ماتشوف الشر .. اجر وعافيه انشالله
ماندري من وين قامت تطلع لنا هالامراض الغريبه علينا
ماعليك شر انشالله .. لاتحاتي دام تحاليلك زينه
ماتشوف الشر .. اجر وعافيه انشالله
ماندري من وين قامت تطلع لنا هالامراض الغريبه علينا
ماعليك شر انشالله .. لاتحاتي دام تحاليلك زينه
صاحبي لا يجرفك سيل الحداثهہ خل عندك ذوق وإسلوب وتعامل إستر عيوبـك وجنّـب عن ثلاثهہ ا̄ﻟنميمه ، والتشاؤم ، والمجامل
صدمتني تصدق مايبين عليك
ماتشوف شر اجر وعافيه وطهور ان شاء الله
رفيجتي المصريه كانت تقول لي اخذي عسل اسود ( ومنيل ) عجيييييييييب
جرب ماراح تخسر الا اذا كان فيك سكر هذي سالفه ثانيه
جعلك ماتشوف شر يابو حارب
تبيني اشق يدي و اعطيك دمي
بو حارب ترا مايعاتبك الا الي يحبك , و أنا لاحظت ان نوعية الاكل الي تاكلها بشكل دائم او اغلبية الوقت من معاصر ولا مطاعم و هذا الاكل مايفيد كثر مايضرك ..
انصحك انك تكثر من الالياف والتوت والجح والموز
و عليك باللحم طباخ بيت مع سلطة جرجير فوقها دبس الرمان
الكافي (شوكولاته)
و انصحك بالتعرض للشمس الدافئة .. يعني حاول بعد صلاة الفجر اتم قاعد لين الشروق و اطلع تمشى بالفريج
استمر على هذا البرنامج لمدة شهر مع مشي لمسافة 3 كيلو يومياً ان شاء الله تتحسن (حاول يكون مشي بطيء عشان اركبك ماتتعب نظراً لنقص الدم
و اذا مانفع و بغيت دم أنا بالشوفه و راسي بكبره يفداك ونا اخوك
تحياتي من البلكونه
ما عليك شر وأجر وعافيه أخوي بوحارب
ما قالك بيسويلك منظار على المعده ولا القولون لان اللي نفس حالتك لازم يسوون هالمنظاريين ...
وعليك بالرقيه وشرب ماء زمزم بنيه شفائك ان شالله ( ماء زمزم لما شرب له ) واذا تبي ماي
زمزم ولا يهمك قولي على الخاص وابشر .... واخوي عليك بالصدقه ولو بالقليل بنيه شفائك
وشفاء كل مريض والله ان لها فضل كبير .... وحبوب الحديد ضروري بس لازم تاخذها بالليل
وتكون بعد وجبه العشا بساعتين يعني ما تاكله بعدها شي واشربها مع عصير برتقال مب مع الماي وتاخذها قبل لاتنام
على طول هذا الكلام قاله دكتور لي في لندن . وما تشوف شر ان شاءالله
التعديل الأخير تم بواسطة قلم صادق ; 19-01-2012 الساعة 09:50 AM
الحمدلله على كل حال
مشكورة اختي والشر ماييج
الرجل في العادة مايبين للناس انه مريض
وايد انصحوني في العسل بس ماستسيغه لكن اخذ اشيا ثانية مفيده ومانفع معاي بعد
الشر ماييج شمس والحمدلله مافيني سكر
نقل الدم كان اخر علاج
وقبله كنت اخذ حبوب الحديد وبرنامج غذائي صحي ولا فيه فايده !!!!!!!
انتي كم وصل دمج ولين كم ارتفع ؟
والشر ماييج اختي دانه
اللهم لك الحمد كما ينبغي لجلال وجهك وعظيم سلطانك
مرحبا بوخليفة
اول شي جعلك تسلم وماتقصر يالذيب ورحم الله والديك
مالك حل الصراحة عليك برنامج ولا برنامج الدكاتره ههههه
ابشرك اكل المطاعم كنسلته ويمكن اتعشا مرة وحده في الأسبوع برع البيت بس مب نفس قبل ادمان
لكن الغريب يابو بودعي اني مع الأكل الصحي وحبوب الحديد دمي ينزل !!
وش السبب الله اعلم
هذا الشي اللي مدهور صحتي
ويسلم راسك ياخوي
مرحبا اخوي
الله يجزاك خير ماتقصر واحد من الربع توه راد من العمره باخذ من ماي زمزم واذا ما جاب بعطيك خبر
بالنسبة للمناظير سويتها وخذوا مني عينات من المعده والقولون والأثنى عشر وكلها سليمة اللهم لك الحمد
وحبوب الحديد كنت اخذ 3 حبات في اليوم مع تغذية صحية ولا نفع معاي
والحمدلله اقول الأذكار وقرى علي شيخ والأمور طيبة
بس بعد الدم ينقص
مشكور والشر مايجيك
اللهم لك الحمد كما ينبغي لجلال وجهك وعظيم سلطانك
ماعليك شـر إن شاء الله
زين جربت تغيـّر الدكتور !!
و إذا تبي نتبرعلك طال عمـرك :..
خبرك أنا O+ :..
أجر و عافيه إن شاء الله :..
و أنا و المهاجـر و ابوعلي مستعدين نروح معاك تايلند :..
أنا الدليل و المترجـم
التعديل الأخير تم بواسطة بو الجوري ; 19-01-2012 الساعة 12:54 PM
مشاركاتي في المنتدى لا تعبر إلا عن رأيي الشخصي :..
أخوي يمكن الكبد عندك ما تخزن دم فبمجرد ما ينتهي كورس الحبوب يصير عندك فقر دم
عشان هالسبب انت محتاج للحبوب طول حياتك ما تقطعها أبد .........
أو الحبوب اللي تاخذها مو كافية انها ترفع نسبة الحديد عندك .........
أو عندك نقص في فيتامين B12 وهذا مهم وضروري للجسم ونقصه يسبب وهن وألم شديد
أنا ما قلت هالكلام الا عن تجربة وحبوب مستشفى حمد جربتها تقريباً كلها ما انفعت معاي
ورحت مستوصف الجزيرة وتابعت مع د طارق وهو جزاه الله خير وصف لي دوا Feroglobin B12
وحدة بعد الفطور ووحدة بعد العشا والشي الثاني عليك بالعسل الأسود ( حلواني ) ملعقة أكل بعد الفطور
بالإضافة إلى التمر والفلفل الرومي والتفاح والجرجير والكبدة
ان شاالله أكون افدتك ........