيل
    Jan 2010
    الدولة
    قطر
    المشاركات
    15,986
    في احد المواقف الطريفه التي مررت بها :


    ليلة عرسي على "الاولى" يوم كنت داخل قاعة عرس الحريم و أنا امشي متجه للكوشه كان فيه واحد من البزران المفهيين يمشي خلفي و دايس على بشتي و انا امشي ولا ادري ماوعيت الا البشت مسحوب على الارض و يوم جيت الحق عليه طاح العقال و صرت بغتره و ثوب بدون عقال و بشت

    و في نفس اللحظه احدى العجايز تبي تقط النقوط جات احد الريالات الجديده على وجهي و من حدتها اجرحت عيني

    امشي للكوشه و امسح الدم من خدي

    داخل هوشه مهب عرس
    تحياتي من البلكونه

  3. #3
    عضو نشط الصورة الرمزية أخت التفاؤل
    رقم العضوية
    38940
    تاريخ التسجيل
    Jul 2011
    الدولة
    قطر
    المشاركات
    817
    ههههههههههههه تذكرت وايد مواقف في فترة معينه من عمري

    اللي ياب هالذكريات .. كنت أول خواتي الصغار اليوم مركز القرآن
    وحده منهم كان وياها دفتر عود وومقلمتها
    قلتلها .. ليش ماخذتها ؟؟ قالنلي بكتب قصة
    سألتهم في السيارة .. عمركم سمعتو عدل ؟؟
    الثنتين تمو صم بكم لين وصلنا هع
    وسبحان الله يوم رجعو .. وياهم نتيجة اختبارهم اللي كان قبل أسبوع
    راسبات
    ..
    المهم يوم رديت البيت كنت أسولف ويا اختي هع
    قلتلها ليش احنا كله نقص عليهم ونقولهم ما كنا مثلكم يوم كنا صغار
    بالعكس كنا أخس
    ..

    يوم كنا صغار تقريبا من صف ثالث لين أول اعدادي
    كنا نروح مركز قرآن يوميا .. وويانا ثنتين من رفيجاتنا وفي نفس الوقت جيرانا
    وكان الباص كل يوم يوصلنا ويرجعنا

    بالرغم اني كنت هادية في فترة طفولتي .. إلا اني سويت مصايب وقتها

    خخخخخ أنا واختي ورفيجاتنا
    كنا الرباعي المرح .. محد مزعج أكثر عنا في الباص
    نسولف ونصارخ واناقز ونتمصخر على الفراشة
    ونتأمر عالسايق

    حقيقة وايد مواقف تذكرت من هالفترة .. بخبركم عن شوي منهم

    هههههه أول ما الباص ينزلنا بيتنا .. أنا واختي ما ندخل البيت .. لا انتم نلحق الباص .. نمسكه ونراكض وراه
    هههههههههه مرة اختي طاحت وتمت تصيح صياح
    ..
    كنا في الباص اذا نزل كل البنات بيتهم
    كل وحده منا الأربع تروح تنسدح على كرسي
    تسوي روحها راقده
    واذا مر على مطب .. ننقز .. ومررات احنا الأربعه نقعد في السيت اللي ورى .. ووننقز نقز جماعي
    ..
    ماخلينا بنت إلا وتمصخرنا عليها وطلعنا كل عيوبها
    أذكر بنتين يمكن وحده بنت خال الثانية
    كنا نكرهم الثنتين .. ومطلعين عليهم ألقاب
    بس وحده منهم كانت كله اتييب حلويات من الدكان .. فتمصلحنا وياها وصارت رفيجتنا
    خخخخ بس كانت كله تخرط علينا .. أونه هم كلهم 4 في البيت .. وعندهم مادري كم وعشرين لابتوب << طبعا كان شي كبير أيامها
    والثاني كانت تييب التليفون اللاسلكي مال باربي .. وأونه صجي .. وكل ما تمصخرنا عليها سوت روحها تكلم أخوها .. لكن احنا ياجبل ما يهزك ريح
    ..
    لعبتنا المفضله انه نجتمع ونطلع وكل بنت نقولها اسم ريلج بيكون كذا
    يعني أميرة ريلها بيكون اسمه بيكون خدام .. عايشة ريلها بيكون اسمه ميت
    ماعندنا سالفة هع
    ..
    مسكينه خدامتنا قبل لا نروح نتشرط عليها تسويلنا أكل معين .. مرات بوب كورن .. مرات اذره .. ومرات ما تتعب وايد
    بس تحطلنا تانق ( بودرة عصير ) في كوب.. ونتم ناكله بصبعنا
    ونشوف من صبعها بيستوي برتقالي أكثر
    ..
    السايق حدث ولا حرج ,, كنا ربع ههههههههه
    أذكر السايق باكستاني .. كنا نحبه وايد .. لأنه طيب .. لكن كان كله يسكتنا
    وواحد ما نعرف شسمه لكن كنا نسميه يافع
    هذا كان رفيجنا .. نتم نسولف وياه ونسأل عن حياته كلها .. خخخخخ وكنا مرات نقولها ودنا الدكان
    ويوم يوقف عند الدكان الفراشه تصارخ وتعصب فتروح علينا
    أخر واحد كان سوداني اسمه.. ههههههه هذا ما كنا نحبه كلش
    وكله نتم نغني بصوت عالي ( الشامبو السوداني.. أحسن من بريطاني ) ومن هالأغاني اللي انتشرت في ذيج الفترة
    كله يصارخ علينا ويشتكي علينا عند الإدارة .. ويقول اقعدي يا بنت لهعمل فرامل أكسر صف سنانك << هالجملة ما ننساها ههههههههه
    ..
    هذا كله في الباص

    في المركز نفسه ما كنا نشاغب هالكثر .. يعني حسب الأبلة إذا نحبها أو لا
    اختي طبعا كانت فاشله بكل المقاييس .. وكانت كله نسبتها نازلة
    ..
    مرة جاتلهم مدرسة يديده .. فهي طنشتها وتمت تقصقص أوراق وتسوي سفن
    هي ورفيجتها .. ههههههه في نفس اليوم ودتها المدرسة عند المديرة
    ..
    أنا كنت شاطرة وما عندي مشاكل أثناء الحصة .. لكن في آخر سنة لي في المرككز
    درستنا مدرسة .. وكانت كله تعايرني اني فاشلة وبناتها ناجات خخخخخخ .. وكله نتهاوش ويا بناتها لأنهم يقهرونا
    ..
    طبعا كنا كل يوم عند الإدارة لأنه الفراشة مالت الباص مشتكية علينا
    طبعا مرات عقابا لنا ما يخلون الباص يمر
    وبما انه أمي وابوي كانو حريصين .. فكان أبوي أو أبو رفيجاتنا هم اللي يوصلونا
    بعد ما ناخذ تهزيئ محترم في السيارة
    ..
    مرة ما خلو الباص يمر .. هههههههه استانسنا
    الا وشوي نحصل السايق ويا الفراشة جايين فسيارة بيكب يوصلونا ههههههههه
    طبعا تمينا طول الطريج ماسكين الظحكة
    ..
    ياكثر الإنذارات والتعهدات اللي خذناها.. آخر شي افتكينا وأمي وافقت انه نطلع من المركز
    وجابتلنا مدرسة في البيت
    والحمد لله عدت الأيام على خير
    وكل ما نتذكر نتم نظحك على سخافتنا اللامتناهية ههههههههههه

  4. #4
    عضو نشط الصورة الرمزية أخت التفاؤل
    رقم العضوية
    38940
    تاريخ التسجيل
    Jul 2011
    الدولة
    قطر
    المشاركات
    817
    اقتباس المشاركة الأصلية كتبت بواسطة بو خليفه 123 مشاهدة المشاركة
    في احد المواقف الطريفه التي مررت بها :


    ليلة عرسي على "الاولى" يوم كنت داخل قاعة عرس الحريم و أنا امشي متجه للكوشه كان فيه واحد من البزران المفهيين يمشي خلفي و دايس على بشتي و انا امشي ولا ادري ماوعيت الا البشت مسحوب على الارض و يوم جيت الحق عليه طاح العقال و صرت بغتره و ثوب بدون عقال و بشت

    و في نفس اللحظه احدى العجايز تبي تقط النقوط جات احد الريالات الجديده على وجهي و من حدتها اجرحت عيني

    امشي للكوشه و امسح الدم من خدي

    داخل هوشه مهب عرس
    موضوع حلو أخوي بو خليفة هههههه
    هههههههههههه هههه موقف البشت ولا أروع
    أما الفلوس

  5. #5
    تميم المجد الصورة الرمزية شبح الصمت
    رقم العضوية
    3757
    تاريخ التسجيل
    Sep 2005
    الدولة
    Dιиια мαтιѕιωα
    المشاركات
    27,399
    اضحك الله سنك بوخليفة ..

    هههههههههههههههههاي

    اسمع هالموقف

    مره كنت انا واخوي الكبير وواحد من الربع

    عاد اخوي كان ذيك الايام عنده نيسان موديل 92 سنـة مدري 1997 او 99
    المهم وووين الي عنده نيسان واستيشن ما فوقه فووق

    المهم الحبيب مستلم راتب وقال بعزمكم

    رحنا مجمع المول المهم ..

    كاشخ اخووووووووووووي حده من النوع الي يكشخ ما يفر رقبته يمين ويسار فديت خشمه سنايدي

    المهم اهو جالس قدامي وانا ورفيجي جمب بعض

    وانا ابي افتح الكتشب امبادل ما نزل راس الكتشب الكيس على تحت لا مجبل به على وجه اخوي اقولك وفتحه وانا ضاغط على الكيس ويطشر الكتشب على ثوبه

    ويطالعني ويطالع الكتشب ويقفل صارررررررررر لونه الوان

    يقولي تدري

    هههههههههههههههههههههههههههههههههههاي

    وقسم بالله لا ترجع مشي ولا بردك البيت ..

    ههههههههههههههههههههاي

    بوخليفة ياخي من صجـه رفيجي مسكين يطالعني ويضحك قاله تدري وانت معاه تردون مشي

    هههههههههههههههههههههاي مذله في مذله

    ونتصل في واحد من ربعنا توه ماخذ له موتر

    بوووعلي

    الو ولا عليك امر تمرنا صوب المول

    التعديل الأخير تم بواسطة شبح الصمت ; 17-01-2012 الساعة 03:07 PM
    مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم

    Dιиια мαтιѕιωα

  6. #6
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    ههههههههههههههههههههههههههههههه
    حالتكم صعبه هههههههههههههه
    حاليا ماعندي مواقف ,, اذا تذكرت شي وماكانت فيها ملاغه باكتبها
    ثانكس بوخليفة واحد اتنين تلاته عالموضوع الترتووب ^ ^
    تُنسى ، كأنَّكَ لم تَكُنْ ..

  7. #7
    عضو فعال
    رقم العضوية
    22686
    تاريخ التسجيل
    Oct 2008
    المشاركات
    37,077
    موضوع جميل يابوخليفه123

    لي لعوده ان شاء الله

  8. #8
    رحمها الله تعالى الصورة الرمزية بصمة قطرية
    رقم العضوية
    29025
    تاريخ التسجيل
    Oct 2009
    المشاركات
    47,750
    مواقفكم عجيبة خخخخخخخخخخخخ
    موضوع عجيب بو خليفه 123
    لي عودة ان شاء الله ..




    الحاااال ،،
    و الأقدار ،،
    والرزق مكتوب ،،
    و ما جابته الأيام ..
    لا شك خيره ~

  9. #9
    عضو نشط الصورة الرمزية هآيدي
    رقم العضوية
    41405
    تاريخ التسجيل
    Jan 2012
    المشاركات
    667
    ههههههههههههههههههه موضوع جميل . . .

    اذا تذكرت شي بكتبه ^^

  10. #10
    عضو مؤسس الصورة الرمزية غايه الطواش
    رقم العضوية
    34713
    تاريخ التسجيل
    Oct 2010
    الدولة
    قاع البحر
    المشاركات
    10,320
    اذكر يوم كنت صغيره
    اذا ابوي تاخر امي تقولي خلي باب الصاله مردود لبوج عاد انا شاسوي.....اروح احط قوطي فاين والاسياره فوق الباب ..عشان اذا دخل ابوي يطيح على راسه ..........

    واذكر بعد يوم كنا في لندن مادري سنه كم المهم كنا في الدور الثامن مادري السابع وامي ماتخليني اطل من الدريشه مره تغافلتهم وفتحت الدريشه ووقفت برا وتجمعوا الناس واخوي يترجاني وعمي وعيال جيرانا وامي تصيح ورا الباب ورفيجتها تراشيني وتقولي بشترسلج ايسكريم من السيياره

    بعد عندي اخبر في بيتنا القديم خواني الكبار كانت عندهم هوايه الاسلكي الاجهزه والهالخرابيط عاد اذا جييت من المدرسه هم يكونون جايين من الدوام على طول اسنتر الميلس وافتح الجهاز واتلثم بالغتره واتلثم يابلفيت اني ريال واغير في موجات الجهاز ولا احيان الجهاز يصيد مكالمات بيوت ...
    واحيان اغير الموجه ماعرف هي اللوان اذا ابي داخل الدوحه احط شي واذا برا ارسال اقول احط ازرق مادري اخضر بس كنت مستمتعه بالجهاز

    وبعد شنو بعد شنو كانت عندنا شغال ماحبها فاروح المطبخ واخلط السكر بالملح واغيرهم واخلط البهارات مع بعض عشان امي تهاوشها

    وكانت اختي الي اكبر مني صوتها مبحوح لي درستني اسجل صوتها ولي خلصت اشغل المسجل واتم اعيب على صوتها

    وبعد شنو بعد شنو
    كانو بعد اخواني الكبار اذا جو يجيكون على سيايريهم لازم غايه تكون رازه الويه
    واذا جاو يعبون الرديتر ماي مادري صح اسمه والا لا يقولون لي جيبي ماي عادي وماي في مطاره كنت احط في الماي دوا والا ملح وفي شي طويل كان اخوي يسحبه يمسحه ويرد اذا شفت حد فاتح سيارته اروح اسحبه عاد شنو ذيه مادري

    علمت أن رزقي لن يأخذه غيري فطمأن قلبي
    وعلمت ان عملي لا يقوم به غيري فاشتغلت به وحدي



صفحة 1 من 11 123 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •